雲南麗江<二>

今日繼續講麗江,就由松贊林寺開始啦!! 如果大家都未有機會去西藏,可以考慮去松贊林寺到睇吓先!! 雖然只係一個mini版,但係都真係一個好去處。 其實松贊林寺都有好多人去架,你地睇吓啲煙火就知啦!! 有好多當地人同遊客去拜!! 當地人著啲衫仲好鮮艷,好有鄉村嘅感覺!! 但係可能因為多人去,所以有好多小朋友四圍走同人景相,然後過黎同你收錢。 我就真係好討厭呢啲。 不過好多大陸嘅景點都係咁,真係無辦法啦!! 另外我仲響松贊林寺影咗張好似。「向世界出發」嘅相,唔知你地覺唔覺呢?? 哈哈!! 唔知你地like唔like呢?? 另一個推介景點係依拉草原+納帕海,又係騎馬嘅活動。 但係如果唔騎馬,真係無可能行得完,因為佢地方又真係好大!! 不過我地都無去哂上面地圖嘅所有地方。因為我地到達當日已經三、四點啦,所以只係去咗1個地方。 因為冬天,好早天黑,所以都無可能去得哂啲地方! 但係根據嗰個拉住我隻馬行嘅人解釋,呢條河好神聖架,啲人過咗身之後,就將啲骨灰曬落呢條河。 當地嘅人都係咁做。不過雖然係咁,但係呢個地方真係一啲恐怖嘅感覺都無架!! 你地睇吓我同honey騎馬騎得咁開心就知啦! 如果大家都鍾意大自然的話,去到雲南記得一定要去普達措國家公園。 佢係一個好大嘅郊野公園,我同honey響入面都玩咗成日。因為佢啲地方大到要坐接駁車先到到。 不過啲風景都真係一流。 真係靚到好似假嘅咁! 你地又鍾唔鍾意呢?? 我地圍住呢個湖都影咗好耐相架!! 我仲好記得我地去當日好凍,好似得6度左右咋!!。你地睇,成個湖邊都係霜!! 我地嗰日仲好早就到咗,太約早上9點,所以太陽都未來得及溶咗啲霜。 當日我地響普達措國家公園仲好好彩,比我地遇到好可愛嘅松鼠!! 好細隻,你地睇唔睇到佢呢?? 其實唔止一隻架,不過我就只拍到佢一隻。 佢好唔怕羞,佢會走上人嘅身上,睇吓你有無野比佢食!! 真係超得意!! 結果我地就響呢度玩咗個幾鐘!! 哈哈….. 呢個公園所有嘢都好天然架,連地上嘅裝飾都係!! 真係幾有心思!! 我同honey有幾日行程去咗香格里拉,雖然要坐幾小時車先去到,但係在車上真係一啲都唔悶。 沿途都係啲田園風景!! 因為架車係啲坐得廿幾人的細巴士,仲可以開窗!! 我仲大膽到伸手出車窗外影相! 不過因為架車行得幾快,所以好多相都睇唔清楚。真係太可惜啦!! 旅程尾聲,我地都係住響麗江古城入面,仲響黃昏時,上咗古城內最高嘅萬古樓睇日落!! 都真係幾靚架!! 鍾意影相嘅人不要錯過!! 影完日落就梗係影埋萬古樓嘅夜景先落番古城啦!! 我地有一日早上去咗古城附近嘅黑龍潭公園,都係一個必去嘅地方。  公園中心可以離遠望到玉龍雪山,係咪好好景呢?? 不講不知,入麗江古城係要比古城”維護費”的,只要係入黑龍潭公園時,出示”維護費”的收據,就可以免費入黑龍潭公園架啦!! 如果有時間,都值得入去行吓! 入面仲有好多人影相。仲有人響入面取景影婚紗相潻! 到咗最後一日,我同honey好早起咗身,想去我朋友推介我地方食早餐。…

