雲南麗江<一>

回想番兩年前都係一月去麗江,真係一個好靚嘅地方。 特別係麗江古城入面,好有鄉村風味。 點樣影相都好靚!! 我當時仲影咗好多相,今日就同大家分享吓!! 呢個大水車響麗江古城,好多人埋去影相架!! 下面啲河水仲有好多魚架!! 啲水真係好清架!! 響麗江古城入面仲有啲牆有啲古文! 仲好有色彩潻架!! 麗江古城真係好大架!! 再加埋啲藍天同白雲真係一流!! 我地仲騎馬上茶馬古道上半山睇風景,天氣又好,真係好靚! 我就係騎呢隻馬啦!! 係咪好cute呢?? 唔講唔知呀,我怕高架,所以其實我騎馬都真係有啲驚架!! 嗰個拖馬的人仲話要帶我跑一圈,真係比佢嚇死我呀! 其實只係上山落山我都有啲驚驚地啦!! 條路都有啲崎嶇不平架!! 不過好彩,最後都順順利利,無驚無險完成!! 我地仲有坐船遊覽,個船伕仲好落力潻!! 我就好LIKE佢個背影!! 加埋個夕陽,好有FEEL呢!! 其中有一日我地坐咗好耐車去玉龍雪山。 其實呢個地方真係有啲外國feel,如果唔望啲人,真係有去咗日本嘅感覺! 玉龍雪山都幾高架,但係我地去當日,就無開哂,未能上到最高點!! 不過我都無可能上到咁高啦!! 上到山就開始有啲高山反應! 為咗坐呢架吊車,我同我honey等咗成個鐘!! 又凍喎! 如果大家都有打算一月去,真係要著多啲衫先得!! 上到去就見到個冰川………唉!! 已經細咗好多!! 大家真係要注意環保,唔好令地球暖得太快,如果唔係,再過幾年,呢個咁細嘅冰川都會消失埋架啦!! 除咗睇冰川,另外就梗係有靚景啦! 但係嗰日好多雲,所以在雪山上真係好凍!! 你地睇吓,成個雪山都比啲雲擋住!! 不過我地都唔係行到好高!! 因為我同honey都有啲高山反應!! 最初係我honey發現我不停打呵欠,應該係我個腦缺氧!! 我地一早就響麗江古城買定一樽氧氣嘅spray!! [如果大家有諗過上雪山,都記得響山腳買定,因為在山上啲氧氣都貴好多架!!] 吸完氧氣之後,我地都係決定唔好行咁高啦,有咩事都唔知點算。 所以我地就去坐吊車落番山。 其實條棧道都幾好行,不過缺氧又要行咁多樓梯就真係有啲吃力。 坐吊車番到山腳,見到有車去藍月谷。我地就順便去埋!! 原來係玉龍雪山另外一邊嘅山腳,風景都好靚! 仲見到好多牦牛,佢地都好可愛架!! 不過我地仲發現雪山見番太陽,早知就響雪山等耐啲先落山啦!! 不過其實都係好事,因為我地去等吊車落山時,先見有啲小朋友暈咗。應該都係因為缺氧啦! 佢地被送去急救室!!…

Continue reading

我最愛嘅香水

我有皮膚敏感,唔係支支香水都用得!! 敏感一起,就會好似出濕疹一樣,好痕!!  但係我都無放棄用香水嘅習慣! 我依家就會噴在我的衣服上,唔接觸皮膚就無問題啦!! 試過好多香味,我到現時為止,最愛都係呢支! <CHANEL coco mademoiselle> 佢平時個LOOK係咁架,但係我嗰支個包裝有啲唔同。 成支唇膏咁,四四方方!! 係咁好靚呢?? 佢一扭個噴咀就出,跟住就可以噴香水啦!! 係咪好特別呢!! 不過佢啲香味都好香,結合茉莉花與玫瑰的花香於一身。 大家有時間都去聞吓啦!! 希望你地都鍾意啦!!  

