美白淡班筆

其實唔知大家有無留意,皮膚偏白的嘅人,啲班特別多!! 但係黃皮膚同膚色比較黑嘅人呢,啲班就比較少!! 我啲皮膚膚色偏黃,所以唔係好多班。但係曬得多,都會有囉!!! (仲要唔係淨係響啲雀班位先有,係成塊面唔同地方都有啲。 為咗去除呢啲班,近年我先開始試用一啲美白淡班筆,希望重點去班。 之前用過 CHANEL 嘅<超美白淡班筆>,用咗兩支,啲班真係淡咗好多!! 貴係貴啲(要$5XX一支),但係有效!! 都照用!! 上次本來打算再去買,點知已經停咗產……. 早前同朋友去 Body Shop 見到呢支淡班筆。又唔太貴,只需$2XX,一於買黎試試!! <紫蘇水份美白重點修護筆> Body Shop 呢個紫蘇水份美白系列有哂洗面,爽膚水,精華,日、晚霜架。不過我就只係試咗呢支淡班筆!! 呢個紫蘇水份美白系列有以下主要成份: 紫蘇精華 – 響色班出現之前,減少製造黑色素嘅訊號。 有機蘆薈 – 有紓緩,鎮靜及保濕功效。 維他命C – 有美白功效。 甘草根精華 – 抑制肌膚底層製造累色素。 用後感 走珠式設計,用起黎好方便!! 只要輕輕滾一吓就好容易滾出大量精華!   啲精華仲好補濕!! 塗完塊面就好似有一層好薄好薄嘅膜咁!! 初初用支淡班筆第一、二個星期時就好似無咩反應,唔係好覺啲班淡咗。 但係到依家差不多用完一支就見到啲班開始淡!! 真係幾好!! 終合所有意見,都值得介紹比大家買黎試吓架!! 大家快啲去睇睇啦!!

Continue reading

洗面都要用機??

<Neutrogena Power Wave> 相信好多人見到Neutrogena個廣告時都會好好奇!! 洗面,同時按摩埋塊面!! 好似幾好!! 但係佢個廣告真係有啲誤導囉!! 因為佢唔可以好似廣告咁樣,做到有咁多泡嘅效果!! 啲泡又唔多豐富!! 只係好薄!! [可能係我用慣啲多泡嘅洗面膏啦!! 我係接受唔到用洗面奶嘅人。] 用法都好易!! 將已有洗面 gel 嘅棉花放去部機到。 然後將部機放落水龍頭到沖濕塊棉!! 跟住開咗部機就可以開始按摩吓!! 啲泡就會慢慢出黎啦!! 不過啲泡唔係好多,但係就好滑!!   用後感: 洗完感覺幾好!! 佢真係有令到啲皮膚滑啲,soft 啲! 唔知係咪同佢嘅震動按摩有關呢?? 用後有涼涼的感覺! (因為個起泡棉有少少薄荷成份!) 但係潔淨能力,我就只係覺得還可以! 唔係好覺得佢特別 Deep Clean!! 缺點: 個按摩圓位比較大,好難清潔到兩眼中間嘅位置!! 泡沫唔夠濃密,感覺潔淨能力一般!! 不過加埋所有嘅感覺,呢部 power wave 機都係可以一試既!! 但係如果長用我就未必會啦!! 以上只係個人意見,如果你地用後覺得好!! 記得話我知!! 我都想知我係咪用錯咗方法呢??

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE ,不過都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE 都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

去紋好幫手

好多女士都有細紋嘅問題!! 引致細紋可以有好多原因!! 可能係水份流失,又可能係唔夠骨膠原…… 不過我就試過以下產品可以改善細紋!! <TRI-AKTILINE瞬間抗皺除紋霜> 據稱佢嘅抗皺功能好強!! 呢個產品出嘅時候,廣告話佢可以撫平細紋…… 係咪咁勁呀!! 佢有3 大成份即時改善細紋: 1. 植物性類肉毒桿菌 (Gatuline® Expression) – 放鬆臉部肌膚,不再加深已生成的表情紋。 2. 海藻酵母精華 (Kombuchka™ PH Extract) – 促進細胞保水能力,撫平臉部細紋,平滑肌膚。 3. 六胜肽膠原蛋白 (Argireline®) – 從肌底改善細紋,恢復豐潤肌膚。 見到好似好有效咁!! 我就買黎試吓,睇吓佢可唔可以改善我嘅…..千年眼紋!!(因為我條眼紋已經存在咗幾年,我諗要佢完全消失都好難!! ) 用法: 每次少量印響想改善嘅地方。輕輕拍打直到完全吸收為止。(記住一定要拍,唔係打圈按!!如果唔係就無效存啦!) 用後感: 用咗半支,唔止條眼紋淡咗!! 最明顯係兩條法令紋都淡咗!! 啲朋友都覺得我個樣後生咗,精神咗,靚咗!!  持久度: 我用完第一支嘅時候,未買第2支期間停咗幾個月無用。 條法令紋都無即時出番黎。條眼紋都無明顯惡化番。所以佢嘅持久度都OK架。 有好嘢一定要同大家分享!! 我都就快用完第2支啦!! 你地都快啲買黎試啦!! 

