洗面棉

之前介紹比大家嘅 gel 狀 mask,大家有用嗎?? 大家有無發覺敷完要清洗啲 mask 好難洗乾淨呢?? 今次我想介紹呢啲洗面用嘅棉就可以幫大家輕鬆地洗乾淨啲 gel 狀嘅mask。 平時用都可以洗面洗得乾淨啲架。 本人平時洗面時用法: 濕面後,用平時洗面用產品洗面。過水前用濕水後的洗面棉打圈洗一次(注意力度輕就可以了)。 然後過水就可以了。 本人平時敷 gel mask 後用法: 洗面棉要濕水軟化,然後在面上打圈。一面用海棉打圈地洗,海棉要不停過水,直到塊面洗乾淨為止。 (雖然這樣好浪費食水,但係本人未有更好方法,大家有什麼心得可以話我知呀??) 注意事項: 要買厚身的,用起黎比較舒服!!  每次用完都要通風吹乾。 一定要定時更換,唔好養咁多細菌!! 我第一次買呢個洗面棉時係幫襯”龍城大藥房”的,用落就覺得乾淨咗,唔洗成日用磨砂,面上的暗粒都減小咗。 所以先再買黎用……點知原來買平少少的都有問題。 以下就係我嘅體驗,希望各位姊妹注意!! 其實我都只係用過以下兩款咋,不過已經有明顯嘅分別啦…… 雖然好似係同一個牌子,原來都好大分別呢!! 左面的是我在”卓悅”買的,$7 兩片。 右面的是在”龍城大藥房”買的,$10兩片。 正面睇無咩明顯分別,”卓悅”的孔好像多少少… 但係平放比較下,就見到厚度有明顯分別啦!! “龍城大藥房”嘅厚好多。用落都舒服好多。 加埋尺比大家睇睇啦!! 都相差好幾 mm 呢!! 厚身的,好就好在洗面時,有 cushion 咁嘅感覺。 薄的都可以洗得乾淨,但係就無咁舒服囉。 個人認為最好要有 1 cm厚先好用,大家如果要買黎試都要注意啊!! 

Continue reading

Dr. Swiss BB Skin Eye Serum

呢支係朋友指佢同事用過之後,讚不絕口嘅眼部精華。 因為早前特價,朋友個同事一次過買咗幾支,仲講到佢好好用。 好奇之下,都買一支自己試試!! <Dr. Swiss BB Skin Eye Serum> 相信好多人都響萬寧見過,因為我發現連我媽媽都買咗支黎用!! 產品自稱主要功能: 淡紋及減淡黑眼圈 我想解決我嘅眼紋好耐架啦…. 一於要試吓係咪咁正!! 一開,原來佢個設計都好衛生。   每次只需一滴就夠兩隻眼塗啦! 塗均之後,保濕效果不錯!!   但係都幾快吸收哂!! 幾分鐘就吸收哂!! 大家睇下兩邊比較吓啦!! 的而且確,佢即時保濕咗,連啲乾紋都改善咗。 不過剛剛用完就好,不過之後啲效用又好似唔係好last到。 仲有支嘢啲味道好似有啲怪,但係唔知點形容,總之就唔好聞啦!!  不過我已經用完啦,我就無咩興趣再買第二支黎用!! 我覺得只係一般,大家如果用完有好嘅效果,真係要再話我知,睇下我係咪用錯咗方法啦!!

Continue reading

天氣轉,護膚品都要轉!!