Continue reading

Happy New Year

2011年嘅第一日。 點都要同各位講句: Happy New Year!! 唔知大家昨晚係咪同我一樣,去完party,過咗一個好開心嘅元旦呢?? 希望大家來年順順利利!! 心想事成!! 開開心心!! 最緊要就梗係身體健康啦!! Yeah!!

Continue reading

盲俠行2010

2010年十一月係我同honey第三年次參加盲俠行! 今年路程不算辛苦。由葵芳行到黃金海岸,大部份都只係平路。 回想第一年參加,由旺角球場行到西貢碼頭,今年真係非常好行啦!! 今件仲有人好有心思,用氣球做咗隻大眼仔,攪到好多人同佢影相!!  佢都真係幾有創意!! 我同honey一開始就影定合照。未開始行就梗要影低個精神樣先啦!! 今年盲俠行主題係「光影塗鴉」。我都只係第一次玩咋!! 香港周圍都咁光,同埋好少有咁嘅情趣去玩。 我地都未到大會指定嘅地點,就同個朋友忍唔住玩「光影塗鴉」啦! 你地睇吓我地畫成點?? 玩完個別,就要玩埋兩人合力啦!! 不過我地都係由最簡單嘅圖案開始! 今年我地有好多朋友一齊行,好快就去到last一公里。 因為多人行,不停有唔同朋友一齊互相支持,所以到行完我同honey都仲好精神!! 我地仲早咗到黃金海岸。 因為想等日出,四圍行就見到大會響沙灘砌咗奧比斯個logo,真係超靚! 你地like唔like呢?? 我地最終都等到日出先走,不過今年好多雲。仲要個太陽比啲大廈阻住咗,所以我地都影唔到靚嘅日出!! 由晚上11:45pm行到第二日5:50am。梗係第一時間回家瞓覺啦!! 瞓醒先睇番原來一晚之內攞咗咁多記紀念品番屋企。 但係做善事就梗係唔係為咗呢啲啦!! 原來一大班朋友一齊做善事好開心架!! 我出年都要再叫多啲人參加先得,希望出年見到你地都一齊去玩啦!!

Continue reading

2010遊世博

一年就快過,,回顧今年最瘋狂都係去上海世博!! 我地一行五人,幾日內買到機票,話去就去!! 仲要係最多人嗰日(103萬人),估唔到仲破埋世博歷屆單日入場人次紀錄!! 真係勁!! 四日行程,只有兩日行世博!! 只因同行有人貪心地想行哂所有館!! 所以就展開兩日摩打腳不停地行嘅走馬看花之旅!! 唔係講笑!! 有啲館我都要係回到家,睇番相先知自己曾經經過過。 有啲仲要係響我男朋友啲相到見到,當時都無留意! 真係好瘋狂…….兩日世博都行足十個鐘!! 真係好激!! 不如就同大家分享一下我部份嘅相啦!! 我地由深圳機場飛,仲要早到連機場啲燈都未開,我地就到咗! 其實係我地預多咗時間,所以早到咗! 當時機埸仲一個人都無!! 幾攪笑!! 一到上海就坐呢架磁浮!! 佢最高去到300 mph,超快!! 只需7分鐘就到市中心!! (如果唔坐磁浮列車,普通列車要45分鐘先到市中心) 到達市中心就要轉坐地鐵去我地book咗嘅青年旅社。 一買飛先知原來啲飛都有好好設計過架!! 係咪好精美呢!! 放低哂啲行李第一件事就要去買世博入場卷!! 好順利就買到啦!! 好興奮!! 係喎,之前講到我地行世博,日日行十個鐘以上。 可能大家都唔知世博會場有幾大!! 世博會場分開A,B,C,D及E區,分佈係黃浦江兩岸。 我相信每個區之間的距離都有香港兩至三個地鐵站咁遠!! 唔係講笑,真係行到腳軟….. 講番入場時候(最多人,有103萬人當日)。 一入去見到有呢啲打蛇餅設施無用,仲以為無咩人!! 再行入啲就見到一大班人,真係唔知條龍響邊!! 只好跟住前面,有位就向前行!! 真係一片混亂!! 不過經過哂安檢之後就好啲,唔洗咁迫!! 但係入場雖然辛苦,但係都大開眼界! 好多館都起得好靚! 最可惜係無時間慢慢睇! 不如就比啲我認為靚啲嘅館大家睇下啦! 有啲日頭睇唔靚,晚上著咗燈就正嘅館,我會放埋一齊! 你地好好欣賞啦!! <國家電網館> <石油館(日)> 呢個石油館到晚上真係不得了,佢成個館都著燈,仲要不停轉顏色架! <石油館(夜)> 佢側邊都會不停轉色!!…

