毛孔保養

我嘅皮膚屬於中性偏油。再加上我細個嗰時曬到啲毛孔好大。 所以我都有想盡辦法,令啲毛孔可以細番啲。最緊要唔好比啲皮膚出太多油。咁就可以令啲毛孔無咁覺眼!! 除咗敷mask,我會用啲有BHA [即係水楊酸(Salicylic acid)]成份嘅產品。BHA有去角質、清理毛孔嘅能力。佢仲要比果酸溫和。無咁容易引起敏感。 我用得最耐嘅就係呢個SKII – BHA 再生素。佢雖然唔平。要成$5XX,但係一瓶可以就用好耐,仲好有效。佢只係夜晚用,同埋只係用係毛孔大嘅位置 (用量少)。 所以我都覺得值!! <SKII BHA 再生素 Skin Refining Treatment> 塗咗佢瞓醒第二朝塊面好油,因為佢會溶咗啲黑頭。 仲要留意注意剛剛用嘅時侯,因為有好多黑頭溶出黎,所以會多啲暗瘡。但係好快就會好轉!! 但係如果擔心,就最好買tester試咗先。 但係如果覺得貴,又或者你嘅皮膚好敏感,都可以試試以下彩豐行嘅產品 。 <Ki 甘草酸粉刺淨化保濕啫喱> 呢個都有BHA,但就無SKII濃度咁高,用完塊面唔會出咁多油。佢仲多咗甘草酸 (Glycyrrhizinic Acid),有抗過敏、抗發炎嘅功效。佢仲有少少薄荷成份,有鎮靜作用,好適合有暗瘡嘅人用。 仲要只需$3X。好低試!! 只要早晚用,黑頭粉刺好快改善。 以下有我兩個朋友嘅試後感…… 一位女性朋友因為減肥,多咗痘痘。我介紹佢用之後,痘痘有所改善!! 我個 friend 仲要買第二支打算繼續用。 一個男性朋友長期都想清咗鼻頭嘅黑頭粉刺。我介紹比佢之後,用咗幾日就打電話多謝我嘅介紹。佢話用咗幾日就少咗黑頭,最好係啲黑頭依家好易就推得出黎。 真係開心可以幫到朋友!! 我最鍾意介紹好嘢比人!!  最後我仲想講多個秘密比大家知!! 其實我以前有一段時間啲皮膚勁油,滿面暗瘡架。依家無事都係用咗SKII 嘅 BHA再生素 同以下嘅 淨脂明肌精華攪番好。 <SKII 淨脂明肌精華> 兩支雙管齊下好得!! 我以前唔知皮膚油係因為皮膚缺水,呢支淨脂明肌精華有Pitera及海藻精華,可以調節油脂分泌。不過呢支淨脂明肌精華都要$4XX,但係未用完一支,我嘅皮膚嘅水油平衡已經明顯改善。我都唔需要再買第二支黎用。皮膚好番哂,值!! 

Continue reading

甲狀腺嘅意外收穫

識得我耐嘅朋友都知我以前有戴眼鏡!! 其實我只有好淺近視…..百幾度+散光!! 不過曾經試過耳水不平衡,怕頭暈。所以都有戴眼鏡,之後又戴過隱形眼鏡。所以好多朋友都以為我都仲有戴CON。 但係響幾年前因為貪玩想佩 color con……點知一驗眼先知我得番廿幾度近視!! 你無睇錯……….真係廿幾度!! 當然係佩唔到啦!! 我估係因為甲狀腺攪到我眼球變形,所以近視都無埋!! YEAH!! 就係咁!! 我就結束咗我嘅戴眼鏡日子啦!!

Continue reading

甲狀腺分泌失調 IV

到咗08 – 09 年初,我嘅甲狀腺終於都受控啦!! 但係改變唔到嘅係我仲係時肥時瘦!! 08 年十月都仲係好脹!! 08年年低又瘦番少少!! 09年年初又肥番哂!!! 真係無辦法!! 直到09年年中過後先好好多!! 最好係我塊面尖番啲,仲有連對眼都開始無咁突!! 09年8 月,我塊面都尖番啲!! 最近嘅我唔算瘦,但係都比之前好好多啦!! 係咪有進步呢!!

