浮羅交怡之旅

一般香港人一諗起去陽光與海灘嘅地方就會諗起泰國,我今次有另一推介。 幾年前去過浮羅交怡,好難忘! 旅客不及泰國多。雖然地方也不大,但都比我一種好舒服嘅感覺! 我同個 friend 當時選擇跟團去,有人安排好哂。唔洗煩!! 啲沙灘啲沙雖然唔係好幼,但係一樣好靚。 (我當時仲係好瘦架,可以見得下人,比張相你地睇下啦!! 哈哈….!  ) 不過跟團有跟團好,可以有啲平時自己去一定唔會安排嘅節目。第一係睇鷹!! 我地雖然離遠睇,但係都有啲恐怖! 啲鷹都幾大隻,數量又多! 第二就係釣魚啦! 因為覺得比較浪費時間,不過有得玩就梗係照玩啦! 最後我地仲帶埋啲收穫上岸做晚餐潻! 你地睇下條魚幾靚! 熱帶地方果然唔同啲,啲魚嘅顏色都靚啲!! 食落啲味仲好新鮮潻!!  諗起都想食! 講到全個行程最難忘嘅,就一定係去個大浮台上面餵魚啦! 啲魚多到不得了。問你驚唔驚?? 個導遊教我地用個水樽入啲麵包入去,響水入面先一啲一啲咁放出來。咁就可以引到好多魚過來。我同我個 friend 玩餵魚都玩咗勁耐囉! 我個 friend 仲玩到唔願停!! 啲魚好好笑架!! 我對脚比較白,時時比啲魚當咗係麵包,係咁走來咬。不過比佢地咬都唔痛嘅,只覺得好痕!! 笑鬼死!! 個浮台都好大吓,以上張相只是其中一角咋。浮台兩邊仲有坐位,可以比你坐住咁餵魚。所以連啲唔識游水嘅人都可以玩啦!! 好細心!! 浮羅交怡啲海水好清架,玩浮潛已經可以睇到好多靚魚。 你地睇張相有咁多人浮潛就知啦!! 另外響個浮台上面,仲有教練教潛水。佢地會安排啲參加者去深水地方潛水,睇啲更大嘅魚! 不過當然係要另外收費啦!! 我當時同個 friend 掛住餵魚,玩哂啲時間! 我仲好記得導遊講過去浮羅交怡最好嘅時候係二月! 啲水最清同最靚。有意去嘅朋友就要注意啦!!! 唔跟團嘅朋友都可以去呢個大浮台玩架。好似可以自己租船接駁去玩架!! (可惜我唔記得咗個大浮台嘅名啦!! 唔知依家啲團仲去唔去呢??) 題外話!! 我仲係浮羅交怡見到一間好靚嘅 KFC想同大家分享下,大家覺得靚嗎?

Continue reading

頭髮也要保養

由好耐之前開始,我唔係拉直啲頭髮,就keep住電髮!! 其實我都知我啲頭髮早就死哂,不過我都無放棄佢地架,仲會周不時比啲營養佢地! 不過我就懶,好少同我啲頭髮敷mask。(係…..我認!! 對住我啲頭髮!! 我真係無對我塊一樣做咁多保養!! ) 但係我次次洗完頭,吹髮前都會塗些 hair essence! 呢支我係元朗一間賣頭髮用品批發嘅地方買嘅hair essence。佢嘅成份有海藻,可以修補受損秀髮。佢仲好保濕! 果然係一皇牌推介!(係呀! 你無睇錯!  頭髮都要保濕。問你死未?? 哈哈……)  另一推介係我響同一間頭髮用品批發店買嘅護髮素,佢適用於受損秀髮! 用佢洗完頭,啲頭髮好順同好滑!好正!! 特別拉完負離子之後,用完佢啲頭髮又滑又直!! 大家見到凡我真人或者睇到我啲相就知啦!! 其實呢個護髮素仲有同系列嘅洗頭水,不過我就覺得好一般!! 用 Tresemme嘅洗頭水仲好過佢。所以我都唔多講啦!!

Continue reading

肥也不能鬆!!

做女人一啲都唔易架,又要保持個靚樣,又要keep住個身材!! 其實我都無資格講啲咩,因為自從我有甲狀腺分泌失調之後,我嘅體重已經不響我控制範圍之內啦….. 試過勁做運動都係瘦唔到! 我唯有豁出去! Keep 住健康就算啦!! 但係我都唔係咩都唔做,如果唔係我啲肉可能已經鬆哂! 唉吔….真係諗起都恐怖!! 所以我都會塗番啲 firming gel/cream。以下係我用過嘅產品! 呢支 SK-II 嘅 Body Designer 係我用我啲會員分數換番來嘅!! 一出嗰時,個廣告講到好正! 又話可以擁有 S shape 身型!! 但係我用咗成支,都唔覺 firm 咗好多。S-Shape 身形?? 就更加唔洗講啦! :-O 不過佢都幾香,當 body lotion 咁用都唔錯!! 不過冬天就可能唔夠潤啦!! 呢支 CHANEL 嘅 Body Excellence 除咗有收緊作用,仲可以去橙皮脂肪架。 長期用我覺得真係work 喎。好似真係小咗啲橙皮脂肪! 唔知係咪我塗完仲會用個按摩器滖吓啲肉,幫助皮膚吸收有關!! 不過佢都有嘢唔好!! 次次用完,隻手都黏黏的,要洗手! 仲有如果冬天用又唔夠潤,留番夏天用會比較好!! 另外,我N年前用過SHISHEDO 嘅 Body Creator,當時覺得佢個意念好正! 只要輕輕鬆鬆吸住佢嘅香氛,就可以擊退橙皮紋。有無咁易呀??  就係因為呢個心態,就買咗番去試! 其實佢個味道真係幾好聞! 塗完仲有點啲暖暖地嘅感覺。不過當年仲有嘢吸引我,就係我買嗰時仲送咗一個手握式滾輪按摩器。 講到功效就梗係無乜啦! 如果唔係我一定會繼續用啦! 不過佢個按摩器就好耐用,玩咗幾年到依家我都仲玩緊。 咁係咪即係賺咗啦!!  (以上僅屬個人意見!! 唔同人用唔排除有唔同效果!!)