Continue reading

雲南麗江<一>

回想番兩年前都係一月去麗江,真係一個好靚嘅地方。 特別係麗江古城入面,好有鄉村風味。 點樣影相都好靚!! 我當時仲影咗好多相,今日就同大家分享吓!! 呢個大水車響麗江古城,好多人埋去影相架!! 下面啲河水仲有好多魚架!! 啲水真係好清架!! 響麗江古城入面仲有啲牆有啲古文! 仲好有色彩潻架!! 麗江古城真係好大架!! 再加埋啲藍天同白雲真係一流!! 我地仲騎馬上茶馬古道上半山睇風景,天氣又好,真係好靚! 我就係騎呢隻馬啦!! 係咪好cute呢?? 唔講唔知呀,我怕高架,所以其實我騎馬都真係有啲驚架!! 嗰個拖馬的人仲話要帶我跑一圈,真係比佢嚇死我呀! 其實只係上山落山我都有啲驚驚地啦!! 條路都有啲崎嶇不平架!! 不過好彩,最後都順順利利,無驚無險完成!! 我地仲有坐船遊覽,個船伕仲好落力潻!! 我就好LIKE佢個背影!! 加埋個夕陽,好有FEEL呢!! 其中有一日我地坐咗好耐車去玉龍雪山。 其實呢個地方真係有啲外國feel,如果唔望啲人,真係有去咗日本嘅感覺! 玉龍雪山都幾高架,但係我地去當日,就無開哂,未能上到最高點!! 不過我都無可能上到咁高啦!! 上到山就開始有啲高山反應! 為咗坐呢架吊車,我同我honey等咗成個鐘!! 又凍喎! 如果大家都有打算一月去,真係要著多啲衫先得!! 上到去就見到個冰川………唉!! 已經細咗好多!! 大家真係要注意環保,唔好令地球暖得太快,如果唔係,再過幾年,呢個咁細嘅冰川都會消失埋架啦!! 除咗睇冰川,另外就梗係有靚景啦! 但係嗰日好多雲,所以在雪山上真係好凍!! 你地睇吓,成個雪山都比啲雲擋住!! 不過我地都唔係行到好高!! 因為我同honey都有啲高山反應!! 最初係我honey發現我不停打呵欠,應該係我個腦缺氧!! 我地一早就響麗江古城買定一樽氧氣嘅spray!! [如果大家有諗過上雪山,都記得響山腳買定,因為在山上啲氧氣都貴好多架!!] 吸完氧氣之後,我地都係決定唔好行咁高啦,有咩事都唔知點算。 所以我地就去坐吊車落番山。 其實條棧道都幾好行,不過缺氧又要行咁多樓梯就真係有啲吃力。 坐吊車番到山腳,見到有車去藍月谷。我地就順便去埋!! 原來係玉龍雪山另外一邊嘅山腳,風景都好靚! 仲見到好多牦牛,佢地都好可愛架!! 不過我地仲發現雪山見番太陽,早知就響雪山等耐啲先落山啦!! 不過其實都係好事,因為我地去等吊車落山時,先見有啲小朋友暈咗。應該都係因為缺氧啦! 佢地被送去急救室!!…

Continue reading

2010遊世博

一年就快過,,回顧今年最瘋狂都係去上海世博!! 我地一行五人,幾日內買到機票,話去就去!! 仲要係最多人嗰日(103萬人),估唔到仲破埋世博歷屆單日入場人次紀錄!! 真係勁!! 四日行程,只有兩日行世博!! 只因同行有人貪心地想行哂所有館!! 所以就展開兩日摩打腳不停地行嘅走馬看花之旅!! 唔係講笑!! 有啲館我都要係回到家,睇番相先知自己曾經經過過。 有啲仲要係響我男朋友啲相到見到,當時都無留意! 真係好瘋狂…….兩日世博都行足十個鐘!! 真係好激!! 不如就同大家分享一下我部份嘅相啦!! 我地由深圳機場飛,仲要早到連機場啲燈都未開,我地就到咗! 其實係我地預多咗時間,所以早到咗! 當時機埸仲一個人都無!! 幾攪笑!! 一到上海就坐呢架磁浮!! 佢最高去到300 mph,超快!! 只需7分鐘就到市中心!! (如果唔坐磁浮列車,普通列車要45分鐘先到市中心) 到達市中心就要轉坐地鐵去我地book咗嘅青年旅社。 一買飛先知原來啲飛都有好好設計過架!! 係咪好精美呢!! 放低哂啲行李第一件事就要去買世博入場卷!! 好順利就買到啦!! 好興奮!! 係喎,之前講到我地行世博,日日行十個鐘以上。 可能大家都唔知世博會場有幾大!! 世博會場分開A,B,C,D及E區,分佈係黃浦江兩岸。 我相信每個區之間的距離都有香港兩至三個地鐵站咁遠!! 唔係講笑,真係行到腳軟….. 講番入場時候(最多人,有103萬人當日)。 一入去見到有呢啲打蛇餅設施無用,仲以為無咩人!! 再行入啲就見到一大班人,真係唔知條龍響邊!! 只好跟住前面,有位就向前行!! 真係一片混亂!! 不過經過哂安檢之後就好啲,唔洗咁迫!! 但係入場雖然辛苦,但係都大開眼界! 好多館都起得好靚! 最可惜係無時間慢慢睇! 不如就比啲我認為靚啲嘅館大家睇下啦! 有啲日頭睇唔靚,晚上著咗燈就正嘅館,我會放埋一齊! 你地好好欣賞啦!! <國家電網館> <石油館(日)> 呢個石油館到晚上真係不得了,佢成個館都著燈,仲要不停轉顏色架! <石油館(夜)> 佢側邊都會不停轉色!!…

