曼秀雷敦薄荷膏

早前出去行街,見到個sales個鼻脫甩哂皮!! 唔問都知佢係傷風,流鼻水導致到咁啦!! 我就忍唔住要介紹佢用「曼秀雷敦薄荷膏」,佢嘅薄荷成份可以通鼻之外。 佢仲有滋潤成份可以大大改善兩邊鼻翼脫皮嘅情況。 我時時都帶住呢個細細size嘅「曼秀雷敦薄荷膏」響身。 其實我好細個就已經用佢架啦! 因為我細個嗰時,個鼻呼吸唔好。 要晚晚都用佢幫助我呼吸。 只要將薄荷膏大面積塗響鼻同胸口,就可以幫助呼吸回復暢順。我細個好長時間都係靠佢,先可以瞓得好。 不過佢除咗可以舒緩傷風引致嘅鼻塞、胸口翳悶及頭痛不適外,我上網仲search到佢有以下功能: 擦傷燙傷:做家務時,很容易燒傷、燙傷及擦傷。用大量曼秀雷敦薄荷膏塗於傷處,並用繃帶包裹,可迅速減輕痛楚。如嚴重者,應儘快就醫。 皮膚拆裂:秋冬天氣寒冷乾燥,使用曼秀雷敦薄荷膏可滋潤肌膚,其清涼柔和的功效可使血液循環恢復正常,減輕皮膚爆拆、瘙癢,令肌膚回復健康。 蚊蟲咬傷:能立刻舒緩昆蟲咬傷而引起的瘙癢、疼痛。 太陽炙傷:皮膚不慎曬傷,將曼秀雷敦薄荷膏搽于患處或塗在清潔軟布上輕敷,清涼舒適,能使皮膚消除紅腫減輕疼痛,令皮膚迅速康復。 推拿按摩:採用曼秀雷敦薄荷膏推拿按摩,其解除肌肉酸痛的多種藥物成份,能有效地舒緩疲倦所帶來之肌肉痛楚及酸軟,所以在海外早已被桑那按摩浴室所普遍使用。 熱痱:在夏天,皮膚往往因出汗過多而生長熱痱,用曼秀雷敦薄荷膏輕搽患處,可治療熱痱及燙傷。 鬚後滋潤:曼秀雷敦薄荷膏還可滋潤剃鬚後的乾燥皮膚。 勁!! 真係要買番瓶回家看睇門口先得。 不過一般家庭裝(85 gm)可能太大,唔方便帶出街! 如果大家都想買番我以上張相嘅細size (10 gm),就要去萬寧或者屈臣氏先有。 因為我都試過去藥房搵,大部份都無架!! 唔想白行就記住啦!! 

Continue reading

磨砂洗面嘅正確時間

唔知大家一般係晚上用磨砂洗面,還是在早上用呢?? 其實我一直以來,都係響晚上先做磨砂架。 因為我諗住晚上皮膚最 dirty,晚上洗乾淨就最啱啦…… 原來係錯架!!  我都係一次買嘢嘅時侯,比個sales姐姐點醒咗! 晚上我地啲皮膚係最疲倦嘅時候,所以晚上用磨砂洗面就會加重我地皮膚嘅負擔。 所以早上用磨砂先係正確時間,仲可以叫醒啲皮膚潻!! 如果有人同我一樣,都係習慣晚上用磨砂洗面,就要改改啦!! 注意磨砂嘅時候,動作一定要輕。 如果唔係,好易會攪到皮膚敏感架!!

Continue reading

蜂皇柔和潔面啫喱

我啲洗面真係用得最快嘅! 今次又有新嘢試咗,想分享吓比大家!! 繼上次介紹的無泡洗面,今次想介紹比大家嘅都係彩豐行另一無咩泡嘅洗面啫喱。 <蜂皇柔和潔面啫喱> 主要成份: 蜂皇乳精 – 幫助肌膚癒合修復及提升。 維他命E – 具有抗氧化、促進血液循環的效果,佢仲有軟化皮膚的角質層嘅功效。 橄欖葉精 – 係一種抗氧化劑。比維他命C嘅抗氧化功效高出4倍架!! 勁!! 洋甘菊精 – 有效改善皮膚過敏嘅症狀。有鎮静,强化肌膚抵抗力及免疫力的嘅作用。 銀杏葉精華 – 幫助肌膚抗氧化,能修護肌膚,改善黯沉現象。 用法: 加適量於掌心,加水搓揉出泡沫,塗於面部及頸部按摩,以清水沖洗即可。 功效: 添加上橄欖葉及銀杏葉精華,潔面爽膚同時加強抗氧化效果、有助預防皺紋及鬆馳等現象,賦予肌膚透明度和彈性。 個人用後感: 一聽個名有蜂皇,就知佢潤啦!! 我覺得佢超適合冬天咁乾燥嘅天氣用。 用完之後一啲都唔乾不特止,仲要好滑!! 用落,佢仲幾香,值得一讚!! 不過,唯一係個泵口好細囉…… 次次都要按至少5下先夠!! 唔係好方便。 但係佢嘅質數都真係唔錯架,大家都快啲去買支試試啦!!

