美白淡班筆

其實唔知大家有無留意,皮膚偏白的嘅人,啲班特別多!! 但係黃皮膚同膚色比較黑嘅人呢,啲班就比較少!! 我啲皮膚膚色偏黃,所以唔係好多班。但係曬得多,都會有囉!!! (仲要唔係淨係響啲雀班位先有,係成塊面唔同地方都有啲。 為咗去除呢啲班,近年我先開始試用一啲美白淡班筆,希望重點去班。 之前用過 CHANEL 嘅<超美白淡班筆>,用咗兩支,啲班真係淡咗好多!! 貴係貴啲(要$5XX一支),但係有效!! 都照用!! 上次本來打算再去買,點知已經停咗產……. 早前同朋友去 Body Shop 見到呢支淡班筆。又唔太貴,只需$2XX,一於買黎試試!! <紫蘇水份美白重點修護筆> Body Shop 呢個紫蘇水份美白系列有哂洗面,爽膚水,精華,日、晚霜架。不過我就只係試咗呢支淡班筆!! 呢個紫蘇水份美白系列有以下主要成份: 紫蘇精華 – 響色班出現之前,減少製造黑色素嘅訊號。 有機蘆薈 – 有紓緩,鎮靜及保濕功效。 維他命C – 有美白功效。 甘草根精華 – 抑制肌膚底層製造累色素。 用後感 走珠式設計,用起黎好方便!! 只要輕輕滾一吓就好容易滾出大量精華!   啲精華仲好補濕!! 塗完塊面就好似有一層好薄好薄嘅膜咁!! 初初用支淡班筆第一、二個星期時就好似無咩反應,唔係好覺啲班淡咗。 但係到依家差不多用完一支就見到啲班開始淡!! 真係幾好!! 終合所有意見,都值得介紹比大家買黎試吓架!! 大家快啲去睇睇啦!!

Continue reading

里斯本葡國餐廳

上次我地去澳門,除咗食咗好多好好食嘅嘢之外。 我地有一晚去咗食一餐正宗嘅葡國餐,間餐廳叫「里斯本葡國餐廳」。 不如都同大家分享吓我地食咗啲咩啦!! 呢個餐飽好好食!! 好軟,好好味!! 呢個<葡式沙律>好新鮮!! 又好 colorful!! 不過味道一般,無咩調味!! 個<海鮮飯>好足料架,有蝦,又有青口等!! 不過鹹咗啲!! <芝士白汁焗馬介休> 都係比較鹹!! 食完都唔係好知馬介休係咩!! <葡式燒腸>最鹹!! 佢其實應該係我地冬天食嗰啲臘腸用BBQ嘅方法燒熱就食得咁!! <鴨血飯> 啲鴨血應該響底。其實一啲都唔鯹,幾得意,但係都係好鹹!! <雞> 唔記得佢咩名堂,但係幾香口幾好食。 其實呢間嘢嘅位置都唔太方便,要坐的士去。 間舖嘅裝修都好靚吓,好有歐陸風味!! 啲野食都唔係難食,只可以話係唔啱我地嘅口味,大部份都好鹹!! [大家不要作準!! 因為我一向食野都好清淡既!!] 大家下次去澳門都可以試試!! 地址及其他食客意見可以參考以下條 link: http://www.openrice.com/restaurant/sr2.htm?shopid=24345

Continue reading

洗面都要用機??

<Neutrogena Power Wave> 相信好多人見到Neutrogena個廣告時都會好好奇!! 洗面,同時按摩埋塊面!! 好似幾好!! 但係佢個廣告真係有啲誤導囉!! 因為佢唔可以好似廣告咁樣,做到有咁多泡嘅效果!! 啲泡又唔多豐富!! 只係好薄!! [可能係我用慣啲多泡嘅洗面膏啦!! 我係接受唔到用洗面奶嘅人。] 用法都好易!! 將已有洗面 gel 嘅棉花放去部機到。 然後將部機放落水龍頭到沖濕塊棉!! 跟住開咗部機就可以開始按摩吓!! 啲泡就會慢慢出黎啦!! 不過啲泡唔係好多,但係就好滑!!   用後感: 洗完感覺幾好!! 佢真係有令到啲皮膚滑啲,soft 啲! 唔知係咪同佢嘅震動按摩有關呢?? 用後有涼涼的感覺! (因為個起泡棉有少少薄荷成份!) 但係潔淨能力,我就只係覺得還可以! 唔係好覺得佢特別 Deep Clean!! 缺點: 個按摩圓位比較大,好難清潔到兩眼中間嘅位置!! 泡沫唔夠濃密,感覺潔淨能力一般!! 不過加埋所有嘅感覺,呢部 power wave 機都係可以一試既!! 但係如果長用我就未必會啦!! 以上只係個人意見,如果你地用後覺得好!! 記得話我知!! 我都想知我係咪用錯咗方法呢??