今年冬天特別乾燥。 要轉啲更加保濕嘅精華,如果保濕做得唔好,乾紋就會好快出現。 乾紋出現一段時間,就有可能變成長遠嘅皺紋。 所以千萬不可睇少乾燥嘅天氣。 有隻保濕精華我有個朋友讚咗好幾次,我最近都轉咗用佢。 <LOREAL HYDRAFRESH All Day Hydration Aqua-essence> 產品介紹: 萃取自法國的礦物溫泉,蘊含鈣、鎂等豐富維他命及礦物質,散發純淨SPA礦泉精華的力量,有效讓肌膚鎖住水份,保持理由鎖水狀態。 作用 : 水漾保濕 效果  : 肌膚瞬間注滿水份,全天侯完美保濕,持久鎖住水份,令肌膚一整天水潤清新,更柔軟舒適。 質感  : 輕盈涼爽的水漾保濕精華 個人用後感 : 往年我啲皮膚總有一至兩次敏感,仲會全面脫皮,好嚴重下。 今年一轉冬天,一開始乾同凍,我就轉咗呢個保濕精華!! 佢係gel狀,一塗好快就吸收哂!! 我只係用一粒黃豆左右咁多,再響兩個掌心”初”開,然後按上面。 等佢慢慢吸收,唔洗一分鐘,再上一層薄薄的cream,真係可以保濕到全日,真係一件好好嘅產品。 用咗佢之後,妝都好上咗!! 最近仲見佢響萬寧周不時有特價,大家都快啲去入貨,潤住咁過埋呢個冬天啦!! 

Continue reading

磨砂洗面嘅正確時間

唔知大家一般係晚上用磨砂洗面,還是在早上用呢?? 其實我一直以來,都係響晚上先做磨砂架。 因為我諗住晚上皮膚最 dirty,晚上洗乾淨就最啱啦…… 原來係錯架!!  我都係一次買嘢嘅時侯,比個sales姐姐點醒咗! 晚上我地啲皮膚係最疲倦嘅時候,所以晚上用磨砂洗面就會加重我地皮膚嘅負擔。 所以早上用磨砂先係正確時間,仲可以叫醒啲皮膚潻!! 如果有人同我一樣,都係習慣晚上用磨砂洗面,就要改改啦!! 注意磨砂嘅時候,動作一定要輕。 如果唔係,好易會攪到皮膚敏感架!!

Continue reading

蜂皇柔和潔面啫喱

我啲洗面真係用得最快嘅! 今次又有新嘢試咗,想分享吓比大家!! 繼上次介紹的無泡洗面,今次想介紹比大家嘅都係彩豐行另一無咩泡嘅洗面啫喱。 <蜂皇柔和潔面啫喱> 主要成份: 蜂皇乳精 – 幫助肌膚癒合修復及提升。 維他命E – 具有抗氧化、促進血液循環的效果,佢仲有軟化皮膚的角質層嘅功效。 橄欖葉精 – 係一種抗氧化劑。比維他命C嘅抗氧化功效高出4倍架!! 勁!! 洋甘菊精 – 有效改善皮膚過敏嘅症狀。有鎮静,强化肌膚抵抗力及免疫力的嘅作用。 銀杏葉精華 – 幫助肌膚抗氧化,能修護肌膚,改善黯沉現象。 用法: 加適量於掌心,加水搓揉出泡沫,塗於面部及頸部按摩,以清水沖洗即可。 功效: 添加上橄欖葉及銀杏葉精華,潔面爽膚同時加強抗氧化效果、有助預防皺紋及鬆馳等現象,賦予肌膚透明度和彈性。 個人用後感: 一聽個名有蜂皇,就知佢潤啦!! 我覺得佢超適合冬天咁乾燥嘅天氣用。 用完之後一啲都唔乾不特止,仲要好滑!! 用落,佢仲幾香,值得一讚!! 不過,唯一係個泵口好細囉…… 次次都要按至少5下先夠!! 唔係好方便。 但係佢嘅質數都真係唔錯架,大家都快啲去買支試試啦!!

Continue reading

咁凍,大家會用溫水洗面嗎??

