深水埗 – 維記豬潤麵

今日同honey路過深水埗,點知遇到超大雨,濕咗半個身。 只係睇對腳,已經濕到去膝頭哥,勁無奈!  見唯記無咩人,即刻入去食啲嘢,暖下個身先!    食呢個豬潤餐肉麵,好似比豬潤麵無無咁漏,所以我依家都經常叫呢個! 當然唔少得 honey 鍾意食嘅咖央多士啦!    不過另一個我同 honey 去深水埗必去嘅地方未必人人都知嘅….就係人和荳品廠啦! 佢啲荳腐花同煎釀荳腐真係好味到不得了,有機會大家都要去試下!!    不過大家黎到嘅時候,記得要比少少耐性,因為鋪頭細細,經常都係好多人!       

Continue reading

awfully chocolate

之前只係聽過”awfully chocolate”啲蛋糕好正!! 不過都未食過!! 早兩個月,我終於響朗豪坊一個唔起眼嘅位置遇到佢啦!! 不過第一次經過嘅時間咩都未有得賣。仲係準備中……. 直到第二次經過,終於開咗啦!! 不過一大個蛋糕我就唔敢買,怕食唔哂,所以只係買杯雪糕食!! 真係一諗起就想流口水。 不過我都有忍住呀,影埋相比大家睇先食。 仲有我honey都有影呀!! 你地睇吓我地杯雙球朱古力雪糕幾吸引!! 我好鍾意食朱古力雪糕架,真係令我想尖叫呀!! 我honey又like dark chocolate,所以更加要雙球先夠滿足我地啦!! 比多個close up大家睇吓先!! 一食之下!! 哇…..真係有好濃嘅朱古力味,仲要唔係好甜!! 唔係講笑,真係好好食!! 雖然呢個雙球雪糕要$38,都幾貴!! 但係真係物超所值,你地都快啲去買黎食啦!!

Continue reading

火井火鍋海鮮飯店

上星期五同個朋友及佢屋企人過咗西環食火鍋。 間嘢叫做火井火鍋海鮮飯店,真係不得了,啲嘢真係幾好食。 先同大家講講個鍋先啦!! 佢最出名係佢地嘅招牌鍋!! 啲料十足,有大量番茄、蔥、豬皮、雞腳、粉腸、枝竹等….. 你地見到張相就知有幾豐富啦!! 個招牌鍋真係要食減啲料先有位整其他嘢食架!! 佢啲枝竹真係無得頂!! 但係因為我對沙嗲湯底一般,所以我無點試過!! 不過我朋友鍾意食沙嗲都覺得正!! 仲有呀,佢地個醉雞鍋都幾出名架,我下次一定要試!! 叫完湯底我地就好快就叫到一檯食物!! 真係要同大家分享吓我地食咗啲咩先得!! 鍾意食牛嘅一定要叫呢個特級手切肥牛,好有牛味,正到暈呀!! 仲有呢個牛四寶,都係必食推介 [四寶係牛頸脊,牛脷柧, 牛肉粒, 牛展。] 我地仲叫咗好多好嘢! 有好大隻嘅生蠔!! 雖然我無食呢個,但係見到好大隻,食咗嘅朋友都話好新鮮就知係好嘢啦! 仲有魚翅仔都係一個推介,因為拖一拖就食得,最適合肚餓嘅時候食!! 好膠口,唔係假樓貨!! 大家記得要試!! 仲有唔係周圍都食到嘅冰豆腐呀,加埋啲湯食,打邊爐真係一流!! 另一樣我第一次打邊爐食,但係又真係好好食嘅竹笙啦! 仲要都幾大碟吓!! 仲有呢碟好有鮮味嘅珊蝴蚌。 大家鍾意食爽口嘢嘅就一定要叫!! 仲有呀,平時我打邊爐都唔係好食嘅餃。 不過呢個韮菜餃,真係好食!! 有好多韮菜。雖然大隻,但係食幾粒都唔會太飽,因為係菜為主!! 呢度啲蝦雖然冰鮮過,不過真係好新鮮,上檯成半個鐘,啲腳都還會動的。 又大隻,好爽!! 我地都有叫芝心蝦丸! 不過啲芝士唔係好多囉! 如果再多啲就更加好啦!! 不過呢個丸都幾彈牙!! 另外呢個醬爆鯊魚丸都幾好食。 食得多普通嘅丸,轉下口味都唔錯!! 食食吓,我個朋友仲想食埋花膠。 真係好膠口架!! 仲要都幾大碟。幾十元一碟都幾低食!! 仲有啲金菇都係大大粒架!! 加埋響鈴,真係好開心!! 你地睇吓幾大碟!! 仲有啲嘢食我都唔記得影,有墨魚滑(好滑,記得要食),皇帝菜,粟米(好甜,好好味道),仲有炸魚皮都好脆!! 呢一餐真係食得好開心!! 好飽!! 大家下次想搵地方食飯,都要試試。…