Continue reading

毛孔保養

我嘅皮膚屬於中性偏油。再加上我細個嗰時曬到啲毛孔好大。 所以我都有想盡辦法,令啲毛孔可以細番啲。最緊要唔好比啲皮膚出太多油。咁就可以令啲毛孔無咁覺眼!! 除咗敷mask,我會用啲有BHA [即係水楊酸(Salicylic acid)]成份嘅產品。BHA有去角質、清理毛孔嘅能力。佢仲要比果酸溫和。無咁容易引起敏感。 我用得最耐嘅就係呢個SKII – BHA 再生素。佢雖然唔平。要成$5XX,但係一瓶可以就用好耐,仲好有效。佢只係夜晚用,同埋只係用係毛孔大嘅位置 (用量少)。 所以我都覺得值!! <SKII BHA 再生素 Skin Refining Treatment> 塗咗佢瞓醒第二朝塊面好油,因為佢會溶咗啲黑頭。 仲要留意注意剛剛用嘅時侯,因為有好多黑頭溶出黎,所以會多啲暗瘡。但係好快就會好轉!! 但係如果擔心,就最好買tester試咗先。 但係如果覺得貴,又或者你嘅皮膚好敏感,都可以試試以下彩豐行嘅產品 。 <Ki 甘草酸粉刺淨化保濕啫喱> 呢個都有BHA,但就無SKII濃度咁高,用完塊面唔會出咁多油。佢仲多咗甘草酸 (Glycyrrhizinic Acid),有抗過敏、抗發炎嘅功效。佢仲有少少薄荷成份,有鎮靜作用,好適合有暗瘡嘅人用。 仲要只需$3X。好低試!! 只要早晚用,黑頭粉刺好快改善。 以下有我兩個朋友嘅試後感…… 一位女性朋友因為減肥,多咗痘痘。我介紹佢用之後,痘痘有所改善!! 我個 friend 仲要買第二支打算繼續用。 一個男性朋友長期都想清咗鼻頭嘅黑頭粉刺。我介紹比佢之後,用咗幾日就打電話多謝我嘅介紹。佢話用咗幾日就少咗黑頭,最好係啲黑頭依家好易就推得出黎。 真係開心可以幫到朋友!! 我最鍾意介紹好嘢比人!!  最後我仲想講多個秘密比大家知!! 其實我以前有一段時間啲皮膚勁油,滿面暗瘡架。依家無事都係用咗SKII 嘅 BHA再生素 同以下嘅 淨脂明肌精華攪番好。 <SKII 淨脂明肌精華> 兩支雙管齊下好得!! 我以前唔知皮膚油係因為皮膚缺水,呢支淨脂明肌精華有Pitera及海藻精華,可以調節油脂分泌。不過呢支淨脂明肌精華都要$4XX,但係未用完一支,我嘅皮膚嘅水油平衡已經明顯改善。我都唔需要再買第二支黎用。皮膚好番哂,值!! 

Continue reading

唔想面部暗啞 – 去角質啦!!

角質太厚或者面部皮膚缺水都會導致面色暗啞! 今次我想先講去角質先!! 因為角質太厚就塗咩都好難吸收!! 我之前用過以下IPSA套裝。 佢有一支pre-cream要先塗上,之後先塗mask嗰支! 支pre-cream有溶解黑頭嘅功效。 不過自從聽到呢類撕下式嘅面膜會拉鬆塊面,我就無再用啦!! (反正都差不多用完啦! ) 跟住就轉番用一啲敷完後洗嘅去角質啦!! 以下支ORIGINS 嘅 charcoal mask 係一次生日嘅時候,朋友送比我啲護膚套裝中嘅其中一支。 只要塗上後等佢乾 ,然後洗乾淨就得架啦!!  你地睇吓我同上面個公仔幾似樣?? 哈哈!! 十分鐘左右就乾哂!! 洗乾淨之後,塊面就好爽!! 好似會發光咁!! 哈哈…..好似好誇張咁!! 比你地睇吓就知!! (我無開閃燈影架!!) 其實我都仲有用其他產品去角質,不過今次就講住咁多先啦! ByeBye~~ 

