甲狀腺嘅意外收穫

識得我耐嘅朋友都知我以前有戴眼鏡!! 其實我只有好淺近視…..百幾度+散光!! 不過曾經試過耳水不平衡,怕頭暈。所以都有戴眼鏡,之後又戴過隱形眼鏡。所以好多朋友都以為我都仲有戴CON。 但係響幾年前因為貪玩想佩 color con……點知一驗眼先知我得番廿幾度近視!! 你無睇錯……….真係廿幾度!! 當然係佩唔到啦!! 我估係因為甲狀腺攪到我眼球變形,所以近視都無埋!! YEAH!! 就係咁!! 我就結束咗我嘅戴眼鏡日子啦!!

Continue reading

雲南

其實我 honey 想帶我去雲南好耐!! 直到09 年,我地終於成行!! 一去仲去咗9日!! 雲南係一個影相好靚嘅地方。鍾意影相嘅人一定要去。你地睇吓我啲相就知!! (注意我已經唔係 professional ,但係啲相都咁靚!! 如果你地比我 pro ,一定可以影得更好潻!!) 呢張相係騎馬上山影嘅!! 我有畏高,好驚先可以上到山架!! 玉龍雪山下有好多人寫上自己嘅願望掛響呢啲架上面。 玉龍雪山上望到嘅美景!! 個天好藍,仲係漸變色!! I love light blue!!  玉龍雪山山腳嘅「藍月谷」,好靚,啲水好清!! 雲南「松贊林寺」啲屋頂生咗呢啲草。加埋個藍天,原來影出來都好靚!! 草原上嘅 Honey + 牛牛!! 我地去嘅時候係冬天,所以啲草地都唔係綠色。但係都幾有 feel 呀!! 普達措國家公園內嘅景色!! 好靚!! 影相影到唔捨得走!! 黑龍潭公園,白色嘅山頭就係玉龍雪山!! 好地都有去,遲啲響”去玩去癲”會 post 更多相!! 記得要留意啊!! 麗江古城嘅日出!! 係咪靚爆呢?? 由高處望番落麗江古城,好似積木咁!! 好得意!! 去雲南咁多日我最鍾意個藍天!! 見到就好開心!! 

Continue reading

唔想面部暗啞 – 去角質啦!!

角質太厚或者面部皮膚缺水都會導致面色暗啞! 今次我想先講去角質先!! 因為角質太厚就塗咩都好難吸收!! 我之前用過以下IPSA套裝。 佢有一支pre-cream要先塗上,之後先塗mask嗰支! 支pre-cream有溶解黑頭嘅功效。 不過自從聽到呢類撕下式嘅面膜會拉鬆塊面,我就無再用啦!! (反正都差不多用完啦! ) 跟住就轉番用一啲敷完後洗嘅去角質啦!! 以下支ORIGINS 嘅 charcoal mask 係一次生日嘅時候,朋友送比我啲護膚套裝中嘅其中一支。 只要塗上後等佢乾 ,然後洗乾淨就得架啦!!  你地睇吓我同上面個公仔幾似樣?? 哈哈!! 十分鐘左右就乾哂!! 洗乾淨之後,塊面就好爽!! 好似會發光咁!! 哈哈…..好似好誇張咁!! 比你地睇吓就知!! (我無開閃燈影架!!) 其實我都仲有用其他產品去角質,不過今次就講住咁多先啦! ByeBye~~ 

Continue reading

我嘅至愛 – 聰嫂

我相信無咩女士係唔鍾意食甜品嘅!! 但係今次我推介嘅甜品係連男士都超 like !!  好多住將軍澳嘅人都知有間好好食嘅甜品叫聰嫂。但係我都好想推介比啲仲未知道嘅人知…..真係好好食架!! 特別係如果你同我一樣都鍾意食榴槤的話,就更加一定要去試吓! 唔好講咁多,睇相最實際!! 次次去都要食榴槤水晶珠!! 一睇就知我啲朋友都好鍾意食榴槤啦!! 最好三五個friend一齊去,咁就可以試多幾個口味啦! 楊枝金露 – 好足料,好多柚,好好味!! 食過即刻覺得其他地方嘅楊枝金露都不外如是!! 必試推介!! 紅豆茸豆腐花 – 雪到啲紅豆茸好似食雪糕咁! 好特別!! 再加埋啲好滑嘅豆腐花!! 一流!! 龍眼椰果冰 – 呢個味道清甜,真係未食過咁好食嘅龍眼甜品!! 涼粉….我夏天嘅 favorite!! 涼粉豆腐花 – 這個同其他相比,太普通咗啲! 可以嘅話都要留位試其他先!! 蜜瓜豆腐花 – 食落有好 fresh 嘅感覺。啲蜜瓜磨成茸再雪到好似雪糕咁! 夏天食無得頂呀!! 西米露啲西米好多都會另上。 因為啲西米太凍就會變硬!! 所以最好都係一路食一路加!!係咪 好細心呢!! 榴槤水晶珠 – 必食推介!! 榴槤肉好足料,仲要食親都係靚榴槤!! 鍾意食榴槤嘅人更加唔可以錯過!! 大家唔好以為上面啲相係我一次過食架!! 其實我係聰嫂嘅常客!! 雖然我住好遠,都會時時同唔同嘅 friend 去食!!…

