每次去澳門都係美食團!! 最近嗰次去已經係年幾前嘅事。

但係睇番啲相都好回味!!

真係食咗好多嘢!! 有啲仲要係必食推介潻呀!!

第一個要介紹嘅就係「榮達魚翅湯面」

佢個 menu 好似好少嘢食咁，但係我地一叫就已經一檯都係啦!!

佢地啲湯底真係勁!! 已經煲到起哂膠…..真係啖啖都食緊骨膠原!! 多食皮膚係咪一定會靚啲呢!! 哈哈……

下一樣要介紹就係「禮記雪糕屋」。

呢張相我一定要擺啦!! 影得我 honey 咁型!! 哈哈!!

呢個禮記嘅雪糕三文治已經有好耐歷史，但係都仲係咁好食!!

禮記所有雪糕都係自己做，啲味道真係唔同啲。佢地啲香芋味特別香，芒果都好好味!!

最後我地仲食咗件蜜瓜味雪糕磚，真係勁好味!! 大家真係一定要試!!  唔係講笑!!

之後我地去咗威尼斯人入面行。哇!! 入面大到呢!! 本黎食到飽飽都消化哂，又要搵食啦!!

無意之中，比呢間啲 Pizza 香味吸引咗!!

真係要等都無計!! 因為真係好香…..

哇!! 有得食!! 有得食!! 比個 Pizza 嘅 close up 大家睇睇有幾咁足料!!

一個外貌咁普通嘅 pizza，原來真係好好食架!!

你地睇吓啲芝士多到可以拉到咁長就知真係唔野少啦!! 諗起都好想再食!!

跟住仲有「盛昌」，佢地嘅水蟹粥真係一流!! 次次去澳門我都要食!!

佢啲料好足架，睇個蟹蓋都咁大就知啦!!

我地又點會淨係食水蟹粥咁少呀!! 盛昌啲小炒都好好味!!

西蘭花炒鮮魷

陵魚球併墨魚丸

炸田雞

椒鹽鮮魷

如果大家早啲食午飯，就好時間，仲可以好似我地上一次去嘅時間咁。響盛昌食完飯行15分鐘去食「大利來嘅豬扒包」。

大利來每日都會下午3點出爐，最好可以早啲去排隊。真係有好多人食!! 我地嗰日落雨都排咗半個鐘左右先有得食。

但係一坐低見到啲好食嘅豬扒包就等幾耐都唔記得架啦!!

佢塊豬扒超大!! 要好無儀態先食得到架!! 我個口咁細，真係食得好辛苦囉!! 哈哈哈哈哈哈哈哈……

未有得去澳門，都睇住啲相頂住癮先!!
下次去有好介紹再同大家分享啦!!