Continue reading

里斯本葡國餐廳

上次我地去澳門,除咗食咗好多好好食嘅嘢之外。 我地有一晚去咗食一餐正宗嘅葡國餐,間餐廳叫「里斯本葡國餐廳」。 不如都同大家分享吓我地食咗啲咩啦!! 呢個餐飽好好食!! 好軟,好好味!! 呢個<葡式沙律>好新鮮!! 又好 colorful!! 不過味道一般,無咩調味!! 個<海鮮飯>好足料架,有蝦,又有青口等!! 不過鹹咗啲!! <芝士白汁焗馬介休> 都係比較鹹!! 食完都唔係好知馬介休係咩!! <葡式燒腸>最鹹!! 佢其實應該係我地冬天食嗰啲臘腸用BBQ嘅方法燒熱就食得咁!! <鴨血飯> 啲鴨血應該響底。其實一啲都唔鯹,幾得意,但係都係好鹹!! <雞> 唔記得佢咩名堂,但係幾香口幾好食。 其實呢間嘢嘅位置都唔太方便,要坐的士去。 間舖嘅裝修都好靚吓,好有歐陸風味!! 啲野食都唔係難食,只可以話係唔啱我地嘅口味,大部份都好鹹!! [大家不要作準!! 因為我一向食野都好清淡既!!] 大家下次去澳門都可以試試!! 地址及其他食客意見可以參考以下條 link: http://www.openrice.com/restaurant/sr2.htm?shopid=24345

Continue reading

澳門美食團

每次去澳門都係美食團!! 最近嗰次去已經係年幾前嘅事。 但係睇番啲相都好回味!! 真係食咗好多嘢!! 有啲仲要係必食推介潻呀!! 第一個要介紹嘅就係「榮達魚翅湯面」 佢個 menu 好似好少嘢食咁,但係我地一叫就已經一檯都係啦!! 佢地啲湯底真係勁!! 已經煲到起哂膠…..真係啖啖都食緊骨膠原!! 多食皮膚係咪一定會靚啲呢!! 哈哈…… 下一樣要介紹就係「禮記雪糕屋」。 呢張相我一定要擺啦!! 影得我 honey 咁型!! 哈哈!! 呢個禮記嘅雪糕三文治已經有好耐歷史,但係都仲係咁好食!! 禮記所有雪糕都係自己做,啲味道真係唔同啲。佢地啲香芋味特別香,芒果都好好味!! 最後我地仲食咗件蜜瓜味雪糕磚,真係勁好味!! 大家真係一定要試!!  唔係講笑!! 之後我地去咗威尼斯人入面行。哇!! 入面大到呢!! 本黎食到飽飽都消化哂,又要搵食啦!! 無意之中,比呢間啲 Pizza 香味吸引咗!! 真係要等都無計!! 因為真係好香….. 哇!! 有得食!! 有得食!! 比個 Pizza 嘅 close up 大家睇睇有幾咁足料!! 一個外貌咁普通嘅 pizza,原來真係好好食架!! 你地睇吓啲芝士多到可以拉到咁長就知真係唔野少啦!! 諗起都好想再食!! 跟住仲有「盛昌」,佢地嘅水蟹粥真係一流!! 次次去澳門我都要食!! 佢啲料好足架,睇個蟹蓋都咁大就知啦!! 我地又點會淨係食水蟹粥咁少呀!! 盛昌啲小炒都好好味!! 西蘭花炒鮮魷 陵魚球併墨魚丸…

Continue reading

清真牛肉館

為咗食清真牛肉館嘅牛肉餅,我同 honey 又走咗去九龍城!!  雖然落雨,所以唔洗點等位,就有位啦!! 但係去得,又點會淨係食牛肉餅呢!! 我地仲食咗雞絲粉皮!! 幾好食!! 仲有干扁四季豆!! 呢個有啲咸!! 最衰係食唔落,如果唔係真係要叫番碗飯。一定好好送飯!! 跟住就到超好味嘅牛肉餅!! 佢嘅牛肉餅出咗名好食,肉汁又多!! 其實清真牛肉館仲有好多嘢好食架!! 不過之前去嘅時候無影相!! 下次有咩介紹就再影相比大家睇啦!! 未離開九龍城之前,去食番碗糖水先!! 講到糖水就要食大良八記啦!! 我同 honey 就最鍾意食佢嘅海帶綠豆沙。 真係好足料,仲煲到起哂沙!! 好好味!!

Continue reading

更大雨都要食聰嫂甜品

琴晚大雨、大雷到阿媽都唔認得!! 我同 honey 路過將軍澳,未行到去聰嫂就都已經濕咗半個身。 但係都改變唔到我地去食聰嫂嘅決心….哈哈!! 証明我地真係好鍾意食!! 今次我食番我上次提過,要補番影相比大家睇嘅薑汁意大利涼粉!! 佢個樣係咪好奇怪!! 好似一條條蟲咁呢!! 但係就係因為佢咁嘅形狀,所以每一啖都食到好多薑汁。 如果你地都鍾意食薑汁,真係一定要試試呢個。 另外,我 honey 就梗係食我地都好鍾意食嘅榴槤水晶珠啦!! 如果唔係濕哂身,凍冰冰的話……我真係想再食多啲先走!! 最後番到屋企附近仲大雨,所以仲更加濕!! 濕到連底褲都濕埋!! 今次真係夠哂難忘啦!!