Continue reading

柬埔寨之旅

已經係早兩年嘅事啦!! 但係柬埔寨真係一個幾好嘅地方。 特別係鍾意影相既人就更加要去吓!! 不過柬埔寨啲治安就唔係咁好,所以我就覺得跟團會比較安全。 柬埔寨有好多名勝古蹟都值得一去。等我同大家分享一下我去過嘅地方啦!! 第一站去咗「施漢諾親王皇宮」,雖然有遇著落雨,但係都覺得啲裝潢好靚!! 連地板都用啲有花紋嘅磚,好特別!! 佢地嘅門就更加唔簡單,係成個彿嘅圖案! 施漢諾親王皇宮穿過另一面就會見到好多白塔。行近啲睇,佢地仲起得非常仔細潻!! 中央市場好有特色。真係好多當地人去買野! 柬埔寨人都食好多香港唔會人人食嘅嘢……例如蜘蛛,仲有烏龜囉!! 真係嚇死我!!  柬埔寨都係亞熱帶地方,周圍都買到椰青,仲要好好飲潻! 不過大家真係唔好以為一個人可以飲得到一個,真係好大個架!! 又重!! 賣芒果的都好利害,可以切到一片片咁,但係又唔斷開!! 成朵花一樣,真係好心機! 另外,大家去就一定要食佢地啲龍眼。你地睇睇下面張相就知,粒粒都好大粒!! 仲以為一定唔好食啦! 點知原來勁甜,好好食!! 真係不能錯過!!   吳哥窟係今次旅程嘅主角。 吳哥窟範圍真係好大,如果自由行就一定唔好諗住一日可以行得哂! 要慢慢欣賞!! 我地由南大門進入,好宏偉! 全部由巨石建成….真係目不暇給! 當然仲有響「向世界出發」睇到嘅巨型樹根啦!! 鍾意影相嘅人入到去真係會好忙!! 好想將所有野都拍下來! 之後我地又要上番車,途經女皇廟,就下車影相。 女皇廟特色就係佢係用啲紅紅的砂石而起建成,又有另一番味道! 跟住又要上番車。向吳哥窟古城出發!! 一落車就見到呢棵葡萄樹!! 生得好大,好靚,忍不住要影低佢! 不過就好快就比吳哥窟古城吸引咗。真係好大,好宏偉!!   咩角度睇都好正呢!! 入到去古城內,好唔明以前啲人點可以起到咁宏偉嘅建築! 再加埋當時嘅藍天,真係靚到好似畫一樣!! 個古城仲起得好高!! 上面張相可能都唔太清楚! 大家再睇睇下面呢張相…. 真係斜到不得了!! 我怕高!! 行到腳都軟埋!! 不過無上過去都感受唔到佢嘅宏偉,所以大家都要上去望一望呀! 離開吳哥窟古城後,我地就去咗「洞里薩湖」,佢係全亞洲最大嘅湖。大到係見唔到對面嘅湖邊。 唔講都可能以為自己在海上…. 當地居民仲係以捕魚為生!!…

