正確刷牙方法

響過去一個月我去咗一間牙科診所番工。未做過都唔知原來有好多人唔識正確嘅刷牙方法。 今次就同大家分享吓我嘅牙齒保養啦!! 不如就由選擇牙刷開始啦!! 牙刷 1. 最好選擇軟毛牙刷。(有好多人唔知,用硬毛牙刷大力刷牙,好多人刷蝕哂啲牙都唔知!我都試過有一日發現隻牙無咗一”忽”,好彩我好早發現補番!! ) 2. 用作刷牙的部份不要太大,如果唔係就不可以清潔到我地大牙最入的位置!! (大家要注意啊!!) 3. 如果大家想用電動牙刷就要選擇「音波」震動的比較好。     正確刷牙方法 刷牙至少要刷2-3分鐘。 我會先刷大牙外側,將牙刷斜斜地貼近牙肉刷。兩隻牙一組地打圈咁按摩牙肉。(完成上下排的大牙) 門牙外側都係要貼近牙肉斜斜地刷。 大牙內側同外側都係要斜斜地打圈貼近牙肉按摩。 門牙內側就要將支牙刷打直(同我地啲牙齒成90度咁刷!) 特別要注意下排牙齒內側,因為近口水腺,特別容易有牙石。 【講到呢到,大家係咪好懷疑,我地由細到大都話刷牙,其實我地大部份時間都在刷牙肉的。】 到最後真正刷牙嘅部份,就係大牙面啦!!呢個位仲係全個刷牙步驟可以大力啲嘅地方,其他地方都唔洗太大力。 大家緊記唔係大力就一定好架!! 我都知大家無圖畫睇好悶架啦,大家不妨睇睇以下ORAL-B 條 link: (仲教埋用電動牙刷嘅方法潻 ) http://www.oralb.com/tw/learningcenter/dailycare/brushing.asp 為咗考考大家係咪真係明白,我仲搵咗個遊戲比大家玩吓。睇吓你地有無認真清潔你地嘅牙齒!! http://www.colgate.com.tw/app/Colgate/TW/ZH/OC/Information/InteractiveGuides/BrushTool.cvsp 如果大家好似我咁,都唔鍾意睇牙醫的話。大家就更加要好好愛護牙齒啦!! 想再清潔得徹底啲,最好就用埋牙線啦。咁就更加好啦!! 

Continue reading

Sleeping Mask

塊面乾,又無時間做mask嘅時候,就係sleeping mask出動嘅時候啦!!  我以前用開 LANEIGE 嘅 water sleeping pack 架!! 我仲已經用咗兩瓶架啦!! 不過我都係貪新鮮,想試新嘢囉!!  之前行彩豐行見到原來佢地都有sleeping mask。因為好奇,就買番黎用吓!! <彩豐行 Beautiella 玫瑰香薰睡眠面膜> 佢嘅主要成份: 維他命原B5 – 可以滲入肌膚底層﹐為細胞補充水份﹐幫助維持肌膚的自然水份平衡。佢仲布收覆細胞嘅功效。 保加利亞玫瑰香薰 – 能幫助釋放情緒、舒緩神經緊張和壓力、令人精神放鬆、更有助舒緩疲勞。 銀杏葉精華 – 是一種抗氧化劑,免受自由基破壞。 透明質酸 – 又稱玻尿酸。有極高嘅補濕能力,仲不含油份。 用法: 晚上完成護膚程序後,均勻地塗一層玫瑰香薰睡眠面膜於面部及頸部,到早上以潔面用品清洗。 (大家記得注意用量,不要一次過塗太多。最好係塗完一會,吸收哂,不再黏黏的就可以啦!!) 個人用後感 : 雖然我有鼻敏感,不過聞到啲香味都無打噴嚏!! 啲香味都有舒暢嘅感覺。 第二朝洗完面仲有好水潤嘅感覺。 不錯不錯!! 如果無時間做mask嘅人就一於買黎試吓啦!! 

Continue reading

天氣乾燥,努力保濕!!