Continue reading

小店

哇哇哇!! 又到我至 LIKE 嘅甜品時間啦!! 呢間響九龍城嘅餐廳我一定要介紹!! 我地有去過食晚餐!! 比你地睇睇啲相,啲食物都幾精緻架!! 不過佢地啲熱食就一般!! 所以我唔會多講!! 我覺得小店最好食都係佢嘅甜品!! 佢地仲會花時間裝飾吓每隻碟先上檯!! 好有心思架!! 比你地睇吓我嘅 collection 啦!! 首先係我鍾意嘅組合 – Apple Pie 加雪糕!! 我覺得個蘋果批太薄,唔係好夠口感。但係好在唔會太甜。 跟住到我朋友次次去都食嘅窩夫。 跟住到我嘅第二最愛出場!!  就係拿破崙啦!! 好鬆化,好好味架!! 我 honey 仲要好快就食完!! 就知係好食到不得了啦!! 最後出場嘅就真係必食推介!! 響小店我嘅至愛就係「心太軟」啦!! 你地不如睇睇邊個碟你地覺得最靚啦!! 點呀!! 啲碟係咪畫得好靚呢!! 不過,講明先!! 上面啲心太軟唔係全部都係我食架!! 如果係…..我相信我一定唔係依家咁嘅身形啦!! 如果大家想去食,佢嘅地址係九龍城侯王道2B地下!! 以下係openrice介紹小店嘅link,有時間都可以睇吓!! http://www.openrice.com/restaurant/sr2.htm?shopid=8965

Continue reading

金寶泰國菜館

好多人都鍾意去九龍城食飯,因為嗰到有好多地道嘅泰國菜食館。 我同我啲朋友都係,今次就為咗慶祝兩位8月之星嘅生日,再戰九龍城!! 我地去咗好耐無去嘅「金寶泰國菜館」!! 平時都好多人等位!! 就算佢地已經有三間分店啦都要等! 不過可能我地去嗰日落雨,所以好快有位!! 一坐低就要叫我鍾意飲嘅椰青!! 結果飲到好飽!! 仲有我個 friend 一路飲一路話好好飲嘅綠豆冰!! 講完飲品就到主菜啦!! 首先係生蝦!! 哇!! 得嗰幾隻,唔洗一分鐘就食哂…… 呢到啲生蝦都幾好食,但係好似唔太新鮮,所以唔係好爽!! 但係都可以!! 泰式拼盤都好食!! 我特別鍾意食個蝦餅囉!! 跟住有就到「冬陰公」!! 呢個我無食,因為我唔係好食得辣!! 但係呢個冬陰公令到同行嘅其餘五個人都食咗一粒辣椒子,好攪笑!! 呢個香辣泰式雞肉粉河 ,唔係好辣,都幾好食!! 炭燒豬頸肉!!  正!! 次次去食泰國嘢我都要食既!! 呢個醬爆蝦丸係我朋友至愛,佢話係必食推介!! 呢個係重要嘅主菜 – 牛油焗大頭蝦!! 好香牛油味!! 不得了!! 最後仲有呢個咸魚炒介蘭。味道一般,仲要咸咗啲…. 如果佢地有椰菜頭就好啦!!  但係可惜金寶係無呢個菜啦!! 今次講完主菜,下次就到分享九龍城嘅甜品啦!!  大家請耐心等候呀!!

Continue reading

Burger King

講到熱愛 Burger King,我同我 honey 都好誇張吓! 唔知有無人留意到,市區嘅Burger King 係唔同機場及山頂嗰間呢?? 我地一得閒就會去食,仲要係去機場或者上山頂嗰間。 周不時都有新發現!! 昨日就響機場嗰間就見到以下新 burger!!   我地一於好少理,兩個試哂!! 等我honey 買已經好緊張啦…… 有得食!! 有得食!! 想食都要影張靚相先!! 到啲 burger 啦!! 首先係 Mushroom Swiss Angus Steakhouse Burger!! 好好食!! 蘑菇香,牛肉汁又濃!! 真係回味無窮!! 跟住就到 Classic Angus Steakhouse Burger!! 哇!! 不得了!! 見到啲芝士就知好和味啦!! 唔係講笑,真係好好食!! 大家有時間一定要去食吓!! 我地離開機場之前仲試埋佢個 {火腿芝士牛角飽},呢個啲沙律醬好多,所以我就唔係好 LIKE!! 最後再分享吓我同 LEO 之前食Burger King 嘅相啦!!  …

Continue reading