Continue reading

里斯本葡國餐廳

上次我地去澳門,除咗食咗好多好好食嘅嘢之外。 我地有一晚去咗食一餐正宗嘅葡國餐,間餐廳叫「里斯本葡國餐廳」。 不如都同大家分享吓我地食咗啲咩啦!! 呢個餐飽好好食!! 好軟,好好味!! 呢個<葡式沙律>好新鮮!! 又好 colorful!! 不過味道一般,無咩調味!! 個<海鮮飯>好足料架,有蝦,又有青口等!! 不過鹹咗啲!! <芝士白汁焗馬介休> 都係比較鹹!! 食完都唔係好知馬介休係咩!! <葡式燒腸>最鹹!! 佢其實應該係我地冬天食嗰啲臘腸用BBQ嘅方法燒熱就食得咁!! <鴨血飯> 啲鴨血應該響底。其實一啲都唔鯹,幾得意,但係都係好鹹!! <雞> 唔記得佢咩名堂,但係幾香口幾好食。 其實呢間嘢嘅位置都唔太方便,要坐的士去。 間舖嘅裝修都好靚吓,好有歐陸風味!! 啲野食都唔係難食,只可以話係唔啱我地嘅口味,大部份都好鹹!! [大家不要作準!! 因為我一向食野都好清淡既!!] 大家下次去澳門都可以試試!! 地址及其他食客意見可以參考以下條 link: http://www.openrice.com/restaurant/sr2.htm?shopid=24345

Continue reading

澳門美食團

每次去澳門都係美食團!! 最近嗰次去已經係年幾前嘅事。 但係睇番啲相都好回味!! 真係食咗好多嘢!! 有啲仲要係必食推介潻呀!! 第一個要介紹嘅就係「榮達魚翅湯面」 佢個 menu 好似好少嘢食咁,但係我地一叫就已經一檯都係啦!! 佢地啲湯底真係勁!! 已經煲到起哂膠…..真係啖啖都食緊骨膠原!! 多食皮膚係咪一定會靚啲呢!! 哈哈…… 下一樣要介紹就係「禮記雪糕屋」。 呢張相我一定要擺啦!! 影得我 honey 咁型!! 哈哈!! 呢個禮記嘅雪糕三文治已經有好耐歷史,但係都仲係咁好食!! 禮記所有雪糕都係自己做,啲味道真係唔同啲。佢地啲香芋味特別香,芒果都好好味!! 最後我地仲食咗件蜜瓜味雪糕磚,真係勁好味!! 大家真係一定要試!!  唔係講笑!! 之後我地去咗威尼斯人入面行。哇!! 入面大到呢!! 本黎食到飽飽都消化哂,又要搵食啦!! 無意之中,比呢間啲 Pizza 香味吸引咗!! 真係要等都無計!! 因為真係好香….. 哇!! 有得食!! 有得食!! 比個 Pizza 嘅 close up 大家睇睇有幾咁足料!! 一個外貌咁普通嘅 pizza,原來真係好好食架!! 你地睇吓啲芝士多到可以拉到咁長就知真係唔野少啦!! 諗起都好想再食!! 跟住仲有「盛昌」,佢地嘅水蟹粥真係一流!! 次次去澳門我都要食!! 佢啲料好足架,睇個蟹蓋都咁大就知啦!! 我地又點會淨係食水蟹粥咁少呀!! 盛昌啲小炒都好好味!! 西蘭花炒鮮魷 陵魚球併墨魚丸…

