外出午膳好處多

好多人食完飯都會有飯氣攻心的情況,好眼瞓!! 晚飯之後眼瞓,大不了早啲瞓。但係 lunch 就有啲難攪! 曾經有朋友同我講過,只要午餐時,唔食任何 carbohydrates (碳水化合物) ,飯氣攻心情況就不會那麼嚴重! 但係唔食,好快餓! 所以呢個方法,我覺得唔 work!  我就會選擇出去食飯,唔留響公司食,順便四圍行下先再開工! 當做埋運動都好!   今日睇雜誌,睇到一篇 article ,原來外出午膳仲有以下好處: 1) 纖體 美國臨床營養學期刊發現,在電腦前面午膳的人,會在其後小吃時段吸收兩倍的熱量。 2) 充電 一項美國大學研究指出,長時間在辦公室政治泥沼打滾的人,宜外出午膳休息一下,因為此舉可收充電之效,較能專心應付其後的工作。 3) 改善情緒 美國環境科學期刊的研究指出,午膳時間到戶外步行只消五分鐘,便足以改善當天的情緒。   既然有咁多好處,大家都多啲出去午膳啦!!   

Continue reading

我的慘痛經歷! 大家記得要 back up 呀!!!

之前個 server down 咗,無曬我的所有 post!! 我不知幾咁傷心!!  後來有朋友提點我上網 copy 番我之前的 post。 不過我只可以搵番啲文字,無曬啲相! 都好過無! 好彩相片我有留底,如果唔係就更加慘了!!    不過我要重新再 post 番我之前的 post ,應該要花不少時間! 呢個教訓……真係大!! 順便提提大家,以後所有關於電子產品嘅嘢,都要做好back up 啦!!

Continue reading

取消有線好難!!

我對 i-cable 呢間公司真係好失望。 真係申請容易,cancel 難!! 好多年前佢開始有上網服務嘅時候,我已經用佢!! 本日自問係一個電腦白痴!! 見 i-cable 當年話人專人跟進,保證無問題,所以就簽咗一年約!! 記得當年足足比咗成年錢,都仲係上唔到網。攪極都攪唔到!! 打去佢地個熱線電話想取消…..一駁入個語音系統,就好似出唔番黎咁!! 想搵人聽個電話叫佢即時取消都好難!! 最後我係要自己帶佢地部上網機,直接走去佢地門市還比佢,先取消到!! 最近又想取消有線電視!! 因為呀媽話反正屋企無人睇,就取消啦!! 但係又係要打電話去……又係語音系統….. 最後搵到人聽,佢話要 fax 份 “取消表格” 過黎,要簽名確實取消先得!! 記得一定要打電話確認佢地真係收到!! 如果唔係佢分分鐘話收唔到,繼續收你錢!! Fax 完份”取消表格” 都未完。30日內有封信寄黎話你知要響30日內還機,否則要收取你$990 作為個解碼器+ remote 嘅費用。要真真正正還埋機先叫做取消咗!! 真係好煩!! 我諗我還完機都仲要 check 吓佢有無真係停止過數囉!! 如果唔係佢好可能仲繼續收錢都夠膽死!! 如果大家都要取消,可用以下語音系統嘅 short cut,唔洗等咁耐!! 搵服務員取消: 電話 1832832,接通後按 1111 (入登記電話號碼)#361 ——>跟住等人接聽電話 已fax”取消表格”後確認: 電話 1832832,接通後按 1111 (入登記電話號碼)#320 ——>跟住等人接聽電話 最後分享埋一段有趣影片…..連”希特拉”…

Continue reading

「扮靚不分年齡,美麗可以延續!」

剛剛睇完香港電台節目之黃金歲月,見到一班好可愛的長者!! 我有感而發!! 被訪問嗰幾個長者無因為年紀老邁,滿面皺紋而唔開心。為咗自己仲有健康體魄,行得、走得、食得就已經好開心,滿足!! 當中有一個婆婆八十幾歲。佢有一句金句:「扮靚不分年齡,美麗可以延續!。」我覺得好有共嗚!! 我都會同呢個婆婆一樣,為美而慳。慳埋慳埋啲錢去買面霜!! 只要少啲皺紋就好! 哈哈…..  好可愛!!  其實所有人都會老,都會有皺紋! 係歲月嘅見證!! 我唔反對其他人用醫學美容嘅方法去改變自己嘅容貌。但我自己就唔會咁做,因為我覺得如果唔識保養,一刻嘅美麗也不能持久!! 相由心生!! 只要有好嘅人格,不計較,保持正面及樂觀的心態。所有人都可以有天使般漂亮嘅面孔! 就算將來年紀大了,滿面皺紋都可以很美!! 你地同意嗎?? 

Continue reading