Continue reading

柬埔寨

為咗去啲咁特別嘅地方。我仲特燈買過個好啲嘅相機架!! 你地睇吓啲相係咪真係靚啲?? 響市集到見到啲當地小食!! 我都試咗啲!! 但係我最後都無試到蜘蛛,烏龜我就更加唔會食!! 市集見到啲超大粒嘅龍眼,真係大到成粒乒乓波咁!! 仲要好甜!! 好好食!! 柬埔寨同泰國一樣都有啲水上市場,有船響河到賣嘢!! 不過柬埔寨嗰啲船好似再簡陋啲!! 去柬埔寨一定要去睇最壯觀嘅吳哥窟!! 好大好宏偉!!  但係我影相唔多,因為天氣真係太熱啦! 吳哥窟真係好大,要行好遠先入到去影相。但係天氣好好,點影都靚!! 唔講你都未必知!! 這張相內吳哥窟倒影嘅地方唔係一個湖,只係一啲雨後剩低嘅水。 影到這張相真係意外收穫!! 我地坐嗰架旅遊巴在路上壞冷氣!! 個司機仲要自己修理埋架車。好厲害!! 一班旅客在排隊”間”水而行。我當時都好驚叉錯腳….好驚一腳都係泥! 好彩!! 無事!! 柬埔寨嘅巴士就係咁!! 人同貨都坐同一架車!! 睇住佢地上車係一項藝術!! 真係好勁!!   呢張相係我地架巴士第二次停低修理嘅時候影嘅!! 想睇更多柬埔寨嘅相?? 留意遲啲我在去玩去癩嘅post啦!! 

Continue reading

Co Co Curry House

早前一個朋友通知我,香港開咗間新嘅日式咖哩。 雖然我對日式咖哩嘅喜好不大。但最後都決定一試。 我個 friend 一早話咗比我知好多人食,所以我提早6:30去到等位!! 哇!! 一去到就見到好多人啦!! 攞完籌仲有時間,慢慢欣賞佢個櫥窗。 係咪好精緻呢??有無日本feel?? 我地個籌205號,其實只需等3張四人檯,結果等咗足足50分鐘囉!! 一坐低就好肚餓,即刻睇吓本menu。 我就無執輸,加$20,一次過試哂佢嘅湯、沙律同甜品啦!! 佢個沙律先到。好簡單,無落沙律醬,淨係加咗小小醋! 酸酸地,幾醒胃! 跟住就到…….湯。 好似平平無奇。原來一攪就見到啲好懷舊嘅嘢…… 哈哈….真係好耐無飲過字母湯啦!! 好懷念呀!! 跟住就到今日嘅主食角——–>咖哩!! 咖哩吉列豬扒蛋包飯 – 我想講!! 佢啲蛋真係好滑,個豬扒同咖哩都一般!! 芝士咖哩吉列豬扒飯 – 我就覺得啲芝士唔多夠!! 酥脆雞咖哩飯 – 啲脆雞….. ok 啦!! 焗咖哩雞肉飯 – 個焗飯細啲。大家可能要考慮加錢要多啲飯!! (好似係加$10 多100g 飯) 不過大家千其唔洗諗,就算少飯都唔可以平啲架!! 到食完哂啲咖哩,我先見到檯上有這個….. 醃蘿蔔?? 單食佢啲味就有啲唔識形容嘅味道。但係同啲咖哩一齊食又幾特別,幾好味!! 可以試試!! 最後到我認為全餐最好食嘅食物出場啦!! 就係呢杯雙球雪糕啦! 好滑!! 好好味!! 個士多啤梨雪糕仲有果肉架!! 結論: 要等咁耐,仲要食啲咁一般嘅咖哩。再加上價錢都唔平!! 至少 $70-80…

Continue reading

甲狀腺分泌失調 IV

到咗08 – 09 年初,我嘅甲狀腺終於都受控啦!! 但係改變唔到嘅係我仲係時肥時瘦!! 08 年十月都仲係好脹!! 08年年低又瘦番少少!! 09年年初又肥番哂!!! 真係無辦法!! 直到09年年中過後先好好多!! 最好係我塊面尖番啲,仲有連對眼都開始無咁突!! 09年8 月,我塊面都尖番啲!! 最近嘅我唔算瘦,但係都比之前好好多啦!! 係咪有進步呢!!