Continue reading

無泡洗面新感受!!

有睇我之前嘅BLOG嘅人都知,我一向認為有泡嘅洗面先洗得塊面乾淨!! 不過今次我要推介比大家嘅….竟然係一支無泡嘅洗面!! 仲要係平、靚、正之選!! 呢支彩豐行買嘅JimmBenny溫泉保濕排毒潔面啫喱,佢好得意架!! 成支洗面啫喱都有好多粉紅色同透明嘅真空波波,洗面時就會爆開!! 洗完面仲一啲都唔乾,。好保濕,又滑!! <JimmBenny A735 溫泉保濕排毒潔面啫喱>  佢嘅主要成份係: 丙二醇 (Propylene Glycol) – 一種透明、無色、具黏性及吸濕性的直鏈脂肪醇液體,像平常使用的藥膏、面膜、化妝水、洗面乳、精華液、卸妝品、保濕乳液及植物萃取液等。佢有助於我地嘅皮膚吸收水份。 甘油 (Glycerin) – 使皮膚得到滋潤,保持水潤。 尿囊素 (Allantoin) – 有效改善過度出油的問題同時安撫紓緩肌膚。 我初初用都唔覺好用!! 之後轉用其他先覺得呢支洗面好!!  之前我朋友有暗瘡問題,我都有介紹佢用。佢用咗之後都有改善!! 所以佢都仲有繼續用落去!!  彩豐行官方網頁有講佢主要功效可以抵抗臭氧及重金屬,消除城市煙塵催生的毒素,促進微循環幫助皮膚剔除雜質。而每一粒真空波波都包含著銀杏精華,能釋放充足滋潤成份,令皮膚保持柔軟、彈性。 仲有好多用過嘅人都有番去彩豐行網頁留言。有時間,大家都可以去以下嘅LINK睇睇!! http://www.choi-fung.com/chinese/online/goods.php?pid=A735

Continue reading

秋風起,又要狂保濕啦!!

一到秋、冬季,天氣就變得非常乾燥! 特別係眼嘅部份。最薄同最脆弱!! 所以要多注重眼部嘅保濕! 要提早預防眼紋及魚尾紋嘅出現!!   最近就發現咗隻好用嘅 eye mask,一定要介紹比大家!! 呢盒ES 720 eye mask 好正,一盒有60片 (即係30對啦!) 佢嘅設計好貼眼,好保濕! 佢係有修復乾紋及黑色素嘅功效! 去唔去到黑眼圈我就不大肯定! 因為我個黑眼圈都依然還在!! 但係條眼紋就真係淡咗! 好勁!!  [不過我認,最初用佢我有連續幾日好勤力地敷架!!真係有回報!] 大家想試用嘅朋友,可以去「靚靚日本化妝品專門店」睇吓! 佢原價要$360架!! 上次我去就遇著佢特價,唔洗$300。所以就忍唔住要試啦!! 眼部比較乾嘅姊妹都一定要試試啊!!   我仲有另一樣介紹呀! 唔知大家有無同我一樣,有時敷 paper mask 時,隻眼就好乾呢?? 先前行彩豐行時就見到支cream狀嘅eye mask,就買支細嘅用吓啦!! 呢支Seaweed Eye Mask 海藻眼膜好方便,只需敷5分鐘就好。 主要成份係海藻精華,甘油,維他命E和尿囊素。 不過我一般都係敷面膜時,同時用佢敷埋眼。 佢係令我對眼無咁乾,但係去紋嘅效果就真係唔係好明顯。 有無改善黑眼圈都唔係好覺!! 只可以講佢真係好潤囉!! 不過我都會繼續用佢,直至我找到其他更好嘅 gel/cream eye mask 可以代替佢為止! 大家有好介紹記得講我知啊!! 