繼上次介紹完彩豐行嘅JimmBenny 海藻抗菌淨化面膜之後。 今次有佢嘅姊妹產品想介紹比大家。 <彩豐行JimmBenny 水療急救解渴面膜> 呢支mask都係只需敷5 – 10分鐘就可以啦!! 所以我都係響沖涼嘅時候用!! 呢支面膜嘅主要成份: 海洋骨膠原 – 迅速滲入皮膚底層,集中阻止並緩和皮膚彈力組織的惡化及減少皺紋加深的現象。 藻類衍生物 – 增加皮膚的水份與免疫功能,恢復受損組織正常循環。 彩豐行網頁嘅功效: *含豐富的藻類衍生物和海洋骨膠原成份 *能直接將成份輸入深屠皮膚,補充骨膠原活化肌膚細胞 *促進新陳代謝與再生能力,增加皮膚的水份與免疫功能 *促進真皮層微血管形成,恢復受損組織正常循環。 用法: 將厚層面膜均勻地塗於潔淨之面部,待10分鐘後,用水清洗即可。 個人用後感 : 我覺得佢性質好溫和。 保濕能力好好,方便易用!! 用咗佢之後啲皮膚仲無咁暗啞,因為底層保濕番!! 又平!! ($26一支)可以厚厚咁敷!! 我一星期用兩至三日,效果不錯!! 你地都試試啦!! 

Continue reading

曼秀雷敦薄荷膏

早前出去行街,見到個sales個鼻脫甩哂皮!! 唔問都知佢係傷風,流鼻水導致到咁啦!! 我就忍唔住要介紹佢用「曼秀雷敦薄荷膏」,佢嘅薄荷成份可以通鼻之外。 佢仲有滋潤成份可以大大改善兩邊鼻翼脫皮嘅情況。 我時時都帶住呢個細細size嘅「曼秀雷敦薄荷膏」響身。 其實我好細個就已經用佢架啦! 因為我細個嗰時,個鼻呼吸唔好。 要晚晚都用佢幫助我呼吸。 只要將薄荷膏大面積塗響鼻同胸口,就可以幫助呼吸回復暢順。我細個好長時間都係靠佢,先可以瞓得好。 不過佢除咗可以舒緩傷風引致嘅鼻塞、胸口翳悶及頭痛不適外,我上網仲search到佢有以下功能: 擦傷燙傷:做家務時,很容易燒傷、燙傷及擦傷。用大量曼秀雷敦薄荷膏塗於傷處,並用繃帶包裹,可迅速減輕痛楚。如嚴重者,應儘快就醫。 皮膚拆裂:秋冬天氣寒冷乾燥,使用曼秀雷敦薄荷膏可滋潤肌膚,其清涼柔和的功效可使血液循環恢復正常,減輕皮膚爆拆、瘙癢,令肌膚回復健康。 蚊蟲咬傷:能立刻舒緩昆蟲咬傷而引起的瘙癢、疼痛。 太陽炙傷:皮膚不慎曬傷,將曼秀雷敦薄荷膏搽于患處或塗在清潔軟布上輕敷,清涼舒適,能使皮膚消除紅腫減輕疼痛,令皮膚迅速康復。 推拿按摩:採用曼秀雷敦薄荷膏推拿按摩,其解除肌肉酸痛的多種藥物成份,能有效地舒緩疲倦所帶來之肌肉痛楚及酸軟,所以在海外早已被桑那按摩浴室所普遍使用。 熱痱:在夏天,皮膚往往因出汗過多而生長熱痱,用曼秀雷敦薄荷膏輕搽患處,可治療熱痱及燙傷。 鬚後滋潤:曼秀雷敦薄荷膏還可滋潤剃鬚後的乾燥皮膚。 勁!! 真係要買番瓶回家看睇門口先得。 不過一般家庭裝(85 gm)可能太大,唔方便帶出街! 如果大家都想買番我以上張相嘅細size (10 gm),就要去萬寧或者屈臣氏先有。 因為我都試過去藥房搵,大部份都無架!! 唔想白行就記住啦!! 

Continue reading

蜂皇柔和潔面啫喱

我啲洗面真係用得最快嘅! 今次又有新嘢試咗,想分享吓比大家!! 繼上次介紹的無泡洗面,今次想介紹比大家嘅都係彩豐行另一無咩泡嘅洗面啫喱。 <蜂皇柔和潔面啫喱> 主要成份: 蜂皇乳精 – 幫助肌膚癒合修復及提升。 維他命E – 具有抗氧化、促進血液循環的效果,佢仲有軟化皮膚的角質層嘅功效。 橄欖葉精 – 係一種抗氧化劑。比維他命C嘅抗氧化功效高出4倍架!! 勁!! 洋甘菊精 – 有效改善皮膚過敏嘅症狀。有鎮静,强化肌膚抵抗力及免疫力的嘅作用。 銀杏葉精華 – 幫助肌膚抗氧化,能修護肌膚,改善黯沉現象。 用法: 加適量於掌心,加水搓揉出泡沫,塗於面部及頸部按摩,以清水沖洗即可。 功效: 添加上橄欖葉及銀杏葉精華,潔面爽膚同時加強抗氧化效果、有助預防皺紋及鬆馳等現象,賦予肌膚透明度和彈性。 個人用後感: 一聽個名有蜂皇,就知佢潤啦!! 我覺得佢超適合冬天咁乾燥嘅天氣用。 用完之後一啲都唔乾不特止,仲要好滑!! 用落,佢仲幾香,值得一讚!! 不過,唯一係個泵口好細囉…… 次次都要按至少5下先夠!! 唔係好方便。 但係佢嘅質數都真係唔錯架,大家都快啲去買支試試啦!!

