回想番兩年前都係一月去麗江，真係一個好靚嘅地方。
特別係麗江古城入面，好有鄉村風味。
點樣影相都好靚!! 我當時仲影咗好多相，今日就同大家分享吓!!
呢個大水車響麗江古城，好多人埋去影相架!!
下面啲河水仲有好多魚架!!
啲水真係好清架!!
響麗江古城入面仲有啲牆有啲古文! 仲好有色彩潻架!!
麗江古城真係好大架!! 再加埋啲藍天同白雲真係一流!!
我地仲騎馬上茶馬古道上半山睇風景，天氣又好，真係好靚!
我就係騎呢隻馬啦!! 係咪好cute呢??
唔講唔知呀，我怕高架，所以其實我騎馬都真係有啲驚架!!
嗰個拖馬的人仲話要帶我跑一圈，真係比佢嚇死我呀!
其實只係上山落山我都有啲驚驚地啦!!
條路都有啲崎嶇不平架!!
不過好彩，最後都順順利利，無驚無險完成!!
我地仲有坐船遊覽，個船伕仲好落力潻!!
我就好LIKE佢個背影!! 加埋個夕陽，好有FEEL呢!!
其中有一日我地坐咗好耐車去玉龍雪山。
其實呢個地方真係有啲外國feel，如果唔望啲人，真係有去咗日本嘅感覺!
玉龍雪山都幾高架，但係我地去當日，就無開哂，未能上到最高點!!
不過我都無可能上到咁高啦!! 上到山就開始有啲高山反應!
為咗坐呢架吊車，我同我honey等咗成個鐘!! 又凍喎!
如果大家都有打算一月去，真係要著多啲衫先得!!
上到去就見到個冰川………唉!! 已經細咗好多!!
大家真係要注意環保，唔好令地球暖得太快，如果唔係，再過幾年，呢個咁細嘅冰川都會消失埋架啦!!
除咗睇冰川，另外就梗係有靚景啦!
但係嗰日好多雲，所以在雪山上真係好凍!!
你地睇吓，成個雪山都比啲雲擋住!!
不過我地都唔係行到好高!!
因為我同honey都有啲高山反應!!
最初係我honey發現我不停打呵欠，應該係我個腦缺氧!!
我地一早就響麗江古城買定一樽氧氣嘅spray!! [如果大家有諗過上雪山，都記得響山腳買定，因為在山上啲氧氣都貴好多架!!]
吸完氧氣之後，我地都係決定唔好行咁高啦，有咩事都唔知點算。
所以我地就去坐吊車落番山。
其實條棧道都幾好行，不過缺氧又要行咁多樓梯就真係有啲吃力。
坐吊車番到山腳，見到有車去藍月谷。我地就順便去埋!!
原來係玉龍雪山另外一邊嘅山腳，風景都好靚!
仲見到好多牦牛，佢地都好可愛架!!
不過我地仲發現雪山見番太陽，早知就響雪山等耐啲先落山啦!!
不過其實都係好事，因為我地去等吊車落山時，先見有啲小朋友暈咗。應該都係因為缺氧啦!
佢地被送去急救室!! 最後唔知點呢?!?! 希望無事!!
但係我地走都係好事，如果唔係我地暈咗都唔知點算!!
另外都有一個好地方要推介比大家，有個地方叫束河古鎮，都係一個好地方。
有好多BAR 同 CAFE，可以行吓又坐吓，慢慢欣賞束河古鎮嘅鄉村風味!!
好啦!! 今日就講住咁多先啦!!
下次繼續講更多雲南好去處比大家知啦!! 
Leave a Reply