Continue reading

柬埔寨之旅

已經係早兩年嘅事啦!! 但係柬埔寨真係一個幾好嘅地方。 特別係鍾意影相既人就更加要去吓!! 不過柬埔寨啲治安就唔係咁好,所以我就覺得跟團會比較安全。 柬埔寨有好多名勝古蹟都值得一去。等我同大家分享一下我去過嘅地方啦!! 第一站去咗「施漢諾親王皇宮」,雖然有遇著落雨,但係都覺得啲裝潢好靚!! 連地板都用啲有花紋嘅磚,好特別!! 佢地嘅門就更加唔簡單,係成個彿嘅圖案! 施漢諾親王皇宮穿過另一面就會見到好多白塔。行近啲睇,佢地仲起得非常仔細潻!! 中央市場好有特色。真係好多當地人去買野! 柬埔寨人都食好多香港唔會人人食嘅嘢……例如蜘蛛,仲有烏龜囉!! 真係嚇死我!!  柬埔寨都係亞熱帶地方,周圍都買到椰青,仲要好好飲潻! 不過大家真係唔好以為一個人可以飲得到一個,真係好大個架!! 又重!! 賣芒果的都好利害,可以切到一片片咁,但係又唔斷開!! 成朵花一樣,真係好心機! 另外,大家去就一定要食佢地啲龍眼。你地睇睇下面張相就知,粒粒都好大粒!! 仲以為一定唔好食啦! 點知原來勁甜,好好食!! 真係不能錯過!!   吳哥窟係今次旅程嘅主角。 吳哥窟範圍真係好大,如果自由行就一定唔好諗住一日可以行得哂! 要慢慢欣賞!! 我地由南大門進入,好宏偉! 全部由巨石建成….真係目不暇給! 當然仲有響「向世界出發」睇到嘅巨型樹根啦!! 鍾意影相嘅人入到去真係會好忙!! 好想將所有野都拍下來! 之後我地又要上番車,途經女皇廟,就下車影相。 女皇廟特色就係佢係用啲紅紅的砂石而起建成,又有另一番味道! 跟住又要上番車。向吳哥窟古城出發!! 一落車就見到呢棵葡萄樹!! 生得好大,好靚,忍不住要影低佢! 不過就好快就比吳哥窟古城吸引咗。真係好大,好宏偉!!   咩角度睇都好正呢!! 入到去古城內,好唔明以前啲人點可以起到咁宏偉嘅建築! 再加埋當時嘅藍天,真係靚到好似畫一樣!! 個古城仲起得好高!! 上面張相可能都唔太清楚! 大家再睇睇下面呢張相…. 真係斜到不得了!! 我怕高!! 行到腳都軟埋!! 不過無上過去都感受唔到佢嘅宏偉,所以大家都要上去望一望呀! 離開吳哥窟古城後,我地就去咗「洞里薩湖」,佢係全亞洲最大嘅湖。大到係見唔到對面嘅湖邊。 唔講都可能以為自己在海上…. 當地居民仲係以捕魚為生!!…