Continue reading

Olay – Total Effect

好多人都知 Olay Total Effect 好好用。但係一般係市面上可以買到嘅,我用過覺得太creamy。我仲誇到用咗一次就即刻生暗瘡! 攪到我即刻成支比咗我呀媽用!  直到之前去沙巴旅行,係當地嘅萬寧見到呢支Olay Total Effect – daily moisturiser,覺得無咁creamy就即刻買黎試! 一試…哇!! 佢稀好多,正好多! 最適合香港夏天用! 用咗佢最明顯係啲毛孔收細咗!又好清爽,好快吸收哂! 正到暈!! 仲以為要等下次旅行先可以再買到…..點知早前係卓悅見到,加埋支洗面膏都係百幾元,即買!!  下次再見到,一定要call齊啲姊妹去買黎試試!! 真係手快有,手慢無架!! 我上次想再幫我表妹買……點知番轉頭已經賣哂!!!

Continue reading

意料之外…..雙妹嚜!?

有日無聊同我 honey 上山頂,經過Two Girls (雙妹嚜)專門店。基於好奇,走入去行下。 不入由自可,一入先知原來佢地除咗爽身粉外,仲有一系列嘅護膚品架。而且仲有保濕同Anti-age兩條line潻。 價錢同一般counter買嘅護膚品平少許。所以我只係八卦望一望,就走咗去睇其他懷舊商品。 最後睇中佢本相薄仔,咪走去比錢囉! 就係咁….比我見到有promote,買任何物品加$60換購爽膚水一瓶。哇…由原價$1xx 減到$60喎 (人大咗真係無記性,真係唔記得佢原價幾錢)!  見到低嘢就梗係唔比錢住,再去睇下啲爽膚水啦!! (唉…..女人就係咁! 如果唔係都唔會一屋都係嘢啦!! ) 一路以為雙妹嚜個名咁國產,一定係國貨啦! 點知一睇先知佢地啲護膚品係 Made in Switzerland架!! 見到平嘢,我又點會忍到手呀! 我嘅皮膚屬混合性偏乾,即刻買支保濕爽膚水黎試!! (唔想認老,所以無買anti-age 嗰支!! 哈哈!!) 一用之下,發現 原來佢真係好保濕,個瓶又靚呢! 我仲好鍾意佢個設計。打開個蓋,按幾下就可整濕張化妝棉啦! 好就手! 值得一試!下次見佢有 promote,我都一定會再買黎用!!

Continue reading

頭髮都要保養?!

由好耐之前開始,我唔係拉直啲頭髮,就keep住電髮!! 其實我都知我啲頭髮早就死哂,不過我都無放棄佢地架,仲會周不時比啲營養佢地! 不過我就懶,好少同我啲頭髮敷mask。(係…..我認!! 對住我啲頭髮!! 我真係無對我塊一樣做咁多保養!!  ) 但係我次次洗完頭,吹髮前都會塗些 hair essence!   呢支我係元朗一間賣頭髮用品批發嘅地方買嘅hair essence。佢嘅成份有海藻,可以修補受損秀髮。佢仲好保濕! 果然係一皇牌推介!(係呀! 你無睇錯!  頭髮都要保濕。問你死未?? 哈哈……) 另一推介係我響同一間頭髮用品批發店買嘅護髮素,佢適用於受損秀髮! 用佢洗完頭,啲頭髮好順同好滑!好正!! 特別拉完負離子之後,用完佢啲頭髮又滑又直!! 大家見到我真人或者睇到我啲相就知啦!! 其實呢個護髮素仲有同系列嘅洗頭水,不過我就覺得好一般!! 用 Tresemme嘅洗頭水仲好過佢。所以我都唔多講啦!!

Continue reading

愛美不只係女人的嘅專利

依家咩年代呀! 除咗女仔貪靚,原來連男仔都好貪靚架!! 依家啲化妝護膚品都出埋男士用嘅嘢! 最攪嘢係依家啲化妝 counter 都請埋男 sales 潻!! 仲有呀,連啲纖體美容公司都打埋男士主意。真係不得了!! 但係我時時出街都見到啲唔識著衫,唔識打扮嘅女人響街到行!! 都唔知佢地真係唔識定真係覺得自己麗質天生呢?? 「世上無唔靚嘅女人,只有懶嘅女人」係啱架! 我都唔係咩美女啦! 但係打扮下,都可以見得下人架!!  

Continue reading