Continue reading

再攰都要敷MASK

都市人真係好忙,但我想提提各位女士,就算再忙,都要敷mask呀! 有啲真係為啲懶人著想!! 瞓之前塗上,第二朝洗完面即刻容光煥發!! 我用得最多嘅係 Laneige 的 Water Sleeping Pack,佢真係好保濕! 一年四季都好適合用! 我 honey 最怕’痴笠笠’ ,但係佢到冬天都會脫皮。我照幫佢塗! 佢都可以接受到!! 佢瞓醒第二朝洗完面,即刻咩脫皮情況都無哂!! Very Good!! 不過,我最近又貪新鮮,試緊一隻彩豐行嘅 sleeping mask。用後感遲啲同大家分享啦!! 

Continue reading

一白遮三醜

一白遮三醜?? 係咪真我就唔知?? 但係我淨係知唔做防曬會老得好快 (啲死人UVA好勁架!!) ,仲會令皮膚缺水而攪到毛孔粗大囉 (一定係啲UVB 啦!! 燒傷曬我啲細胞!!)! 所以所有注重護膚嘅人都要做足防曬!! 我細個嘅時候,年年暑假都曬到黑”蚊蚊”架。細個嗰時就梗係唔識做好防曬啦!! 結果咪攪到啲毛孔大哂囉!! 依家仲唔知衰咩!! 無SPF25 PA+++防曬我都唔用呀!! 我好驚萬一曬出斑就更煩啦!! 早前我要長時間戶外工作,見 Neutogena 加咗 helioplex ,好似好好! 又見佢做特價,咪買支番去試吓囉!! 佢有SPF 50 PA+++。(注意我係用普通白色嗰隻,唔係紫色或者肉色嗰隻喎) 最近同啲 friend 食飯,佢地都問我點解曬唔黑!! 我估呢支防曬真係有效啦!! 不過我覺得佢都幾難推,但佢防曬度高,所以都值得一試!! 如果大家都怕 Neutrogena 太黏的話,可以試試 IPSA 嘅 Super Sun Block,佢都係SPF 50 PA+++,但佢就好清爽!! 我都買過幾次,陪咗我都有三個 summer 架啦!! 

Continue reading

去美容院嘅可怕經歷!

唔知大家對美容院有咩睇法呢?! 我就無咩好感!! 以下係我嘅不快經歷! 相信所有人去美容院都試過比人hard sell 買course! 唔知大家反唔反感?? 以我咁怕麻煩嘅性格就好憎呢啲行為! 佢地最鍾意困住你響房裡面,然後不斷迫妳買course。你唔買佢地都唔會咁易放過你。繼續不停遊說妳,直到你肯買,先肯放你走! 買完個course,惡夢仲未完! 好多次我打電話去預約都 full booking! 仲要個course 都未完又叫你再買! 仲有呀!! 明明買course 嗰刻講好每次做facial只扣一格架麻….但係次次去到都話妳皮膚太乾呀、無光澤呀….等等等等…..總之一定有特別嘢要妳做,然後扣妳兩格。 最過份有一次,我約好朋友做完facial之後食飯! 我又怕做做下facial瞓著咗。為免遲到,所以我校好電話的嘅閙鐘一個半鐘頭之後響先開始!  點知到我閙鐘響嗰刻,都仲未有人幫我起倒膜! 我只好耐心等候啦….最後等到我個 friend 打電話比我。 我問番個 friend 幾點…..先知我個 facial 已經做咗兩個鐘有多!  最後我唯有自己卸下倒膜,用枱面啲濕棉花自己清理乾淨! 走之前我都有走去 reception 同啲人理論架! 不過我當時趕時間,無追究!! 直到我下一次再去做facial嗰時,佢地先同我道歉! 仲話唔計我上次嗰次 facial 潻! 我當時心諗:「是但啦! 反正完咗個course,我都唔會再join 任何course啦!」 最後為免麻煩,我將最後幾格嘅 facial 都豪咗比佢! 好過又比佢地煩住要我買乜買物!!! 事隔幾年,佢地仲會打比我問我幾時去做 facial……我真係睬佢都傻,理鬼佢!! 我仲想提提大家,我去嗰間係一間有名氣及連鎖式經營嘅美容院! 所以大家唔好因為佢有名氣,就掉以輕心啊! 最後祝各姊妹好運,唔好遇到衰嘅美容院!!

Continue reading