Sleeping Mask

塊面乾,又無時間做mask嘅時候,就係sleeping mask出動嘅時候啦!!  我以前用開 LANEIGE 嘅 water sleeping pack 架!! 我仲已經用咗兩瓶架啦!! 不過我都係貪新鮮,想試新嘢囉!!  之前行彩豐行見到原來佢地都有sleeping mask。因為好奇,就買番黎用吓!! <彩豐行 Beautiella 玫瑰香薰睡眠面膜> 佢嘅主要成份: 維他命原B5 – 可以滲入肌膚底層﹐為細胞補充水份﹐幫助維持肌膚的自然水份平衡。佢仲布收覆細胞嘅功效。 保加利亞玫瑰香薰 – 能幫助釋放情緒、舒緩神經緊張和壓力、令人精神放鬆、更有助舒緩疲勞。 銀杏葉精華 – 是一種抗氧化劑,免受自由基破壞。 透明質酸 – 又稱玻尿酸。有極高嘅補濕能力,仲不含油份。 用法: 晚上完成護膚程序後,均勻地塗一層玫瑰香薰睡眠面膜於面部及頸部,到早上以潔面用品清洗。 (大家記得注意用量,不要一次過塗太多。最好係塗完一會,吸收哂,不再黏黏的就可以啦!!) 個人用後感 : 雖然我有鼻敏感,不過聞到啲香味都無打噴嚏!! 啲香味都有舒暢嘅感覺。 第二朝洗完面仲有好水潤嘅感覺。 不錯不錯!! 如果無時間做mask嘅人就一於買黎試吓啦!! 

Continue reading

天氣乾燥,努力保濕!!

繼上次介紹完彩豐行嘅JimmBenny 海藻抗菌淨化面膜之後。 今次有佢嘅姊妹產品想介紹比大家。 <彩豐行JimmBenny 水療急救解渴面膜> 呢支mask都係只需敷5 – 10分鐘就可以啦!! 所以我都係響沖涼嘅時候用!! 呢支面膜嘅主要成份: 海洋骨膠原 – 迅速滲入皮膚底層,集中阻止並緩和皮膚彈力組織的惡化及減少皺紋加深的現象。 藻類衍生物 – 增加皮膚的水份與免疫功能,恢復受損組織正常循環。 彩豐行網頁嘅功效: *含豐富的藻類衍生物和海洋骨膠原成份 *能直接將成份輸入深屠皮膚,補充骨膠原活化肌膚細胞 *促進新陳代謝與再生能力,增加皮膚的水份與免疫功能 *促進真皮層微血管形成,恢復受損組織正常循環。 用法: 將厚層面膜均勻地塗於潔淨之面部,待10分鐘後,用水清洗即可。 個人用後感 : 我覺得佢性質好溫和。 保濕能力好好,方便易用!! 用咗佢之後啲皮膚仲無咁暗啞,因為底層保濕番!! 又平!! ($26一支)可以厚厚咁敷!! 我一星期用兩至三日,效果不錯!! 你地都試試啦!! 

Continue reading

蜂皇柔和潔面啫喱

我啲洗面真係用得最快嘅! 今次又有新嘢試咗,想分享吓比大家!! 繼上次介紹的無泡洗面,今次想介紹比大家嘅都係彩豐行另一無咩泡嘅洗面啫喱。 <蜂皇柔和潔面啫喱> 主要成份: 蜂皇乳精 – 幫助肌膚癒合修復及提升。 維他命E – 具有抗氧化、促進血液循環的效果,佢仲有軟化皮膚的角質層嘅功效。 橄欖葉精 – 係一種抗氧化劑。比維他命C嘅抗氧化功效高出4倍架!! 勁!! 洋甘菊精 – 有效改善皮膚過敏嘅症狀。有鎮静,强化肌膚抵抗力及免疫力的嘅作用。 銀杏葉精華 – 幫助肌膚抗氧化,能修護肌膚,改善黯沉現象。 用法: 加適量於掌心,加水搓揉出泡沫,塗於面部及頸部按摩,以清水沖洗即可。 功效: 添加上橄欖葉及銀杏葉精華,潔面爽膚同時加強抗氧化效果、有助預防皺紋及鬆馳等現象,賦予肌膚透明度和彈性。 個人用後感: 一聽個名有蜂皇,就知佢潤啦!! 我覺得佢超適合冬天咁乾燥嘅天氣用。 用完之後一啲都唔乾不特止,仲要好滑!! 用落,佢仲幾香,值得一讚!! 不過,唯一係個泵口好細囉…… 次次都要按至少5下先夠!! 唔係好方便。 但係佢嘅質數都真係唔錯架,大家都快啲去買支試試啦!!