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE ,不過都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE 都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

澳門美食團

每次去澳門都係美食團!! 最近嗰次去已經係年幾前嘅事。 但係睇番啲相都好回味!! 真係食咗好多嘢!! 有啲仲要係必食推介潻呀!! 第一個要介紹嘅就係「榮達魚翅湯面」 佢個 menu 好似好少嘢食咁,但係我地一叫就已經一檯都係啦!! 佢地啲湯底真係勁!! 已經煲到起哂膠…..真係啖啖都食緊骨膠原!! 多食皮膚係咪一定會靚啲呢!! 哈哈…… 下一樣要介紹就係「禮記雪糕屋」。 呢張相我一定要擺啦!! 影得我 honey 咁型!! 哈哈!! 呢個禮記嘅雪糕三文治已經有好耐歷史,但係都仲係咁好食!! 禮記所有雪糕都係自己做,啲味道真係唔同啲。佢地啲香芋味特別香,芒果都好好味!! 最後我地仲食咗件蜜瓜味雪糕磚,真係勁好味!! 大家真係一定要試!!  唔係講笑!! 之後我地去咗威尼斯人入面行。哇!! 入面大到呢!! 本黎食到飽飽都消化哂,又要搵食啦!! 無意之中,比呢間啲 Pizza 香味吸引咗!! 真係要等都無計!! 因為真係好香….. 哇!! 有得食!! 有得食!! 比個 Pizza 嘅 close up 大家睇睇有幾咁足料!! 一個外貌咁普通嘅 pizza,原來真係好好食架!! 你地睇吓啲芝士多到可以拉到咁長就知真係唔野少啦!! 諗起都好想再食!! 跟住仲有「盛昌」,佢地嘅水蟹粥真係一流!! 次次去澳門我都要食!! 佢啲料好足架,睇個蟹蓋都咁大就知啦!! 我地又點會淨係食水蟹粥咁少呀!! 盛昌啲小炒都好好味!! 西蘭花炒鮮魷 陵魚球併墨魚丸…

Continue reading

台灣之旅

今次講台灣,一個平平地,仲有好多好嘢食嘅地方!! 上次講到我第一次去台灣就發生咗啲事…..真係唔係好想記得囉!!  一落機就遇著落雨,地面濕滑,我拖住個行李響街到行。 去過台灣嘅人都知佢地啲舖出面嘅地面大都高度不一啦,我就係因為咁而滑倒……成個人向前扑……隻手都黎唔切按住個地下……個咀落地!!! 當時我honey 響前面搵緊坐咩車,我真係痛到不停咁喊!! 到佢發現,我先叫佢幫我睇吓啲牙…..撞到兩隻門牙….流哂牙血!! 我當時個咀唇已經痺哂,無哂感覺!! 我不停問…..我啲牙點呀? 我啲牙點呀? Honey 話有一隻牙移咗位……死啦!! 死啦!! 即刻攞鏡出黎照。有隻門牙真係好似脫落咗啲咁!! 我一見到,即刻推番佢上去。好彩之後好快就止咗血!! [之後番到香港先諗起!! 當時應該去睇醫生啦…..買咗旅遊保險都唔識用!! ] 當時真係超擔心+傷心。好彩之後都無事。 繼續講番行程啦!! 第一站係九份嘅一間民宿。我一去到真係無心情,你見我咁呆就知啦!! 個咀又腫咗,真係無哂 mood!! 出面又落大雨!! 雖然嗰日我地都有四圍行吓,不過就無咩點影相!! 直到之後出番市中心,我地入住咗一間溫泉旅館,啲心情先好番啲!! 間房好大,我地仲拍埋咗兩張床。所以有張 Super Giant Bed!! 正!! 跟住一入去個廁所,真係超鍾意!! 真係好大,仲可以自己響房浸溫泉。又乾淨,總之我就非常滿意啦!! 比個浴缸嘅close up 大家睇吓啦!! 係咪 very good 呢?!?! 呢間叫做「水美溫泉旅館」,佢個門口都好靚架!! 仲有佢交通好方便,坐捷運到新北投站行5分鐘左右就到!! 你地下次去台灣都記得要住吓!! 我地去台灣仲有參觀「中山紀念堂」。好宏偉!! 我地仲好好彩,去到無耐仲睇到兩班士兵交替儀式潻!! 唔洗等!! Yeah!! 睇完歷史,不如講吓食咗啲咩啦!! 一講到食,真係流哂口水!! 先講出名嘅「鼎泰豐」小籠包啦!! 我地足足等咗1個鐘有多先有得食!! 佢啲菜肉蒸餃OK,但都係佢啲小籠包最好食。你地睇吓我…

