上妝後先覺得眼部好乾,可以點?

千其唔好諗住要落曬成個妝再化過! 其實依家市面都有好多產品可以響化好妝之後用嘅! 不過我都好少用呢類嘢! 不過以下就有支 eye gel 想同大家分享吓。 唔知有無人留意到,響街上面啲人或者自己出咗街一段時間之後,眼下面塗得好好地嘅concealer會有裂紋呢??  其實一黎係我地對眼嘅活動所致,二黎好好可能係太乾都唔定!! 我就係時時都好dry,所以先有以下推介!! 呢支 Shishedo 嘅 eye soother 好保濕! 最方便係化咗妝之後都可以用!! (不過都要提提大家!! 為免糊妝,最好都係少量少量地塗上。 ) 有時我鼻翼位乾都用佢! 帶一支出街可以解決唔同地方乾嘅問題都唔錯啦! 但係如果大家想用埋佢做日常的 eye gel 就要睇下你嘅膚質啦! 可能後生啲就OK! 我年紀比較大!! 所以就覺得唔夠潤啦! (忽然又認老…..哈哈!!) 另外都要提一提佢去黑眼圈嘅功能。話哂佢係有講過有呢個功能嘅……但係講真,我就唔係好覺得佢有咩效啦! 不過功效嘅嘢就不係人人都一樣!!大家都不訪一試!!

Continue reading

肥也不能鬆!!

做女人一啲都唔易架,又要保持個靚樣,又要keep住個身材!! 其實我都無資格講啲咩,因為自從我有甲狀腺分泌失調之後,我嘅體重已經不響我控制範圍之內啦….. 試過勁做運動都係瘦唔到! 我唯有豁出去! Keep 住健康就算啦!! 但係我都唔係咩都唔做,如果唔係我啲肉可能已經鬆哂! 唉吔….真係諗起都恐怖!! 所以我都會塗番啲 firming gel/cream。以下係我用過嘅產品! 呢支 SK-II 嘅 Body Designer 係我用我啲會員分數換番來嘅!! 一出嗰時,個廣告講到好正! 又話可以擁有 S shape 身型!! 但係我用咗成支,都唔覺 firm 咗好多。S-Shape 身形?? 就更加唔洗講啦! :-O 不過佢都幾香,當 body lotion 咁用都唔錯!! 不過冬天就可能唔夠潤啦!! 呢支 CHANEL 嘅 Body Excellence 除咗有收緊作用,仲可以去橙皮脂肪架。 長期用我覺得真係work 喎。好似真係小咗啲橙皮脂肪! 唔知係咪我塗完仲會用個按摩器滖吓啲肉,幫助皮膚吸收有關!! 不過佢都有嘢唔好!! 次次用完,隻手都黏黏的,要洗手! 仲有如果冬天用又唔夠潤,留番夏天用會比較好!! 另外,我N年前用過SHISHEDO 嘅 Body Creator,當時覺得佢個意念好正! 只要輕輕鬆鬆吸住佢嘅香氛,就可以擊退橙皮紋。有無咁易呀??  就係因為呢個心態,就買咗番去試! 其實佢個味道真係幾好聞! 塗完仲有點啲暖暖地嘅感覺。不過當年仲有嘢吸引我,就係我買嗰時仲送咗一個手握式滾輪按摩器。 講到功效就梗係無乜啦! 如果唔係我一定會繼續用啦! 不過佢個按摩器就好耐用,玩咗幾年到依家我都仲玩緊。 咁係咪即係賺咗啦!!  (以上僅屬個人意見!! 唔同人用唔排除有唔同效果!!)

Continue reading