Continue reading

天氣雖凍,但都要去角質!!

最後香港天氣好凍,特別我住新界,好多時都低過十度。 仲要勁乾燥。你地有無覺得塗完你的日常護膚品仲好乾?? 你地模吓你地個鼻頭,有無啲一粒粒咁?? 如果你地都有以上徵狀,好大可能係係地角質層太厚,啲死皮太多。 所以塗咩都吸收唔到。 今日我想話比大家知,我係點去我啲角質層呢!! 我會用啲好似擦子膠嘅洗面產品。依家間唔中有用嘅係呢支。 應該係台灣嘅出品,佢同我以前用過嘅擦子膠嘅洗面產品不同。 佢都係乾手乾面塗上,然後按摩,直到啲GEL結成一舊舊,然後用清水洗乾淨就可以了。 不過佢不同在於,佢洗一段時間都係水汪汪的。但係都唔好等到乾哂先洗面喎!! 如果唔係就會令到啲皮膚太乾啦!! 除此之外,最近我有新發現,仲好方便地就可以去角質!! <彩豐行JimmBenny 海藻抗菌淨化面膜>   點解我話佢方便用係因為佢只需敷5-10分鐘就可以洗面。 我會響去沖涼,一除完衫就厚厚地塗上它,跟住就去沖涼。 沖完涼順便洗埋面就完成啦!!  你地話係咪方便先。 不過方便歸方便,最緊要係有效!! 用完個鼻頭啲粒粒就平哂,即係有效啦!! 呢支面膜嘅主要成份: 尤加利 – 具止痛消炎功效,幫助平衡皮脂分泌,並兼具滋養肌膚之效。 海藻 – 最大的效果就是補水,乾性皮膚最適合不過了。補水之餘,仲控埋油,可以達到水油平衡。 尿囊 – 有效改善過度出油的問題同時安撫紓緩肌膚。 薄荷 – 平衡皮膚油脂,為皮膚補充水份,仲有收缩粗大毛孔嘅功效。 高嶺土 – 有去角質嘅功效。 功效: *深層潔淨面上油脂 *清潔消炎毛孔及線孔,防止感染 *舒緩鎮靜紅腫,加速細胞新陳代謝 *使暗瘡癒後不留疤痕。 用後感: 敷嘅時候冰冰涼涼的,可能係有薄荷有關。 不過用後塊面真係無咁油。日頭化妝都無咁容易溶。 用完鼻頭啲粒粒無哂, 真係work!! 仲有呀,佢又平,只係$26一支,厚厚敷都唔洗肉赤啦!!

Continue reading

無泡洗面新感受!!

有睇我之前嘅BLOG嘅人都知,我一向認為有泡嘅洗面先洗得塊面乾淨!! 不過今次我要推介比大家嘅….竟然係一支無泡嘅洗面!! 仲要係平、靚、正之選!! 呢支彩豐行買嘅JimmBenny溫泉保濕排毒潔面啫喱,佢好得意架!! 成支洗面啫喱都有好多粉紅色同透明嘅真空波波,洗面時就會爆開!! 洗完面仲一啲都唔乾,。好保濕,又滑!! <JimmBenny A735 溫泉保濕排毒潔面啫喱>  佢嘅主要成份係: 丙二醇 (Propylene Glycol) – 一種透明、無色、具黏性及吸濕性的直鏈脂肪醇液體,像平常使用的藥膏、面膜、化妝水、洗面乳、精華液、卸妝品、保濕乳液及植物萃取液等。佢有助於我地嘅皮膚吸收水份。 甘油 (Glycerin) – 使皮膚得到滋潤,保持水潤。 尿囊素 (Allantoin) – 有效改善過度出油的問題同時安撫紓緩肌膚。 我初初用都唔覺好用!! 之後轉用其他先覺得呢支洗面好!!  之前我朋友有暗瘡問題,我都有介紹佢用。佢用咗之後都有改善!! 所以佢都仲有繼續用落去!!  彩豐行官方網頁有講佢主要功效可以抵抗臭氧及重金屬,消除城市煙塵催生的毒素,促進微循環幫助皮膚剔除雜質。而每一粒真空波波都包含著銀杏精華,能釋放充足滋潤成份,令皮膚保持柔軟、彈性。 仲有好多用過嘅人都有番去彩豐行網頁留言。有時間,大家都可以去以下嘅LINK睇睇!! http://www.choi-fung.com/chinese/online/goods.php?pid=A735