Continue reading

咁凍,大家會用溫水洗面嗎??

其實好耐之前開始,我已經有用凍水洗面嘅習慣!! 不過,我都係睇書同睇雜誌見到啲醫生同藝人嘅訪問先知用凍水洗面最好。 所謂凍水,我都係用自來水嘅水溫。 據說,用冷水洗面可以刺激面上嘅微血管收縮,呢個係一個好好嘅肌膚運動。我就覺得用冷水洗面仲可以收縮毛孔潻。 我響cosmopolitan都見到周迅嘅訪問,佢都公開佢嘅護膚秘訣就係用冷水洗面。 就算佢去到北京再凍,佢都係用冷水洗面架。 啲皮膚科醫生都話特別係冬天,因為冬天皮膚不太會出汗,皮脂分泌也較少。如果用溫水洗面,就會容易造成皮脂膜剥落,令皮膚粗糙。 如果大家都用慣溫水洗面就要改變習慣。 只要轉用冷水一個星期,你就會見到有明顯轉變架啦!! 仲唔快啲 ACTION!!

Continue reading

awfully chocolate

之前只係聽過”awfully chocolate”啲蛋糕好正!! 不過都未食過!! 早兩個月,我終於響朗豪坊一個唔起眼嘅位置遇到佢啦!! 不過第一次經過嘅時間咩都未有得賣。仲係準備中……. 直到第二次經過,終於開咗啦!! 不過一大個蛋糕我就唔敢買,怕食唔哂,所以只係買杯雪糕食!! 真係一諗起就想流口水。 不過我都有忍住呀,影埋相比大家睇先食。 仲有我honey都有影呀!! 你地睇吓我地杯雙球朱古力雪糕幾吸引!! 我好鍾意食朱古力雪糕架,真係令我想尖叫呀!! 我honey又like dark chocolate,所以更加要雙球先夠滿足我地啦!! 比多個close up大家睇吓先!! 一食之下!! 哇…..真係有好濃嘅朱古力味,仲要唔係好甜!! 唔係講笑,真係好好食!! 雖然呢個雙球雪糕要$38,都幾貴!! 但係真係物超所值,你地都快啲去買黎食啦!!

Continue reading

天氣雖凍,但都要去角質!!

最後香港天氣好凍,特別我住新界,好多時都低過十度。 仲要勁乾燥。你地有無覺得塗完你的日常護膚品仲好乾?? 你地模吓你地個鼻頭,有無啲一粒粒咁?? 如果你地都有以上徵狀,好大可能係係地角質層太厚,啲死皮太多。 所以塗咩都吸收唔到。 今日我想話比大家知,我係點去我啲角質層呢!! 我會用啲好似擦子膠嘅洗面產品。依家間唔中有用嘅係呢支。 應該係台灣嘅出品,佢同我以前用過嘅擦子膠嘅洗面產品不同。 佢都係乾手乾面塗上,然後按摩,直到啲GEL結成一舊舊,然後用清水洗乾淨就可以了。 不過佢不同在於,佢洗一段時間都係水汪汪的。但係都唔好等到乾哂先洗面喎!! 如果唔係就會令到啲皮膚太乾啦!! 除此之外,最近我有新發現,仲好方便地就可以去角質!! <彩豐行JimmBenny 海藻抗菌淨化面膜>   點解我話佢方便用係因為佢只需敷5-10分鐘就可以洗面。 我會響去沖涼,一除完衫就厚厚地塗上它,跟住就去沖涼。 沖完涼順便洗埋面就完成啦!!  你地話係咪方便先。 不過方便歸方便,最緊要係有效!! 用完個鼻頭啲粒粒就平哂,即係有效啦!! 呢支面膜嘅主要成份: 尤加利 – 具止痛消炎功效,幫助平衡皮脂分泌,並兼具滋養肌膚之效。 海藻 – 最大的效果就是補水,乾性皮膚最適合不過了。補水之餘,仲控埋油,可以達到水油平衡。 尿囊 – 有效改善過度出油的問題同時安撫紓緩肌膚。 薄荷 – 平衡皮膚油脂,為皮膚補充水份,仲有收缩粗大毛孔嘅功效。 高嶺土 – 有去角質嘅功效。 功效: *深層潔淨面上油脂 *清潔消炎毛孔及線孔,防止感染 *舒緩鎮靜紅腫,加速細胞新陳代謝 *使暗瘡癒後不留疤痕。 用後感: 敷嘅時候冰冰涼涼的,可能係有薄荷有關。 不過用後塊面真係無咁油。日頭化妝都無咁容易溶。 用完鼻頭啲粒粒無哂, 真係work!! 仲有呀,佢又平,只係$26一支,厚厚敷都唔洗肉赤啦!!