Continue reading

爽膚水嘅重要性

一支好嘅爽膚水係一道打開皮膚去吸收養份嘅門,所以非常重要。 佢唔只可以清除平時我地洗面洗唔走嘅死皮,佢仲係洗完面後,皮膚保濕嘅第一步!! 一定要塗爽膚水嗎? 咁就要睇吓大家想要咩效果。有皮膚科醫生就話,如果用爽膚水係想收毛孔,就可以用凍水代替,令毛孔縮細。 但係依家啲爽膚水仲可以保濕、美白、緊膚、控油,有啲仲可以防皺。 想有以上功效嘅姊妹們,睇怕都不能懶了!! 我建議大家用化妝棉塗爽膚水,因為可以順便抹去殘留響皮膚上的潔面品或潔面時還未徹底洗掉的灰塵和汙垢。仲可以防止雙手不夠潔淨而將汙垢塗番上皮膚。所以還是用化妝棉比較衛生。 選購爽膚水時最好唔好買有酒精成份的,以免引起敏感啊!! 最近我又用過兩支好嘅爽膚水想同大家分享一下!! BIO-ESSENCE TANAKA WHITE CLARIFYING SOFTENER 呢支真係美白了,我用咗一個星期就見啲皮膚白咗。(當時仲要係夏天) 夏天曬得多,我塊面就好易因缺水而暗啞,用咗佢一個星期左右,終於有番啲生氣。即係佢嘅保濕功能都不錯啦!! 我出年夏天都一定會再買番佢黎用。 彩豐行 – C.L A1863 Marine Collagen Skin Refiner海洋骨膠原緊膚液 最近天氣好乾燥。有一日同朋友去彩豐行,又想試新嘢! 今次就選了試爽膚水!仲做埋實驗先買! 我在彩豐行左手同右手嘅手背分別塗上<C. L. 白米蛋白透明質酸原液水>,另一面塗上<C.L. 海洋骨膠原緊膚液>。然後行了一圈,再感覺一吓那一面手背比較柔軟。就係咁!我就決定要買<C.L. 海洋骨膠原緊膚液>回家了!! [大家都要記得用呢個方法試完護膚品先買!如果隔一段時間後,都覺得有效先至係好野!!] 海洋骨膠原緊膚液嘅主要成份: 海洋骨膠原、螺旋藻精華、海草精華、黑角藻精華、維他命原B5、透明質酸、薄荷葉精華。 哇!!咁多藻精華,加埋透明質酸,即係大部份都係保濕成份,再加上海洋骨膠原,唔怪得用完隻手背可以咁柔軟啦!!值得一讚!! 我用咗兩個星期啦!好適合香港依家咁乾燥嘅天氣! 皮膚乾燥就會失去光澤。大家都去彩豐行買番支試吓啦!!

Continue reading

冬天皮膚敏感嘅救星!!

唔知大家有無轉天氣就皮膚敏感呢?? 我近年就開始有呢個問題,特別係秋至冬季,最敏感!! 有時嚴重到成塊面都有脫皮現象,塗什麼cream,敷幾多mask都無用!! 好痛苦!!   呢啲時候我就會早晚一洗完面,就咩都唔攪,直接塗俄羅納英藥用雪花膏!! <俄羅納英藥用雪花膏> 佢真係好得架!! 更嚴重都只係幾日,咩事都無哂!!   大家仲可以去萬寧買支最細既size,細細支,帶出街急救好方便!! [藥房好多都無細size, 我行過好幾間都無,大家信我的就直接去萬寧買吧!) 我已經用咗幾年,效果非常好!! 唔洗下下去搵皮膚科醫生咁貴啦!! 如果你地都有敏感嘅話,都快啲試吓啦!!  大家仲要注意!! 俄羅納英藥用雪花膏仲可以醫治到暗瘡架!! 仲可以去暗瘡印潻!! 不過我就唔係親身體驗,因為我唔係時時都生暗瘡,不過我響香港討論區發現都有啲人讚!! 大家有時間都去睇睇啦!!    http://www28.discuss.com.hk/viewthread.php?tid=9327329

Continue reading