Continue reading

秋風起,又要狂保濕啦!!

一到秋、冬季,天氣就變得非常乾燥! 特別係眼嘅部份。最薄同最脆弱!! 所以要多注重眼部嘅保濕! 要提早預防眼紋及魚尾紋嘅出現!!   最近就發現咗隻好用嘅 eye mask,一定要介紹比大家!! 呢盒ES 720 eye mask 好正,一盒有60片 (即係30對啦!) 佢嘅設計好貼眼,好保濕! 佢係有修復乾紋及黑色素嘅功效! 去唔去到黑眼圈我就不大肯定! 因為我個黑眼圈都依然還在!! 但係條眼紋就真係淡咗! 好勁!!  [不過我認,最初用佢我有連續幾日好勤力地敷架!!真係有回報!] 大家想試用嘅朋友,可以去「靚靚日本化妝品專門店」睇吓! 佢原價要$360架!! 上次我去就遇著佢特價,唔洗$300。所以就忍唔住要試啦!! 眼部比較乾嘅姊妹都一定要試試啊!!   我仲有另一樣介紹呀! 唔知大家有無同我一樣,有時敷 paper mask 時,隻眼就好乾呢?? 先前行彩豐行時就見到支cream狀嘅eye mask,就買支細嘅用吓啦!! 呢支Seaweed Eye Mask 海藻眼膜好方便,只需敷5分鐘就好。 主要成份係海藻精華,甘油,維他命E和尿囊素。 不過我一般都係敷面膜時,同時用佢敷埋眼。 佢係令我對眼無咁乾,但係去紋嘅效果就真係唔係好明顯。 有無改善黑眼圈都唔係好覺!! 只可以講佢真係好潤囉!! 不過我都會繼續用佢,直至我找到其他更好嘅 gel/cream eye mask 可以代替佢為止! 大家有好介紹記得講我知啊!! 

Continue reading

收毛孔激素

今次有件產品我用咗一段時間,好想同大家分享吓我嘅用後感啦!! <彩豐行JOSERISTINE收毛孔激素> 呢支彩豐行買既收毛孔激素,我都係第一次試!! 佢價錢只不過係$58,有30ml,所以都係好經濟!! 佢係水狀,好易同好快吸收!! 呢支收毛孔激素嘅主要成份: 左旋乳 尿囊 (Allantoin) – 有舒缓肌肤、促進细胞修護,軟化角蛋白。 金縷梅精華(Witch Hazel Extract) – 能够迅速滲入皮膚,由内而外全面調節肌膚,平衡皮膚PH值及油脂分泌,净化毛孔,修復受損的肌膚,有效調節舒張嘅毛孔。 唔覺唔覺已經用咗3/4支啦!!我都有日日用,除咗覺得佢好快吸引外,我就唔係好覺佢有收毛孔嘅功效! 響彩豐行個網頁就有其他人話佢好有效!! 大家都可以 click 以下條 link 去睇睇! http://www.choi-fung.com/chinese/online/goods.php?pid=A263 不過響我搵資料期間,就見到如果你係油性肌膚,就會見效啲。 因為金縷梅精華最有效補充水份,平衡油脂分泌,有效收細毛孔。 所以如果你地係油性皮膚就更加要試試啦!!