其實好耐之前開始,我已經有用凍水洗面嘅習慣!! 不過,我都係睇書同睇雜誌見到啲醫生同藝人嘅訪問先知用凍水洗面最好。 所謂凍水,我都係用自來水嘅水溫。 據說,用冷水洗面可以刺激面上嘅微血管收縮,呢個係一個好好嘅肌膚運動。我就覺得用冷水洗面仲可以收縮毛孔潻。 我響cosmopolitan都見到周迅嘅訪問,佢都公開佢嘅護膚秘訣就係用冷水洗面。 就算佢去到北京再凍,佢都係用冷水洗面架。 啲皮膚科醫生都話特別係冬天,因為冬天皮膚不太會出汗,皮脂分泌也較少。如果用溫水洗面,就會容易造成皮脂膜剥落,令皮膚粗糙。 如果大家都用慣溫水洗面就要改變習慣。 只要轉用冷水一個星期,你就會見到有明顯轉變架啦!! 仲唔快啲 ACTION!!

Continue reading

無泡洗面新感受!!

有睇我之前嘅BLOG嘅人都知,我一向認為有泡嘅洗面先洗得塊面乾淨!! 不過今次我要推介比大家嘅….竟然係一支無泡嘅洗面!! 仲要係平、靚、正之選!! 呢支彩豐行買嘅JimmBenny溫泉保濕排毒潔面啫喱,佢好得意架!! 成支洗面啫喱都有好多粉紅色同透明嘅真空波波,洗面時就會爆開!! 洗完面仲一啲都唔乾,。好保濕,又滑!! <JimmBenny A735 溫泉保濕排毒潔面啫喱>  佢嘅主要成份係: 丙二醇 (Propylene Glycol) – 一種透明、無色、具黏性及吸濕性的直鏈脂肪醇液體,像平常使用的藥膏、面膜、化妝水、洗面乳、精華液、卸妝品、保濕乳液及植物萃取液等。佢有助於我地嘅皮膚吸收水份。 甘油 (Glycerin) – 使皮膚得到滋潤,保持水潤。 尿囊素 (Allantoin) – 有效改善過度出油的問題同時安撫紓緩肌膚。 我初初用都唔覺好用!! 之後轉用其他先覺得呢支洗面好!!  之前我朋友有暗瘡問題,我都有介紹佢用。佢用咗之後都有改善!! 所以佢都仲有繼續用落去!!  彩豐行官方網頁有講佢主要功效可以抵抗臭氧及重金屬,消除城市煙塵催生的毒素,促進微循環幫助皮膚剔除雜質。而每一粒真空波波都包含著銀杏精華,能釋放充足滋潤成份,令皮膚保持柔軟、彈性。 仲有好多用過嘅人都有番去彩豐行網頁留言。有時間,大家都可以去以下嘅LINK睇睇!! http://www.choi-fung.com/chinese/online/goods.php?pid=A735

Continue reading

爽膚水嘅重要性

一支好嘅爽膚水係一道打開皮膚去吸收養份嘅門,所以非常重要。 佢唔只可以清除平時我地洗面洗唔走嘅死皮,佢仲係洗完面後,皮膚保濕嘅第一步!! 一定要塗爽膚水嗎? 咁就要睇吓大家想要咩效果。有皮膚科醫生就話,如果用爽膚水係想收毛孔,就可以用凍水代替,令毛孔縮細。 但係依家啲爽膚水仲可以保濕、美白、緊膚、控油,有啲仲可以防皺。 想有以上功效嘅姊妹們,睇怕都不能懶了!! 我建議大家用化妝棉塗爽膚水,因為可以順便抹去殘留響皮膚上的潔面品或潔面時還未徹底洗掉的灰塵和汙垢。仲可以防止雙手不夠潔淨而將汙垢塗番上皮膚。所以還是用化妝棉比較衛生。 選購爽膚水時最好唔好買有酒精成份的,以免引起敏感啊!! 最近我又用過兩支好嘅爽膚水想同大家分享一下!! BIO-ESSENCE TANAKA WHITE CLARIFYING SOFTENER 呢支真係美白了,我用咗一個星期就見啲皮膚白咗。(當時仲要係夏天) 夏天曬得多,我塊面就好易因缺水而暗啞,用咗佢一個星期左右,終於有番啲生氣。即係佢嘅保濕功能都不錯啦!! 我出年夏天都一定會再買番佢黎用。 彩豐行 – C.L A1863 Marine Collagen Skin Refiner海洋骨膠原緊膚液 最近天氣好乾燥。有一日同朋友去彩豐行,又想試新嘢! 今次就選了試爽膚水!仲做埋實驗先買! 我在彩豐行左手同右手嘅手背分別塗上<C. L. 白米蛋白透明質酸原液水>,另一面塗上<C.L. 海洋骨膠原緊膚液>。然後行了一圈,再感覺一吓那一面手背比較柔軟。就係咁!我就決定要買<C.L. 海洋骨膠原緊膚液>回家了!! [大家都要記得用呢個方法試完護膚品先買!如果隔一段時間後,都覺得有效先至係好野!!] 海洋骨膠原緊膚液嘅主要成份: 海洋骨膠原、螺旋藻精華、海草精華、黑角藻精華、維他命原B5、透明質酸、薄荷葉精華。 哇!!咁多藻精華,加埋透明質酸,即係大部份都係保濕成份,再加上海洋骨膠原,唔怪得用完隻手背可以咁柔軟啦!!值得一讚!! 我用咗兩個星期啦!好適合香港依家咁乾燥嘅天氣! 皮膚乾燥就會失去光澤。大家都去彩豐行買番支試吓啦!!

