去玩去癲 · October 1, 2011

2011年台中之旅 – Day 3

台中之旅第三日,我們去參觀「清境農場」。

我們住在山上,就係因為想住近些「清境農場」,方便我們去參觀。

今日天氣好好呀,最適合戶外活動。

我們泊好車之後,我們就入內參觀啦!

經過咗個環保餐廳之後不久,就會見到這個湖。你們睇下,真係幾靚架。

買清境農場入場卷時,送咗幾張消費卷給我們。因為唔知買咩好,所以就買咗呢個好可愛的青蛙造形的吹波波。

見到咁大空間,當然要玩下才走吧!

我們真係童心未泯!

湖中間有個風車,都幾靚架!拍照境點真多啊!

沿住個湖仲種咗好多花,雖然有些蜜蜂,不過環境真係幾靚!

我們沿住個湖行咗一圈,大約30分鐘左右就行完。

我們還見到湖邊有天鵝及鴨仔。你們覺得可愛嗎?

之後我們行咗去農場另一邊,見到個大草地,仲有好多人呢!

原來大家都來等睇表演。我們當然都有跟著一齊等啦!

原來大家在等著欣賞羊群表演。啲羊好乖、好可愛啊!

個表演大約30分鐘就完,之後我們繼續四圍行下,山景真係一流!當然要影多幾張相啦!

即刻攞我地帶去旅行的公仔「禪獅」及「北極熊」出黎影相先!

呢到好大風,好難先可以令佢地坐定定影相呢!哈哈……

呢張相的背景係「音樂城堡」,我們一於去看看…

怎料去到時,任何音樂的元素也沒有,只見到有些山羊給人們餵飼,拍照及撫摸。

不過近睇,啲山羊都真係好cute啊!

同羊仔玩完遊戲之後,我地呢個「清境農場」參觀活動就完咗啦!

之後我們就返民宿啦!難得買咗吹波波,當然要再係民宿前個靚花園再影下相啦!

點可以只有禪獅架,當然要加埋北極熊啦!

影完相,小休一下之後,大家都有啲肚餓,決定駕車出去睇下有咩食!俾我們見到一間好靚嘅餐廳,一於就在這裡下午茶吧!

係咪好靚呢??

可惜餐廳的下午茶時段已經完咗,正在準備晚市了!好失望啊!

只好行一圈,再欣賞一下呢到的環境吧!

個正門都好靚架!

真係可惜,我們明早便要離開了。唯有下次再來時,才試這裡的下午茶吧!

晚上我們都沒有計劃行程,因為今晚要收拾行李,明早便要離開了。