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE ,不過都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

白米妍白潔面泡沫

<C. L. 白米妍白潔面泡沫> 呢支係彩豐行買嘅潔面泡,真係比我想像中好用喎!! 以前用過 IPSA 嘅 CLEANSING SENSITIVE MOUSSE 都唔覺得呢啲自動起泡嘅洗面好用。 用完支IPSA 嘅潔面泡洗完面好滑,但係就有啲乾!! 所以用完都無諗過再用第二支。 不過呢支「白米妍白潔面泡沫」就好啲,好滑之餘又唔會太乾。 佢啲泡沫都好認真,好細緻架。 佢嘅主要成份有: 白米蛋白精華 – 白米用於好多護膚品。佢可以去除肌膚老舊角質, 改善肌膚質數,收細毛孔。令肌膚回復光滑亮澤。有美白功效。 紅莓精華 – 有抑菌、殺菌,提防發炎嘅功效。 米糠發酵液 – 有抗氧化,增強皮膚免疫力嘅功效。 甘草精華 – 含甘草酸成分,具抗發炎、抗過敏及增加肌膚免疫力,對肌膚暗沈有醒膚作用。 用後感: 泡沫豐富,但係如果再濃密啲就更加好。 只有少少香味[我好怕用啲好香嘅嘢! 容易引致敏感] 洗完面後,啲皮膚好滑同好柔軟。潔淨能力都OK。 我差不多用完一支,白咗小小。[不過都可能係我最近少曬太陽所致!!] 彩豐行啲產品真係平靚正!! 少少錢就可以買到多多產品!! 有啲仲要出奇地好用!! 下次有好嘢再同大家分享啦!!

Continue reading

毛孔保養

我嘅皮膚屬於中性偏油。再加上我細個嗰時曬到啲毛孔好大。 所以我都有想盡辦法,令啲毛孔可以細番啲。最緊要唔好比啲皮膚出太多油。咁就可以令啲毛孔無咁覺眼!! 除咗敷mask,我會用啲有BHA [即係水楊酸(Salicylic acid)]成份嘅產品。BHA有去角質、清理毛孔嘅能力。佢仲要比果酸溫和。無咁容易引起敏感。 我用得最耐嘅就係呢個SKII – BHA 再生素。佢雖然唔平。要成$5XX,但係一瓶可以就用好耐,仲好有效。佢只係夜晚用,同埋只係用係毛孔大嘅位置 (用量少)。 所以我都覺得值!! <SKII BHA 再生素 Skin Refining Treatment> 塗咗佢瞓醒第二朝塊面好油,因為佢會溶咗啲黑頭。 仲要留意注意剛剛用嘅時侯,因為有好多黑頭溶出黎,所以會多啲暗瘡。但係好快就會好轉!! 但係如果擔心,就最好買tester試咗先。 但係如果覺得貴,又或者你嘅皮膚好敏感,都可以試試以下彩豐行嘅產品 。 <Ki 甘草酸粉刺淨化保濕啫喱> 呢個都有BHA,但就無SKII濃度咁高,用完塊面唔會出咁多油。佢仲多咗甘草酸 (Glycyrrhizinic Acid),有抗過敏、抗發炎嘅功效。佢仲有少少薄荷成份,有鎮靜作用,好適合有暗瘡嘅人用。 仲要只需$3X。好低試!! 只要早晚用,黑頭粉刺好快改善。 以下有我兩個朋友嘅試後感…… 一位女性朋友因為減肥,多咗痘痘。我介紹佢用之後,痘痘有所改善!! 我個 friend 仲要買第二支打算繼續用。 一個男性朋友長期都想清咗鼻頭嘅黑頭粉刺。我介紹比佢之後,用咗幾日就打電話多謝我嘅介紹。佢話用咗幾日就少咗黑頭,最好係啲黑頭依家好易就推得出黎。 真係開心可以幫到朋友!! 我最鍾意介紹好嘢比人!!  最後我仲想講多個秘密比大家知!! 其實我以前有一段時間啲皮膚勁油,滿面暗瘡架。依家無事都係用咗SKII 嘅 BHA再生素 同以下嘅 淨脂明肌精華攪番好。 <SKII 淨脂明肌精華> 兩支雙管齊下好得!! 我以前唔知皮膚油係因為皮膚缺水,呢支淨脂明肌精華有Pitera及海藻精華,可以調節油脂分泌。不過呢支淨脂明肌精華都要$4XX,但係未用完一支,我嘅皮膚嘅水油平衡已經明顯改善。我都唔需要再買第二支黎用。皮膚好番哂,值!! 

Continue reading