Continue reading

冬天皮膚敏感嘅救星!!

唔知大家有無轉天氣就皮膚敏感呢?? 我近年就開始有呢個問題,特別係秋至冬季,最敏感!! 有時嚴重到成塊面都有脫皮現象,塗什麼cream,敷幾多mask都無用!! 好痛苦!!   呢啲時候我就會早晚一洗完面,就咩都唔攪,直接塗俄羅納英藥用雪花膏!! <俄羅納英藥用雪花膏> 佢真係好得架!! 更嚴重都只係幾日,咩事都無哂!!   大家仲可以去萬寧買支最細既size,細細支,帶出街急救好方便!! [藥房好多都無細size, 我行過好幾間都無,大家信我的就直接去萬寧買吧!) 我已經用咗幾年,效果非常好!! 唔洗下下去搵皮膚科醫生咁貴啦!! 如果你地都有敏感嘅話,都快啲試吓啦!!  大家仲要注意!! 俄羅納英藥用雪花膏仲可以醫治到暗瘡架!! 仲可以去暗瘡印潻!! 不過我就唔係親身體驗,因為我唔係時時都生暗瘡,不過我響香港討論區發現都有啲人讚!! 大家有時間都去睇睇啦!!    http://www28.discuss.com.hk/viewthread.php?tid=9327329

Continue reading

收毛孔激素

今次有件產品我用咗一段時間,好想同大家分享吓我嘅用後感啦!! <彩豐行JOSERISTINE收毛孔激素> 呢支彩豐行買既收毛孔激素,我都係第一次試!! 佢價錢只不過係$58,有30ml,所以都係好經濟!! 佢係水狀,好易同好快吸收!! 呢支收毛孔激素嘅主要成份: 左旋乳 尿囊 (Allantoin) – 有舒缓肌肤、促進细胞修護,軟化角蛋白。 金縷梅精華(Witch Hazel Extract) – 能够迅速滲入皮膚,由内而外全面調節肌膚,平衡皮膚PH值及油脂分泌,净化毛孔,修復受損的肌膚,有效調節舒張嘅毛孔。 唔覺唔覺已經用咗3/4支啦!!我都有日日用,除咗覺得佢好快吸引外,我就唔係好覺佢有收毛孔嘅功效! 響彩豐行個網頁就有其他人話佢好有效!! 大家都可以 click 以下條 link 去睇睇! http://www.choi-fung.com/chinese/online/goods.php?pid=A263 不過響我搵資料期間,就見到如果你係油性肌膚,就會見效啲。 因為金縷梅精華最有效補充水份,平衡油脂分泌,有效收細毛孔。 所以如果你地係油性皮膚就更加要試試啦!!

Continue reading