Continue reading

取消有線好難!!

我對 i-cable 呢間公司真係好失望。 真係申請容易,cancel 難!! 好多年前佢開始有上網服務嘅時候,我已經用佢!! 本日自問係一個電腦白痴!! 見 i-cable 當年話人專人跟進,保證無問題,所以就簽咗一年約!! 記得當年足足比咗成年錢,都仲係上唔到網。攪極都攪唔到!! 打去佢地個熱線電話想取消…..一駁入個語音系統,就好似出唔番黎咁!! 想搵人聽個電話叫佢即時取消都好難!! 最後我係要自己帶佢地部上網機,直接走去佢地門市還比佢,先取消到!! 最近又想取消有線電視!! 因為呀媽話反正屋企無人睇,就取消啦!! 但係又係要打電話去……又係語音系統….. 最後搵到人聽,佢話要 fax 份 “取消表格” 過黎,要簽名確實取消先得!! 記得一定要打電話確認佢地真係收到!! 如果唔係佢分分鐘話收唔到,繼續收你錢!! Fax 完份”取消表格” 都未完。30日內有封信寄黎話你知要響30日內還機,否則要收取你$990 作為個解碼器+ remote 嘅費用。要真真正正還埋機先叫做取消咗!! 真係好煩!! 我諗我還完機都仲要 check 吓佢有無真係停止過數囉!! 如果唔係佢好可能仲繼續收錢都夠膽死!! 如果大家都要取消,可用以下語音系統嘅 short cut,唔洗等咁耐!! 搵服務員取消: 電話 1832832,接通後按 1111 (入登記電話號碼)#361 ——>跟住等人接聽電話 已fax”取消表格”後確認: 電話 1832832,接通後按 1111 (入登記電話號碼)#320 ——>跟住等人接聽電話 最後分享埋一段有趣影片…..連”希特拉”…

Continue reading

清真牛肉館

為咗食清真牛肉館嘅牛肉餅,我同 honey 又走咗去九龍城!!  雖然落雨,所以唔洗點等位,就有位啦!! 但係去得,又點會淨係食牛肉餅呢!! 我地仲食咗雞絲粉皮!! 幾好食!! 仲有干扁四季豆!! 呢個有啲咸!! 最衰係食唔落,如果唔係真係要叫番碗飯。一定好好送飯!! 跟住就到超好味嘅牛肉餅!! 佢嘅牛肉餅出咗名好食,肉汁又多!! 其實清真牛肉館仲有好多嘢好食架!! 不過之前去嘅時候無影相!! 下次有咩介紹就再影相比大家睇啦!! 未離開九龍城之前,去食番碗糖水先!! 講到糖水就要食大良八記啦!! 我同 honey 就最鍾意食佢嘅海帶綠豆沙。 真係好足料,仲煲到起哂沙!! 好好味!!

Continue reading

更大雨都要食聰嫂甜品

琴晚大雨、大雷到阿媽都唔認得!! 我同 honey 路過將軍澳,未行到去聰嫂就都已經濕咗半個身。 但係都改變唔到我地去食聰嫂嘅決心….哈哈!! 証明我地真係好鍾意食!! 今次我食番我上次提過,要補番影相比大家睇嘅薑汁意大利涼粉!! 佢個樣係咪好奇怪!! 好似一條條蟲咁呢!! 但係就係因為佢咁嘅形狀,所以每一啖都食到好多薑汁。 如果你地都鍾意食薑汁,真係一定要試試呢個。 另外,我 honey 就梗係食我地都好鍾意食嘅榴槤水晶珠啦!! 如果唔係濕哂身,凍冰冰的話……我真係想再食多啲先走!! 最後番到屋企附近仲大雨,所以仲更加濕!! 濕到連底褲都濕埋!! 今次真係夠哂難忘啦!!

Continue reading