Continue reading

台灣之旅

今次講台灣,一個平平地,仲有好多好嘢食嘅地方!! 上次講到我第一次去台灣就發生咗啲事…..真係唔係好想記得囉!!  一落機就遇著落雨,地面濕滑,我拖住個行李響街到行。 去過台灣嘅人都知佢地啲舖出面嘅地面大都高度不一啦,我就係因為咁而滑倒……成個人向前扑……隻手都黎唔切按住個地下……個咀落地!!! 當時我honey 響前面搵緊坐咩車,我真係痛到不停咁喊!! 到佢發現,我先叫佢幫我睇吓啲牙…..撞到兩隻門牙….流哂牙血!! 我當時個咀唇已經痺哂,無哂感覺!! 我不停問…..我啲牙點呀? 我啲牙點呀? Honey 話有一隻牙移咗位……死啦!! 死啦!! 即刻攞鏡出黎照。有隻門牙真係好似脫落咗啲咁!! 我一見到,即刻推番佢上去。好彩之後好快就止咗血!! [之後番到香港先諗起!! 當時應該去睇醫生啦…..買咗旅遊保險都唔識用!! ] 當時真係超擔心+傷心。好彩之後都無事。 繼續講番行程啦!! 第一站係九份嘅一間民宿。我一去到真係無心情,你見我咁呆就知啦!! 個咀又腫咗,真係無哂 mood!! 出面又落大雨!! 雖然嗰日我地都有四圍行吓,不過就無咩點影相!! 直到之後出番市中心,我地入住咗一間溫泉旅館,啲心情先好番啲!! 間房好大,我地仲拍埋咗兩張床。所以有張 Super Giant Bed!! 正!! 跟住一入去個廁所,真係超鍾意!! 真係好大,仲可以自己響房浸溫泉。又乾淨,總之我就非常滿意啦!! 比個浴缸嘅close up 大家睇吓啦!! 係咪 very good 呢?!?! 呢間叫做「水美溫泉旅館」,佢個門口都好靚架!! 仲有佢交通好方便,坐捷運到新北投站行5分鐘左右就到!! 你地下次去台灣都記得要住吓!! 我地去台灣仲有參觀「中山紀念堂」。好宏偉!! 我地仲好好彩,去到無耐仲睇到兩班士兵交替儀式潻!! 唔洗等!! Yeah!! 睇完歷史,不如講吓食咗啲咩啦!! 一講到食,真係流哂口水!! 先講出名嘅「鼎泰豐」小籠包啦!! 我地足足等咗1個鐘有多先有得食!! 佢啲菜肉蒸餃OK,但都係佢啲小籠包最好食。你地睇吓我…

Continue reading

最浪漫嘅婚禮

我認真地數一數,原來我出席過嘅婚禮多到有二十個以上。 都無諗過有咁多。當中仲有四分一以上,我仲做埋伴娘/姊妹!! 每對新人我都祝福!! 講到我覺得最浪漫嘅就係響關島做伴娘嗰次!! 關島地方細細,但係好靚!! 仲有我鍾意嘅陽光與海灘!! 結婚同時又可以一家人去旅行!! 幾好呀!! 啲海水又清,啲沙又幼!! 鍾意陽光與海灘嘅人都應該去吓!! 個沙灘係咪好正呢?? 我地去到關島主要嘅交通工具就係以下呢啲車!! 好有特色!! 幾方便架!! 仲要係循環綫,一個價錢就可以環島遊!! 仲因為佢無窗,可以去到邊影到邊!! 不過我地去嘅地方不多,因為行程只有三日,都幾趕!! 因為我地係自由行同埋已經係幾年前嘅事,都唔記得呢個係咩景點潻!! 呢個景點叫「天涯海角」,好多人去,可能係個名夠浪漫!! 你地睇吓!! 當時唔只係我瘦架….連LEO都係瘦架!! 我地住嘅酒店可以離遠望到我個friend行禮嗰間教堂架!! 我地住嗰間酒店可以睇到無敵海景,仲可以睇埋日落! 講咗咁耐,不如講番個婚禮啦!! 個教堂好靚!! 好浪漫架!! 係咪好正呢!! 行禮中,仲有 LIVE 嘅 PIANO 同真人唱歌!! 好好聽,場面好感人!! 間教堂全落地玻璃,仲對正個海!! 超靚!! 間教堂嘅外觀都好出!! 好有型!! 仲有我想成機讚吓我媽咪,因為仍穿水晶手飾真係有一手!! 以下張相新娘子嘅頸鍊 就係我媽咪嘅佳作!! 行禮當日正正就係中秋,我地仲帶埋燈籠去海灘玩潻!! 最後我仲要話比大家知我 honey 幾咁為食囉…..當我仲忙緊準備茄汁食薯條,佢已經急不及待掛住食食食囉……. 

