雲南麗江<二>

今日繼續講麗江,就由松贊林寺開始啦!!

如果大家都未有機會去西藏,可以考慮去松贊林寺到睇吓先!!

雖然只係一個mini版,但係都真係一個好去處。

18松贊林寺

其實松贊林寺都有好多人去架,你地睇吓啲煙火就知啦!!

19松贊林寺

有好多當地人同遊客去拜!!

當地人著啲衫仲好鮮艷,好有鄉村嘅感覺!!

20松贊林寺

但係可能因為多人去,所以有好多小朋友四圍走同人景相,然後過黎同你收錢。

我就真係好討厭呢啲。2

不過好多大陸嘅景點都係咁,真係無辦法啦!!

另外我仲響松贊林寺影咗張好似。「向世界出發」嘅相,唔知你地覺唔覺呢??

21松贊林寺

哈哈!! 唔知你地like唔like呢??

另一個推介景點係依拉草原+納帕海,又係騎馬嘅活動。

22依拉草原&納帕海.

但係如果唔騎馬,真係無可能行得完,因為佢地方又真係好大!!

不過我地都無去哂上面地圖嘅所有地方。因為我地到達當日已經三、四點啦,所以只係去咗1個地方。

因為冬天,好早天黑,所以都無可能去得哂啲地方!

23依拉草原&納帕海.

但係根據嗰個拉住我隻馬行嘅人解釋,呢條河好神聖架,啲人過咗身之後,就將啲骨灰曬落呢條河。

當地嘅人都係咁做。不過雖然係咁,但係呢個地方真係一啲恐怖嘅感覺都無架!!

你地睇吓我同honey騎馬騎得咁開心就知啦!

24依拉草原&納帕海.

如果大家都鍾意大自然的話,去到雲南記得一定要去普達措國家公園。

佢係一個好大嘅郊野公園,我同honey響入面都玩咗成日。因為佢啲地方大到要坐接駁車先到到。

不過啲風景都真係一流。41

25普達措國家公園

真係靚到好似假嘅咁! 你地又鍾唔鍾意呢??

我地圍住呢個湖都影咗好耐相架!!

26普達措國家公園

我仲好記得我地去當日好凍,好似得6度左右咋!!。你地睇,成個湖邊都係霜!!

我地嗰日仲好早就到咗,太約早上9點,所以太陽都未來得及溶咗啲霜。

當日我地響普達措國家公園仲好好彩,比我地遇到好可愛嘅松鼠!!

27普達措國家公園

好細隻,你地睇唔睇到佢呢?? 其實唔止一隻架,不過我就只拍到佢一隻。

佢好唔怕羞,佢會走上人嘅身上,睇吓你有無野比佢食!! 真係超得意!!

結果我地就響呢度玩咗個幾鐘!! 哈哈…..

呢個公園所有嘢都好天然架,連地上嘅裝飾都係!!

28普達措國家公園

真係幾有心思!!

我同honey有幾日行程去咗香格里拉,雖然要坐幾小時車先去到,但係在車上真係一啲都唔悶。

沿途都係啲田園風景!! 因為架車係啲坐得廿幾人的細巴士,仲可以開窗!!

我仲大膽到伸手出車窗外影相!

29香格里拉

不過因為架車行得幾快,所以好多相都睇唔清楚。真係太可惜啦!!

旅程尾聲,我地都係住響麗江古城入面,仲響黃昏時,上咗古城內最高嘅萬古樓睇日落!!

都真係幾靚架!! 鍾意影相嘅人不要錯過!!

30萬古樓

影完日落就梗係影埋萬古樓嘅夜景先落番古城啦!!

31萬古樓

我地有一日早上去咗古城附近嘅黑龍潭公園,都係一個必去嘅地方。 5

32黑龍潭公園

公園中心可以離遠望到玉龍雪山,係咪好好景呢??

不講不知,入麗江古城係要比古城”維護費”的,只要係入黑龍潭公園時,出示”維護費”的收據,就可以免費入黑龍潭公園架啦!! 如果有時間,都值得入去行吓!

33黑龍潭公園

入面仲有好多人影相。仲有人響入面取景影婚紗相潻!

到咗最後一日,我同honey好早起咗身,想去我朋友推介我地方食早餐。

我地仲早到所有商店都未開。

34麗江古城

不過靜靜地行古城麵係好事,可以享受一吓不一樣嘅古城。[因為平時嘅古城真係好熱鬧,好多人架。]

我仲有意外收獲,影到呢張咁靚嘅古城日出相潻!!

35麗江古城

到差不多9am,有班婆婆響空地到跳舞。好攪笑!!

36麗江古城

當中都有啲遊客加入一齊玩。

呢啲民風咁簡單嘅地方,真係越來越少了,大家有時間都要快啲去感受一下。

啲婆婆真係好可愛架,佢地仲個個都打扮過先出黎跳舞!!

37麗江古城

跳完佢地仲會排排坐一齊休息吓!!

麗江真係一個好地方,真係有好多好人。唔同其他地方啲人咁,吓吓都係錢!!

有望將來我再去麗江嘅時侯,啲人都係咁純樸,咁熱心助人啦!! 5

仲有呀,要提提大家,如果大家想去麗江賞花,記得要安排6月左右去。

不過如果好似我咁,有花粉鼻敏感……就要認真考慮啦!! 4

Leave a Reply

Your email address will not be published. Required fields are marked *