Continue reading

晨早流流去覆診!!

香港嘅溫度都好耐未試過低過5度啦!! 我仲要響咁凍嘅天氣晨早流流去排隊覆診!!  要離開張瞓到暖哂嘅床真係一大挑戰!! 好彩到最後頂得住,仲有時間食個早餐先去睇醫生。 其實我個甲狀腺已經穩定咗,只係每三個月去攞藥,同一年驗一次血,無問題就OK。 就係為咗呢包藥,就要每三個月去一轉診所!! 仲要每次等一大輪都只係見醫生嗰三兩分鐘就走得。 但係無辦法啦!!鬼叫我已經係長期病患者咩!! 醫生已經多次提我,我要一直食藥食到老架啦。 但係我都已經好好架啦,條頸無腫脹,唔洗做手術!! 都係不幸中嘅大幸啦!! 人地話小病是福!! 我信架!!  最後都要祝祝我嘅blog友身體健康!! 有健康,咩都做得成!!

Continue reading

我最愛嘅香水

我有皮膚敏感,唔係支支香水都用得!!  敏感一起就會好似出濕疹一樣,好痕!! 但係我都無放棄用香水嘅習慣! 我依家就會噴在我的衣服上,唔可以接觸皮膚就無問題啦!! 試過好多香味,我到現時為止,最愛都係呢支! <CHANEL coco mademoiselle> 佢平時個LOOK係咁架,但係我嗰支個包裝有啲唔同。 成支唇膏咁,四四方方!! 係咁好靚呢?? 佢一扭個噴咀就出,跟住就可以噴香水啦!! 係咪好特別呢!! 不過佢啲香味都好香,結合茉莉花與玫瑰的花香於一身。 大家有時間都去聞吓啦!! 希望你地都鍾意啦!

Continue reading

火井火鍋海鮮飯店

上星期五同個朋友及佢屋企人過咗西環食火鍋。 間嘢叫做火井火鍋海鮮飯店,真係不得了,啲嘢真係幾好食。 先同大家講講個鍋先啦!! 佢最出名係佢地嘅招牌鍋!! 啲料十足,有大量番茄、蔥、豬皮、雞腳、粉腸、枝竹等….. 你地見到張相就知有幾豐富啦!! 個招牌鍋真係要食減啲料先有位整其他嘢食架!! 佢啲枝竹真係無得頂!! 但係因為我對沙嗲湯底一般,所以我無點試過!! 不過我朋友鍾意食沙嗲都覺得正!! 仲有呀,佢地個醉雞鍋都幾出名架,我下次一定要試!! 叫完湯底我地就好快就叫到一檯食物!! 真係要同大家分享吓我地食咗啲咩先得!! 鍾意食牛嘅一定要叫呢個特級手切肥牛,好有牛味,正到暈呀!! 仲有呢個牛四寶,都係必食推介 [四寶係牛頸脊,牛脷柧, 牛肉粒, 牛展。] 我地仲叫咗好多好嘢! 有好大隻嘅生蠔!! 雖然我無食呢個,但係見到好大隻,食咗嘅朋友都話好新鮮就知係好嘢啦! 仲有魚翅仔都係一個推介,因為拖一拖就食得,最適合肚餓嘅時候食!! 好膠口,唔係假樓貨!! 大家記得要試!! 仲有唔係周圍都食到嘅冰豆腐呀,加埋啲湯食,打邊爐真係一流!! 另一樣我第一次打邊爐食,但係又真係好好食嘅竹笙啦! 仲要都幾大碟吓!! 仲有呢碟好有鮮味嘅珊蝴蚌。 大家鍾意食爽口嘢嘅就一定要叫!! 仲有呀,平時我打邊爐都唔係好食嘅餃。 不過呢個韮菜餃,真係好食!! 有好多韮菜。雖然大隻,但係食幾粒都唔會太飽,因為係菜為主!! 呢度啲蝦雖然冰鮮過,不過真係好新鮮,上檯成半個鐘,啲腳都還會動的。 又大隻,好爽!! 我地都有叫芝心蝦丸! 不過啲芝士唔係好多囉! 如果再多啲就更加好啦!! 不過呢個丸都幾彈牙!! 另外呢個醬爆鯊魚丸都幾好食。 食得多普通嘅丸,轉下口味都唔錯!! 食食吓,我個朋友仲想食埋花膠。 真係好膠口架!! 仲要都幾大碟。幾十元一碟都幾低食!! 仲有啲金菇都係大大粒架!! 加埋響鈴,真係好開心!! 你地睇吓幾大碟!! 仲有啲嘢食我都唔記得影,有墨魚滑(好滑,記得要食),皇帝菜,粟米(好甜,好好味道),仲有炸魚皮都好脆!! 呢一餐真係食得好開心!! 好飽!! 大家下次想搵地方食飯,都要試試。…