Continue reading

甲狀腺分泌失調 III

不過未接受放射治療前都唔係好肥!! 肥咗少少架咋!! (肥曬響個”籮”到!!) 醫生話我因為我條頸無脹大,唔需要做甲狀腺切除手術 (最好唔好啦!! 風險高!! 又要全身麻醉)!! 但係長時間食甲狀腺壓抑藥都唔好! 有類固醇,將來更易有骨質疏鬆症! 仲有我長時間甲亢,新陳代謝快,心臟長時間跳得快,好易心臟衰竭!! 所以,最後都係接受咗醫生嘅建議,做咗放射治療!! 其實過程好簡單。只係飲一啲有放射碘嘅水。(無色無味的。一啖都唔知有無!!) 原理係響飲嘅時候,啲放射碘經過頸部(即甲狀腺位置),就會破壞佢,令佢無咁活躍。要注意飲完頭一星期內唔可以同任何人有近距離接觸,特別係大肚婆!! 一段時間之內都唔好有BB,有咗醫生都會叫你唔好生!! 總之好似好誇張咁!! 我接受完個放射治療都唔知有無半年…..肥到死!! 之後覆診先知我個甲狀腺素勁低……. 吓!! 醫生!! 咁即係點呀?? 乜唔係去番正常水平咩??? (我真係一頭霧水!!) 我仲好記得個醫生仲好平淡咁話:「係咁架!! 就係要你過低!! 食補充藥好過食壓抑藥呀。」 咁即係要繼續食藥啦!!  唉…..唔飲都飲咗……無計!! 一心諗住做完個放射治療會一了百了,結果原來係另一個煩惱嘅開始!! 我個甲狀腺素勁低,要食藥。但係都係控制唔到!! 加藥再加藥!! 就係呢個時候,我對眼就開始突!!  好恐怖!! 比你地睇吓!! 時時都眼腫腫!! 所以我嗰段時間真係好少影相!! 不過到07-08年仲慘!! 加埋個吹波咁身型!! 不過因為啲藥未控制到,仲係時肥時瘦!! 以上係07年嘅我!! 究竟08年嘅我係點……又要待續啦………

Continue reading

甲狀腺分泌失調 II

2005 年左右- 因為肥番,所以就減肥啦!! 不過我同一時間睇中醫、西醫同營養師!! 大前題係唔可以影響我個甲狀腺!! 不過可惜,減完唔係好耐,我個甲狀腺真係番發!! 就瘦到好似下面啲相咁!! 攝於關島 攝於關島嘅「天涯海角」 除咗個樣殘咗啲都ok啦!! 不過就因為呢件事,我就唔敢再食藥減肥啦!! 今次復發我又番去睇政府醫生,佢今次仲轉咗我去睇甲狀腺專科潻! 所謂嘅專科醫生就經常叫我做放射治療!! 但係我都無理,一直食藥!! 我仲係自己醫自己咁……因為我食咗啲甲狀腺藥好耐!! 都知可以加可以減,慢慢減到最後可以試停藥!! 如果甲狀腺分泌無食藥都可以去番正常就叫做好番!! 所以食咗大半年藥之後,我問醫生可唔可以減藥!! 醫生反問我:「你想減藥呀?? 好呀! 試吓啦!!」就係咁,我自己醫自己!! 同埋好多人都唔知!! 政府甲狀腺專科全港只有聖母醫院同伊利沙伯醫院。 聖母醫院一星期只有一日係睇甲狀腺專科,啲醫生平日都有唔同工作。我因為一次唔記得攞醫生紙,要補番!! 個護士叫我上老人科搵番個醫生簽名。我先發現咋!! 我仲次次去見醫生都唔同醫生跟我個case。所以都唔係個個醫生都比我話事架!! 有啲都堅持叫我咁後生快啲做放射治療!! 我最後都有做!! 詳情下次再講!! (待續……)

Continue reading

甲狀腺分泌失調 I

我好多朋友都知我有呢個病,但係都未必知係咩?? 我由有呢個病到依家係長期病患者都經歷咗好耐 (真係有十年八年!!) 初時有呢個病嘅時候應該仲係我中學時期。不過當時嘅病徵只係瘦咗,無咩其他。所以都唔知自己有病!! 後來不經不覺又肥番……所以更加唔覺有問題!! 到大學時期有次暴瘦 (一個月瘦13 磅),而且久唔久仲個心狂跳 (係坐坐吓上堂,一分鐘心跳到120-140下!!) 個人好不安,唔知咩事!! 去睇醫生,佢只係安排我去醫院做心電圖。最後因為結果正常!! 醫生比咗啲血壓藥我,叫我有需要嘅時候食!! 再唔得,就去急症室再照心電圖!! 所以又係不了了之!! 直到下一次暴瘦 (又係一個月瘦十幾磅) ,個心又狂跳!! 心情好燥,時時發脾氣!! 最恐怖係我食超多嘢都唔肥!! (我當時食哂一碟飯,仲可以食埋我個朋友食剩嗰啲飯!! 仲要唔夠兩個鐘又開始好餓!!) 仲有手震得好利害,差唔多連字都寫唔到。 再一次去睇醫生啦。今次個家庭醫生一開始就問我有無抽血驗甲狀腺。就係咁,我終於知自己有甲狀腺分泌失調 (即係大頸泡)。仲要係分泌過多 (即甲亢)。 因為個醫生知我要食一段時間藥,就轉介我去政府醫院睇啦!! [個醫生都算有良心!!] 一般人食一年半藥(一個療程)之後就會好番!! 唔需要有其他跟進!! 我都響食完一年半之後就無回復正常!! 但係一開始食番藥就開始肥番….  (因為啲新陳代謝慢番,所以就肥番哂之前瘦嗰啲!!) 過咗唔夠一年正常之後又開始過……….(明天續!!)

Continue reading