Continue reading

咁凍,大家會用溫水洗面嗎??

其實好耐之前開始,我已經有用凍水洗面嘅習慣!! 不過,我都係睇書同睇雜誌見到啲醫生同藝人嘅訪問先知用凍水洗面最好。 所謂凍水,我都係用自來水嘅水溫。 據說,用冷水洗面可以刺激面上嘅微血管收縮,呢個係一個好好嘅肌膚運動。我就覺得用冷水洗面仲可以收縮毛孔潻。 我響cosmopolitan都見到周迅嘅訪問,佢都公開佢嘅護膚秘訣就係用冷水洗面。 就算佢去到北京再凍,佢都係用冷水洗面架。 啲皮膚科醫生都話特別係冬天,因為冬天皮膚不太會出汗,皮脂分泌也較少。如果用溫水洗面,就會容易造成皮脂膜剥落,令皮膚粗糙。 如果大家都用慣溫水洗面就要改變習慣。 只要轉用冷水一個星期,你就會見到有明顯轉變架啦!! 仲唔快啲 ACTION!!

Continue reading

天氣雖凍,但都要去角質!!

最後香港天氣好凍,特別我住新界,好多時都低過十度。 仲要勁乾燥。你地有無覺得塗完你的日常護膚品仲好乾?? 你地模吓你地個鼻頭,有無啲一粒粒咁?? 如果你地都有以上徵狀,好大可能係係地角質層太厚,啲死皮太多。 所以塗咩都吸收唔到。 今日我想話比大家知,我係點去我啲角質層呢!! 我會用啲好似擦子膠嘅洗面產品。依家間唔中有用嘅係呢支。 應該係台灣嘅出品,佢同我以前用過嘅擦子膠嘅洗面產品不同。 佢都係乾手乾面塗上,然後按摩,直到啲GEL結成一舊舊,然後用清水洗乾淨就可以了。 不過佢不同在於,佢洗一段時間都係水汪汪的。但係都唔好等到乾哂先洗面喎!! 如果唔係就會令到啲皮膚太乾啦!! 除此之外,最近我有新發現,仲好方便地就可以去角質!! <彩豐行JimmBenny 海藻抗菌淨化面膜>   點解我話佢方便用係因為佢只需敷5-10分鐘就可以洗面。 我會響去沖涼,一除完衫就厚厚地塗上它,跟住就去沖涼。 沖完涼順便洗埋面就完成啦!!  你地話係咪方便先。 不過方便歸方便,最緊要係有效!! 用完個鼻頭啲粒粒就平哂,即係有效啦!! 呢支面膜嘅主要成份: 尤加利 – 具止痛消炎功效,幫助平衡皮脂分泌,並兼具滋養肌膚之效。 海藻 – 最大的效果就是補水,乾性皮膚最適合不過了。補水之餘,仲控埋油,可以達到水油平衡。 尿囊 – 有效改善過度出油的問題同時安撫紓緩肌膚。 薄荷 – 平衡皮膚油脂,為皮膚補充水份,仲有收缩粗大毛孔嘅功效。 高嶺土 – 有去角質嘅功效。 功效: *深層潔淨面上油脂 *清潔消炎毛孔及線孔,防止感染 *舒緩鎮靜紅腫,加速細胞新陳代謝 *使暗瘡癒後不留疤痕。 用後感: 敷嘅時候冰冰涼涼的,可能係有薄荷有關。 不過用後塊面真係無咁油。日頭化妝都無咁容易溶。 用完鼻頭啲粒粒無哂, 真係work!! 仲有呀,佢又平,只係$26一支,厚厚敷都唔洗肉赤啦!!

Continue reading

秋風起,又要狂保濕啦!!