Continue reading

雲南麗江<二>

今日繼續講麗江,就由松贊林寺開始啦!! 如果大家都未有機會去西藏,可以考慮去松贊林寺到睇吓先!! 雖然只係一個mini版,但係都真係一個好去處。 其實松贊林寺都有好多人去架,你地睇吓啲煙火就知啦!! 有好多當地人同遊客去拜!! 當地人著啲衫仲好鮮艷,好有鄉村嘅感覺!! 但係可能因為多人去,所以有好多小朋友四圍走同人景相,然後過黎同你收錢。 我就真係好討厭呢啲。 不過好多大陸嘅景點都係咁,真係無辦法啦!! 另外我仲響松贊林寺影咗張好似。「向世界出發」嘅相,唔知你地覺唔覺呢?? 哈哈!! 唔知你地like唔like呢?? 另一個推介景點係依拉草原+納帕海,又係騎馬嘅活動。 但係如果唔騎馬,真係無可能行得完,因為佢地方又真係好大!! 不過我地都無去哂上面地圖嘅所有地方。因為我地到達當日已經三、四點啦,所以只係去咗1個地方。 因為冬天,好早天黑,所以都無可能去得哂啲地方! 但係根據嗰個拉住我隻馬行嘅人解釋,呢條河好神聖架,啲人過咗身之後,就將啲骨灰曬落呢條河。 當地嘅人都係咁做。不過雖然係咁,但係呢個地方真係一啲恐怖嘅感覺都無架!! 你地睇吓我同honey騎馬騎得咁開心就知啦! 如果大家都鍾意大自然的話,去到雲南記得一定要去普達措國家公園。 佢係一個好大嘅郊野公園,我同honey響入面都玩咗成日。因為佢啲地方大到要坐接駁車先到到。 不過啲風景都真係一流。 真係靚到好似假嘅咁! 你地又鍾唔鍾意呢?? 我地圍住呢個湖都影咗好耐相架!! 我仲好記得我地去當日好凍,好似得6度左右咋!!。你地睇,成個湖邊都係霜!! 我地嗰日仲好早就到咗,太約早上9點,所以太陽都未來得及溶咗啲霜。 當日我地響普達措國家公園仲好好彩,比我地遇到好可愛嘅松鼠!! 好細隻,你地睇唔睇到佢呢?? 其實唔止一隻架,不過我就只拍到佢一隻。 佢好唔怕羞,佢會走上人嘅身上,睇吓你有無野比佢食!! 真係超得意!! 結果我地就響呢度玩咗個幾鐘!! 哈哈….. 呢個公園所有嘢都好天然架,連地上嘅裝飾都係!! 真係幾有心思!! 我同honey有幾日行程去咗香格里拉,雖然要坐幾小時車先去到,但係在車上真係一啲都唔悶。 沿途都係啲田園風景!! 因為架車係啲坐得廿幾人的細巴士,仲可以開窗!! 我仲大膽到伸手出車窗外影相! 不過因為架車行得幾快,所以好多相都睇唔清楚。真係太可惜啦!! 旅程尾聲,我地都係住響麗江古城入面,仲響黃昏時,上咗古城內最高嘅萬古樓睇日落!! 都真係幾靚架!! 鍾意影相嘅人不要錯過!! 影完日落就梗係影埋萬古樓嘅夜景先落番古城啦!! 我地有一日早上去咗古城附近嘅黑龍潭公園,都係一個必去嘅地方。  公園中心可以離遠望到玉龍雪山,係咪好好景呢?? 不講不知,入麗江古城係要比古城”維護費”的,只要係入黑龍潭公園時,出示”維護費”的收據,就可以免費入黑龍潭公園架啦!! 如果有時間,都值得入去行吓! 入面仲有好多人影相。仲有人響入面取景影婚紗相潻! 到咗最後一日,我同honey好早起咗身,想去我朋友推介我地方食早餐。…

Continue reading