Continue reading

到現時為止,我去過最多次嘅地方

泰國是也!! 又可以陽光與海灘,買嘢又平,款式又多,非泰國莫屬! 不過我大多數都係跟團去。 一次答應咗一位好友帶佢同佢個女一齊去! 我就開始自己計劃行程啦! 因為我呢位好友第一次帶同個女去咁遠旅行,所以我排嘅行程又要有傳統泰國旅行要做嘅嘢,更加要有我最like嘅shopping啦! 坐在響機場等上機時,我就已經好緊張! 我又唔係等一次去…..可能係好期待同好友去啦!! 一到步就去酒店,係一間好泰式嘅 Siam Herritage。佢真係幾好,又近 subway station。你地下次去泰國,真係可以考慮吓!! 我仲好鍾意佢個餐廳,食早餐時食嘢嘅地方。樓底又高,感覺好relax!! 我地有一日去咗Chatuchak Weekend Market。我都係第一次去。嗰到真係大到一日都無可能行得哂!! 所有鋪都細細的,但係啲貨就好多。你地睇到上面張相就見啦!! 其實好多酒店馬來西亞嘅酒店都有local tour可以參加!! 好方便!! 係Siam Herritage都有,個導遊就坐係個門口旁邊。 你地見到佢嗎?? 真係唔多覺眼架….. 去local tour真係做啲好local嘅嘢!! 就係坐船遊水上市場。 影得唔錯係咪呢?!?! 仲有呢張好得意嘅相!! 我地仲有去騎大象!! 不過我怕高,無騎!! 淨係幫佢地影相!! 有一晚我地仲有去泰國最高嘅酒店 R66 飲嘢!! 比張夜景你地睇吓!! 係咪好正呀!! 你地下次去泰國有時間都要去吓!! 好浪漫…..好靚架!! 最後比你地睇吓我地嗰次旅程有幾癲!! 買咗勁多嘢!! 你地有無見到我肩上嗰兩隻公仔?? 遲啲你地就會響純影集入面見到大量佢地嘅靚相架啦!! 嘻嘻!!  

Continue reading

另一好去處 – 沙巴!!

另一個陽光與海灘嘅地方我想提吓嘅就係 – 沙巴!! 今次我同個 friend 第一次自由行,想自由地hea 下。又唔洗早起、唔洗趕鴨仔,更加唔洗強迫去一啲消費「景點」。自己控制自己嘅時間,幾好呀!! 因為係自由行,方便就梗係大前提啦!! 我地選咗一間好近市中心嘅酒店 – Sutera Harbour! 呢間酒店定時定侯有shuttle bus 來回市中心架。好方便!! 又有個細細嘅私人沙灘,照顧埋啲鍾意遊海水嘅住客! 好細心! 不過佢個泳池都唔細架! 酒店就係海邊,所以有無敵大海景! 晚上仲可以吹吓海風,正到暈! 下次再去沙巴嘅話,我都好想住番呢間酒店! 沙巴啲海水都好清架! (同浮羅交怡都有得比!!)  係酒店個碼頭都可以好清晰見到啲海膽。(即係啲水好乾淨!!) 可惜我唔食海膽啦!! 講到餵魚就唔及浮羅交怡咁開心啦! 因為無咁多魚游過來! 不過啲魚都係好靚,都係咁色彩繽紛! 我仲想介紹一間好好食嘅沙嗲比大家! 佢個名叫「昌悅」。好地道,好好味! 記得要飲埋佢地個拉茶,超滑!! 位置係KK Lama 附近! 好近大馬路,好易搵!! 去玩梗係唔只留響酒店啦! 有一日,我地參加咗個Local Tour去紅樹林睇長鼻猿+晚上睇營火蟲! 要坐個幾鐘頭車先去到上船地點。 一到就有個下午茶比我地食! 好精緻! 食完個下午茶先知原來要等埋其他遊客一齊先可以開船。一架船坐8至10個人。我地架船除咗我地仲有兩個韓國人,另外仲有好幾個講國語嘅人。 跟住一行幾船就出發去搵長鼻猿。最終我地都有見到,不過就係啲好遠好遠的嘅樹上面! 你地搵唔搵到佢地呀?? 最後仲響紅樹林睇埋日落,真係靚到暈架!!唔信你地自己睇吓!!! 不過點都唔及入夜後所見到嘅營火蟲! 響黑暗中,有成千上萬的嘅營火蟲包圍住我! 船上所有人都睇到哇哇叫!! 可惜因為太暗,唔可以將當時嘅美景拍底比大家睇! 你地如果去沙巴,都一定要去睇呀!! 不過我仲有個提示比大家!!入紅樹林前,記得要做好防蚊準備呀!!…

Continue reading