一到秋、冬季,天氣就變得非常乾燥! 特別係眼嘅部份。最薄同最脆弱!! 所以要多注重眼部嘅保濕! 要提早預防眼紋及魚尾紋嘅出現!!   最近就發現咗隻好用嘅 eye mask,一定要介紹比大家!! 呢盒ES 720 eye mask 好正,一盒有60片 (即係30對啦!) 佢嘅設計好貼眼,好保濕! 佢係有修復乾紋及黑色素嘅功效! 去唔去到黑眼圈我就不大肯定! 因為我個黑眼圈都依然還在!! 但係條眼紋就真係淡咗! 好勁!!  [不過我認,最初用佢我有連續幾日好勤力地敷架!!真係有回報!] 大家想試用嘅朋友,可以去「靚靚日本化妝品專門店」睇吓! 佢原價要$360架!! 上次我去就遇著佢特價,唔洗$300。所以就忍唔住要試啦!! 眼部比較乾嘅姊妹都一定要試試啊!!   我仲有另一樣介紹呀! 唔知大家有無同我一樣,有時敷 paper mask 時,隻眼就好乾呢?? 先前行彩豐行時就見到支cream狀嘅eye mask,就買支細嘅用吓啦!! 呢支Seaweed Eye Mask 海藻眼膜好方便,只需敷5分鐘就好。 主要成份係海藻精華,甘油,維他命E和尿囊素。 不過我一般都係敷面膜時,同時用佢敷埋眼。 佢係令我對眼無咁乾,但係去紋嘅效果就真係唔係好明顯。 有無改善黑眼圈都唔係好覺!! 只可以講佢真係好潤囉!! 不過我都會繼續用佢,直至我找到其他更好嘅 gel/cream eye mask 可以代替佢為止! 大家有好介紹記得講我知啊!! 

Continue reading

睇電視瘦面

其實睇電視嘅時間,兩手無所事事!! 最好就響呢啲時間做吓瘦面操! 之前同朋友去body shop 買嘢!! 見到呢個按摩器好似幾好,幾耐用!! 所以就買黎用吓!!  我覺得最好響睇電視嘅時候用。最緊要就注重以下位置: 眼下 多按摩眼下位置,可以加速血液循環,減輕黑眼圈!! (但係一定要輕手,如果唔係好易有紋!!) 注意方向係由鼻至大陽穴單方向。大陽穴係淋巴位,多按可以排毒!!  排出毒素,黑眼圈就會轉淡!! 淋巴位 由太陽穴帶到兩頰耳仔前面。 注意方向要向下。咁可以帶走毒素同水腫。 頸 由耳背開始,一直向下按到肩。 方向都係要向下。將多餘水份同毒素帶離面部,面部輪廓就會出啲!! 初初按嘅時候,會好酸,因為淋巴塞!! 多按的話,呢啲酸嘅感覺就會減輕。 如果無按摩器,以上按摩都可以用手代替!! 多按摩面部可以減淡黑眼圈, keep 住 V shape 面,仲可以增加血液循環,令面色紅潤!! 大家都要好好努力,加油瘦面啦!! 

Continue reading

去紋好幫手

好多女士都有細紋嘅問題!! 引致細紋可以有好多原因!! 可能係水份流失,又可能係唔夠骨膠原…… 不過我就試過以下產品可以改善細紋!! <TRI-AKTILINE瞬間抗皺除紋霜> 據稱佢嘅抗皺功能好強!! 呢個產品出嘅時候,廣告話佢可以撫平細紋…… 係咪咁勁呀!! 佢有3 大成份即時改善細紋: 1. 植物性類肉毒桿菌 (Gatuline® Expression) – 放鬆臉部肌膚,不再加深已生成的表情紋。 2. 海藻酵母精華 (Kombuchka™ PH Extract) – 促進細胞保水能力,撫平臉部細紋,平滑肌膚。 3. 六胜肽膠原蛋白 (Argireline®) – 從肌底改善細紋,恢復豐潤肌膚。 見到好似好有效咁!! 我就買黎試吓,睇吓佢可唔可以改善我嘅…..千年眼紋!!(因為我條眼紋已經存在咗幾年,我諗要佢完全消失都好難!! ) 用法: 每次少量印響想改善嘅地方。輕輕拍打直到完全吸收為止。(記住一定要拍,唔係打圈按!!如果唔係就無效存啦!) 用後感: 用咗半支,唔止條眼紋淡咗!! 最明顯係兩條法令紋都淡咗!! 啲朋友都覺得我個樣後生咗,精神咗,靚咗!!  持久度: 我用完第一支嘅時候,未買第2支期間停咗幾個月無用。 條法令紋都無即時出番黎。條眼紋都無明顯惡化番。所以佢嘅持久度都OK架。 有好嘢一定要同大家分享!! 我都就快用完第2支啦!! 你地都快啲買黎試啦!! 

Continue reading