Continue reading

甲狀腺分泌失調 III

不過未接受放射治療前都唔係好肥!! 肥咗少少架咋!! (肥曬響個”籮”到!!) 醫生話我因為我條頸無脹大,唔需要做甲狀腺切除手術 (最好唔好啦!! 風險高!! 又要全身麻醉)!! 但係長時間食甲狀腺壓抑藥都唔好! 有類固醇,將來更易有骨質疏鬆症! 仲有我長時間甲亢,新陳代謝快,心臟長時間跳得快,好易心臟衰竭!! 所以,最後都係接受咗醫生嘅建議,做咗放射治療!! 其實過程好簡單。只係飲一啲有放射碘嘅水。(無色無味的。一啖都唔知有無!!) 原理係響飲嘅時候,啲放射碘經過頸部(即甲狀腺位置),就會破壞佢,令佢無咁活躍。要注意飲完頭一星期內唔可以同任何人有近距離接觸,特別係大肚婆!! 一段時間之內都唔好有BB,有咗醫生都會叫你唔好生!! 總之好似好誇張咁!! 我接受完個放射治療都唔知有無半年…..肥到死!! 之後覆診先知我個甲狀腺素勁低……. 吓!! 醫生!! 咁即係點呀?? 乜唔係去番正常水平咩??? (我真係一頭霧水!!) 我仲好記得個醫生仲好平淡咁話:「係咁架!! 就係要你過低!! 食補充藥好過食壓抑藥呀。」 咁即係要繼續食藥啦!!  唉…..唔飲都飲咗……無計!! 一心諗住做完個放射治療會一了百了,結果原來係另一個煩惱嘅開始!! 我個甲狀腺素勁低,要食藥。但係都係控制唔到!! 加藥再加藥!! 就係呢個時候,我對眼就開始突!!  好恐怖!! 比你地睇吓!! 時時都眼腫腫!! 所以我嗰段時間真係好少影相!! 不過到07-08年仲慘!! 加埋個吹波咁身型!! 不過因為啲藥未控制到,仲係時肥時瘦!! 以上係07年嘅我!! 究竟08年嘅我係點……又要待續啦………

Continue reading

我嘅眼部防曬

眼就一定要用防曬啦!! 但係其實洗唔洗用專用嘅眼部防曬?? 我都想問吓大家!! 究竟有幾多人會分開面部同眼部防曬呢?? 我以前一向都係用面嘅防曬塗薄薄哋響眼周就當做埋眼嘅防曬!! 係唔係好多人都係咁架?? 但係我見 Shiseido 又自己出一支眼嘅防曬喎!!! 就買黎試吓!! 差不多用完一支都唔覺有咩分別!! 究竟有無人可以話我知係咪可以用面部防曬已經足夠呢??

Continue reading

甲狀腺分泌失調 II

2005 年左右- 因為肥番,所以就減肥啦!! 不過我同一時間睇中醫、西醫同營養師!! 大前題係唔可以影響我個甲狀腺!! 不過可惜,減完唔係好耐,我個甲狀腺真係番發!! 就瘦到好似下面啲相咁!! 攝於關島 攝於關島嘅「天涯海角」 除咗個樣殘咗啲都ok啦!! 不過就因為呢件事,我就唔敢再食藥減肥啦!! 今次復發我又番去睇政府醫生,佢今次仲轉咗我去睇甲狀腺專科潻! 所謂嘅專科醫生就經常叫我做放射治療!! 但係我都無理,一直食藥!! 我仲係自己醫自己咁……因為我食咗啲甲狀腺藥好耐!! 都知可以加可以減,慢慢減到最後可以試停藥!! 如果甲狀腺分泌無食藥都可以去番正常就叫做好番!! 所以食咗大半年藥之後,我問醫生可唔可以減藥!! 醫生反問我:「你想減藥呀?? 好呀! 試吓啦!!」就係咁,我自己醫自己!! 同埋好多人都唔知!! 政府甲狀腺專科全港只有聖母醫院同伊利沙伯醫院。 聖母醫院一星期只有一日係睇甲狀腺專科,啲醫生平日都有唔同工作。我因為一次唔記得攞醫生紙,要補番!! 個護士叫我上老人科搵番個醫生簽名。我先發現咋!! 我仲次次去見醫生都唔同醫生跟我個case。所以都唔係個個醫生都比我話事架!! 有啲都堅持叫我咁後生快啲做放射治療!! 我最後都有做!! 詳情下次再講!! (待續……)

Continue reading