去玩去癲 · October 2, 2011

2011年台中之旅 – Day 4

轉眼便到了行程第4日,今日我們便要落山啦!我們會轉去住另外一間民宿。

自駕遊有個好處,去到邊見到靚景,都可以隨時停下來拍照才繼續行程。

我們今天落山時就係見到個靚景,我們又揾到位泊車,所以就影埋相先走!

係咪好靚呢!

影完相,我們便向今晚住嘅民宿駛去。

呢間民宿是位於蒲里的。

今次我們住的是六人房,間房真係好大!

唔止間房大,個洗手間都好大!好誇張!有個好大的按摩浴缸,還有按摩花洒呢!

如果夏天一家大細來住,記得要帶埋泳衣來玩水呀!

房外面仲有個位置俾大家飲下茶,享受一下被大自然包圍著!

我們放低行李後不久,便出發坐船去「日月潭」啦!

我們坐的,便是這架船。船程不長,好快就到。

好可惜,我們到達日月潭時,一直都在下雨!

天色雖然有些暗,但景色都係靚嘅!

我第一次去日月潭,發現當地有好多貓頭鷹的紀念品。好多都好精緻,好靚!

就係因為在日月潭買了貓頭鷹擺設,我便開始了我的貓頭鷹物品收集啦!下次有機會再同大家分享下我的收集物品啦!

晚上食過晚飯後,我們便回去民宿了。因為民宿主人幫我們安排咗特別的節目。

你地睇下民宿個夜景都幾靚!

民宿主人幫我們安排的活動,就是去找尋青蛙!

水鞋都是民宿安排給我們的,我們每人也分派了電筒,可以四圍照青蛙。

原來青蛙們一被電筒照著,牠們便會靜止咗,不會跳走。

捉到青蛙之後,民宿主便會介詔這是什麼青蛙及牠們的特性等!

夜遊完,我們便回房享受我們的大浴室。之後便早啲休息了,因為明天還有豐富行程呢!